spot_img
Homeສຸຂະພາບ ແລະ ສີ່ງແວດລ້ອມ    6 ພຶດຕິກໍາທີ່ທໍາລາຍຕັບ ຢ່າງຮຸນແຮງ!!

    6 ພຶດຕິກໍາທີ່ທໍາລາຍຕັບ ຢ່າງຮຸນແຮງ!!

Published on

ໃນທຸກໆວັນ ຄົນເຮົາຕ້ອງປະເຊີນກັບບັນຫາສານພິດ, ມົນລະພາວະຫຼາກຫຼາຍ ທຸກຢ່າງເມື່ອໄດ້ເຂົ້າສູ່ຮ່າງກາຍ ຍ່ອມສົ່ງຜົນເສຍ ເປັນອັນຕະລາຍຕໍ່ສຸຂະພາບ ແຕ່ໂຊກດີທີ່ຮ່າງກາຍຂອງຄົນເຮົາ ມີວິທີການໃນການກຳຈັດສານພິດເຫຼົ່ານີອອກໄປ ໂດຍຕັບມີໜ້າທີ່ສຳຄັນຫຼາຍນອກຈາກຜະລິດພະລັງງານແລ້ວ ຍັງກຳຈັດສານພິດໃນຮ່າງກາຍອີກດ້ວຍ. ດັ່ງນັ້ນ ໃນແຕລະມື້ຕັບຕ້ອງໄດ້ເຮັດວຽກໜັກ ຍິ່ງເຮົາປະເຊີນກັບສານພິດຫຼາຍເທົ່າໃດ ຕັບກໍຕ້ອງເຮັດວຽກໜັກຫຼາຍຂຶ້ນ ແຕ່ກໍເປັນອະໄວຍະວະທີ່ຖືກປ່ອຍປະ ບໍ່ເບິ່ງແຍງຮັກສາ ເພາະພຶດຕິກຳບາງຢ່າງທີ່ເຮົາເຮັດຢູ່ຕະຫຼອດ ໂດຍບໍ່ຮູ້ໂຕ, ດົນເທົ່າໃດຕັບກໍຍິ່ງເສື່ອມສະພາບ ຕັບຈະເຮັດວຽກໄດ້ບໍ່ດີເທົ່າທີ່ຄວນ ສານພິດຈະສະສົມໃນຮ່າງກາຍ ແລະຕັບ ສົ່ງຜົນໃຫ້ສຸຂະພາບບໍ່ສະບາຍ ພະຍາດຕ່າງໆຈະເກີດຂຶ້ນກັບໂຕເຮົາ. ດັ່ງນັ້ນ ຫາກບໍ່ຢາກຈະທຳລາຍຕັບອີກຕໍ່ໄປ ຕ້ອງຫຼີກລຽງພຶດຕິກຳດັ່ງຕໍ່ໄປນີ້:

  1. ນອນເດິກຕື່ນສວາຍ: ເວລາການນອນຫຼັບນັ້ນ ເປັນເວລາທີ່ຮ່າງກາຍໄດ້ພັກຜ່ອນ ແລະທີ່ສຳຄັນຮ່າງກາຍຈະກຳຈັດສິ່ງເສດເຫຼືອຈາກອະໄວຍະວະຕ່າງໆ ຂອງຮ່າງກາຍ ໂດຍຂະບວນການຈະເລີ່ມຂຶ້ນຕັ້ງແຕ່ຊ່ວງເວລາ 9 ໂມງແລງ- 7 ໂມງເຊົ້າ ເຊິ່ງຖ້າເຮົາບໍ່ນອນ ລະບົບກໍຈະເຮັດວຽກໄດ້ບໍ່ເຕັມທີ່ ຈົນເກີດການສະສົມໃນຮ່າງກາຍເປັນຈຳນວນຫຼວງຫຼາຍ ຈົນເຮັດໃຫ້ເຄມີໃນຮ່າງກາຍຜິດປົກກະຕິໄດ້
  2. ກິນອາຫານປະເພດຈືນ ແລະມັນຫຼາຍ: ໂດຍປົກກະຕິແລ້ວ ຖ້າເຮົາກິນອາຫານຫຼາຍເກີນໄປ ຈະເຮັດໃຫ້ຕັບເຮົາເຮັດວຽກໜັັກຢູ່ແລ້ວ ເພາະໄດ້ຮັບສານອາຫານຈຳນວນຫຼາຍ ໂດຍສະເພາະອາຫານທີ່ຈືນ ແລະມັນຫຼາຍ ນັ້ນເຕັມໄປດ້ວຍໄຂມັນ ຕັບຈຶ່ງເຮັດວຽກໜັກຫຼາຍຂຶ້ນຫຼາຍ ເຊິ່ງເປັນສາເຫດໜຶ່ງຂອງພະຍາດຕັບແຂງ ແລະມະເຮັງຕັບໄດ້
  3. ກິນເຄື່ອງດື່ມມີທາດເຫຼົ້າຫຼາຍເກີນໄປ: ເຄື່ອງດື່ມທີ່ມາທາດເຫຼົ້າທຸກຊະນິດ ຫາກກິນຫຼາຍ ກິນເປັນປະຈຳ ຖືເປັນສາເຫດຫຼັກຂອງການທຳລາຍຕັບ ເພາະພິດຈາກເຫຼົ້າໄປສະສົມຢູ່ທີ່ຕັບ, ແຕ່ບໍ່ພຽງເທົ່ານັ້ນ ການກິນແຕ່ລະຄັ້ງກໍກັບເດິກຢູ່ສະເໝີ ກວ່າຈະໄດ້ນອນກໍເດິກຫຼາຍແລ້ວ ເປັນການລວມສາເຫດການທຳລາຍຕັບຂອງເຈົ້າ ພຶດຕິກຳນີ້ ຍັງເຮັດໃຫ້ເກີດພະຍາດໄວລັດຕັບອັກເສບໄດ້ ໄຂມັນສະສົມໃນຕັບ ຫຼືໄຂມັນພອກຕັບ ແລະອາການຕັບແຂງ ເນື່ອງຈາກເປັນກິດຈະກຳທີ່ຕັບຕ້ອງຮັບພາລະໜັກໃນການຂັບສານພິດອອກຈາກຮ່າງກາຍ
  4. ກິນຢາເປັນປະຈຳ: ເຮັດໃຫ້ຕັບເຮັດວຽກໜັັກກວ່າປົກກະຕິ ເພາະຢາຄືສານສັງເຄາະ ສານເຄມີຊະນິດໜຶ່ງ ອີກທັງຢາທີ່ຈຳເປັນບາງຊະນິດມີຜົນຂ້າງຄຽງຕໍ່ຕັບ ໂດຍສະເພາະຢາປາລາ ແລະຢາຮັກສາມະເລັງ, ສານສັງເຄາະບາງຊະນິດເປັນຢາ ອາດກາຍເປັນພິດຕໍ່ຕັບໄດ້
  5. ສູບຢາ: ອົງການອະນາໄມໂລກ ເປີດເຜີຍຂໍ້ມູນທີ່ໜ້າສົນໃຈວ່າ ໃນຄວັນຢາສູບ ມີສານ ນິໂຕຕິນ (ສານເສບຕິດ), ສານເຄມີ 7.000 ຊະນິດ, ສານພິດ ຫຼາຍກວ່າ 250 ຊະນິດ ແລະສານກໍ່ມະເຮັງ ຫຼາຍກວ່າ 70 ຊະນິດ, ສູບຢາດົນເທົ່າໃດ ສານພິດທີ່ຢູ່ຄວັນຢາສູບຍິ່ງເຂົ້າສູ່ຕັບຫຼາຍຂຶ້ນ
  6. ຄວາມຕຶງຄຽດ: ເມື່ອເຮົາເກີດຄວາມຕຶງຄຽດ ຕັບຂອງເຮົາກໍຈະເຮັດວຽກຜິດປົກກະຕິ ເຮັດໃຫ້ໝາກໄຂ່ຫຼັງ ຜິດຜະລິດໂຮໂມນຄໍຕິຊອນ (cortisol) ຫຼືເອີ້ນວ່າໂຮໂມນຄວາມຕຶງຄຽດ ໂດຍໂຮໂມນຊະນິດນີ້ ເປັນຕົ້ນເຫດເຮັດໃຫ້ຕັບຜະລິດນໍ້າຕານກຼູໂຄສ ຫຼາຍຂຶ້ນ ເຊິ່ງນໍ້າຕານຊະນິດນີ້ໃຫ້ພະລັງສູງ ເຖິງວ່າຈະສາມາດດູດຊຶມກັບມາໄດ້ ໂດຍບໍ່ເກີດການເສຍຫາຍໃດໆ ໃນຮ່າງກາຍ ແຕ່ມັນກໍເພີ່ມຄວາມສ່ຽງພະຍາດເບົາບານ ທີ່ເກີດພາວະນໍ້າຕານໃນເລືອດສູງໄດ້ເຊັ່ນດຽວກັນ ແຕ່ກໍບໍພຽງເທົ່ານັັ້ນ ເພາະຄວາມຕຶງຄຽດອາດເຮັດໃຫ້ເຈົ້ານອນບໍ່ຫຼັບ ຫຼືກິນອາຫານຫຼາຍຂຶ້ນໄດ້ ຄວາມຕຶງຄຽດທີ່ເກີດຂຶ້ນ ຈຶ່ງສົ່ງຜົນຮ້າຍຕໍ່ຕັບໄດ້ຫຼາຍທີ່ສຸດ.

 ທີ່ມາ: kaijew

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...