ຂໍ້ມູນທົ່ວໄປຂອງແຂວງຊຽງຂວາງ
ຊື່ພາສາລາວ ແຂວງຊຽງຂວາງ
ເມືອງເອກ ເມືອງແປກ(ໂພນສະຫວັນ)
ຂໍ້ມູນສະຖິຕິ
ເນື້ອທີ່ 16,358 km²
ປະຊາກອນ 287,683 (2012 ຄາດຄະເນ) ຄົນ
ຄວາມໜາແໜ້ນປະຊາກອນ 18 ຄົນ/km²
ແຂວງຊຽງຂວາງ ເປັນແຂວງທີ່ອຸດົມສົມບູນໄປດ້ວຍ ຊັບໃນດິນສິນໃນນ້ຳ ແລະ ປ່າໄມ້ທີ່ອຸດົມສົມບູນ ມີແຫຼ່ງທ່ຽວຫຼາຍແຫ່ງທີ່ໜ້າສົນໃຈ ເຊັ່ນ: ທົ່ງໄຫຫີນ, ບໍ່ນ້ຳຮ້ອນ. ນອກຈາກນັ້ນ ແຂວງຊຽງຂວາງ ຍັງ ແມ່ນ ໜຶ່ງໃນບັນດາແຂວງທີ່ບໍ່ມີພົມແດນ ຕິດກັບ ແມ່ນຳ້ຂອງ ແລະ ຍັງເປັນແຂວງທີ່ ພູທີ່ສູງທີ່ສຸດໃນ ປະເທດລາວ ຕັ້ງຢູ່ ນັ້ນຄື ພູເບ້ຍ ສູງ 2820 ແມັດ (ປະຈຸບັນພູເບ້ຍແມ່ນຂື້ນກັບແຂວງໄຊສົມບູນ).
ປະຫວັດແຂວງຊຽງຂວາງ
ລັກສະນະພູມສັນຖານ
ແຂວງຊຽງຂວາງຕັ້ງຢູ່ທາງພາກເໜືອຂອງປະເທດລາວ ມີພື້ນທີ່ເປັນລັກສະນະພູພຽງ ຢູ່ສູງກວ່າລະດັບນຳທະເລ ໑໒໐໐ ແມັດ ມີອາກາດໜາວເກືອບຕະຫລອດປີ. ຍັງມີພູພຽງເມືອງພວນ ທີ່ອຸດົມສົມບູນ ເປັນພູພຽງທີ່ອ້ອມຮອບດ້ວຍພູສູງ ແລະ ຍັງມີພູເບ້ຍ ເຊ່ິງເປັນພູທີ່ສູງທີ່ສຸດໃນປະເທດລາວ ມີຄວາມສູງ 2820 ແມັດ.
ໂພນສະຫວັນ ຄ້າຍຄືກັນກັບສະຫວັນຂອງຄົນເມືອງເຫນືອ ກໍ່ວ່າໄດ້ດຳລົງຊີວິດອາໄສຕາມທຳມະຊາດໃນເຂດເນີນພູ, ທົ່ງພຽງ ຫລື ຕາມຈ້າຍພູບວກກັບຄວາມຈະເລີນຮຸ່ງເຮືອງໃນປະຈຸບັນເຮັດໃຫ້ບ່ອນດັ່ງກ່າວນີ້ມີໂສມຫນ້າໃຫມ່ປະດັບດິນແດນອິດສະຫລະສາຍຖະຫນົນຫລວງຄົດລ້ຽວໂງເງ ຕາມຮ່ອມພູ, ສັນພູ ໃນປະຈຸບັນເຂດທົ່ງໄຫຫີນມີອາ ກາດຫນາວເຢັນຕະຫລອດປີ ຖະຫນົນສາຍຫລັກທີ່ຄົດລ້ຽວ ບ້ານໂພນສະຫວັນ ເບິ່ງຄືກັນກັບວ່າເປັນອານານິຄົມຂອງປະຊາຊົນໃນເຂດນັ້ນຍອຍປ່າສົນເປັນສີຂຽວປົກຄຸມເຮັດໃຫ້ຫມູ່ບ້ານດັ່ງກ່າວ ມີສີສັນຂຶ້ນຕື່ມເປັນສະຖານທີ່ທ່ອງທ່ຽວທີ່ຍັງບໍ່ຊ້ຳແບບກັບບ່ອນອື່ນຂອງແຂວງ ມັນຍັງມີສະເຫນຂອງມັນຢູ່ໃນຄວາມລຽບງ່າຍທີ່ອຸດົມໄປດ້ວຍປະຫວັດສາດທາງດ້ານວັດທະນະທຳ ເຮົາຈະເຫັນລູກລະເບີດທີ່ໃຊ້ເປັນເສົາຮົ້ວບ້ານ ແລະ ເປັນຮາງໂຕ່ງນ້ຳໃນຍາມຝົນໃນເຂດຊົນນະບົດ.
ທີ່ຕັ້ງ
ທິດເໜືອຕິດກັບ ແຂວງຫົວພັນ
ທິດໃຕ້ຕິດກັບ ແຂວງວຽງຈັນ ແລະ ແຂວງບໍລິຄຳໄຊ
ທິດຕາເວັນອອກຕິດກັບ ສ.ສ ຫວຽດນາມ
ທິດຕາເວັນຕົກຕິດກັບ ແຂວງຫລວງພະບາງ
ບັນດາເມືອງ
ເມືອງໂພນສະຫວັນ(ເມືອງແປກ)
ເມືອງຄຳ
ເມືອງໜອງແຮດ
ເມືອງຄູນ
ເມືອງໝອກໃໝ່
ເມືອງພູກູດ
ເມືອງຜາໄຊ
ສະຖານທີ່ທ່ອງທ່ຽວ ແຂວງຊຽງຂວາງ
– ທົ່ງໄຫຫີນ
– ເມືອງ ໂພນສະຫວັນ ສວນພູຄຳ
– ບໍ່ນ້ຳອຸ່ນ
– ພຣະທາດຝຸ່ນ
– ພຣະທາດຈອມເພັດ
– ຖ້ຳປິວ
– ມົ້ງລາວ ທີ່ບ້ານປູ້
– ຕາດວັງແລ ບ້ານສົບມາ ເມືອງຄຳ
– ນ້ຳຕົກຕາດຄະ
– ໝູ່ບ້ານລະເບີດ