spot_img
Homeຂ່າວຍົນຕົກເຮລິຄອບເຕີກອງທັບໄທ ຂາດການຕິດຕໍ່ແຕ່ສວາຍ ປານນີ້ຍັງບໍ່ພົບຮ່ອງຮອຍ

ເຮລິຄອບເຕີກອງທັບໄທ ຂາດການຕິດຕໍ່ແຕ່ສວາຍ ປານນີ້ຍັງບໍ່ພົບຮ່ອງຮອຍ

Published on

ມື້ນີ້, ວັນທີ 14 ສິງຫາ 2016 ທີ່ປະເທດໄທ ເກີດເຫດຍົນເຮລິຄອບເຕີຂອງກອງທັບພາກທີ 3 ຂອງໄທ ຮຸ່ນ UH-72 ຫຼືລາໂກຕ້າ ທີ່ກຳລັງບິນກັບຈາກພາລະກິດຊ່ວຍເຫຼືອຜູ້ປະສົບໄພນ້ຳຖ້ວມທີ່ຈັງຫວັດແມ່ຮ່ອງສອນ ມຸ້ງໜ້າກັບໄປຍັງຈັງຫວັດພິດສະນຸໂລກ ໄດ້ຂາດການຕິດຕໍ່ໄປ ໃນລະຫວ່າງການບິນຢູ່ບໍລິເວນເທິງດອຍອິນທະນົນ ຕັ້ງແຕ່ເວລາ 10:30

ເຈົ້າໜ້າທີ່ທະຫານຈັງຫວັດຊຽງໃໝ່ ໄດ້ແຕ່ງຕັ້ງກັນອອກໄປຄົ້ນຫາ ແຕ່ວ່າມາຮອດຕອນຄ່ຳມືດຂອງມື້ນີ້ ກໍຍັງບໍ່ມີວີ່ແວວວ່າພົບເຫັນຍົນລຳດັ່ງກ່າວແຕ່ຢ່າງໃດ.

ຍົນລຳດັ່ງກ່າວມີຜູ້ໂດຍສານທັງໝົດ 5 ຄົນ ເປັນນັກບິນ 2 ຄົນ ຊ່າງເຕັກນິກ 2 ຄົນ ຜູ້ໂດຍສານ 1 ຄົນ ໃນນັ້ນມີ ພົນຕີ ນົບພອນ ເຮືອນຈັນ ຜູ້ບັນຊາການກອງພົນທະຫານຮາບທີ 4 ຂອງໄທລວມຢູ່ນຳພ້ອມ.

ໃນຂະນະທີ່ບາງກະແສຂ່າວໄດ້ບອກວ່າ ໄດ້ພົບເຮືອບິນລຳດັ່ງກ່າວແລ້ວ ໂດຍໄດ້ລົງຈອດທີ່ບ້ານປ່າຄາ ອຳເພີສະເມິງ ຈັງຫວັດຊຽງໃໝ່. ແຕ່ກະແສຂ່າວດັ່ງກ່າວນັ້ນພົບວ່າ ເປັນເຮລິຄອບເຕີ ຈາກກອງບິນ 41 ທີ່ໄດ້ຮ່ວມອອກຄົ້ນຫາເຮືອບິນລຳທີ່ຂາດການຕິດຕໍ່.

ແນວໃດກໍຕາມກອງທັບອາກາດໄທ ໄດ້ຈັດສົ່ງເຮືອບິນບໍ່ມີຄົນຂັບ ຫຼື UAV ຈາກກອງບິນ 4 ຕາຄລີ ສະໜັບສະໜຸນການຄົ້ນຫາ ໂດຍເຮືອບິນ UAV ຈະອອກເດິນທາງຈາກຈັງຫວັດ ນະຄອນສະຫວັນໃນຕອນເຊົ້າມື້ອື່ນນີ້.

CiHZjUdJ5HPNXJ91wzcWzvbx88LW2JHYyI
ຍົນບໍ່ມີຄົນຂັບ ຫຼື UAV ທີ່ຈະເຂົ້າຊ່ວຍຄົ້ນຫາ

ບົດຄວາມຫຼ້າສຸດ

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...

ສັດທີ່ສ່ຽງສູນພັນ ໝີຂົ້ວໂລກຈາກທີ່ເຄີຍອາໄສຢູ່ໃນເຂດໜາວ ປັດຈຸບັນຕ້ອງມາອາໄສຢູ່ທີ່ສູນວິໄຈຮ້າງ

ໝີຂົ້ວໂລກ ຖືເປັນສັດລ້ຽງລູກດ້ວຍນົມທີ່ໃຫຍ່ທີ່ສຸດໃນໂລກ ໂຕຜູ້ໃຫ່ຍສຸດອາດຈະມີນໍ້າໜັກເຖິງ 600ກິໂລກຣາມ, ເຖິງແມ່ນຮູບຮ່າງຈະໃຫ່ຍແຕ່ຊີວິດຂອງພວກມັນ ໜ້າເປັນຫວ່ງຫຼາຍ ເນື່ອງຈາກອາຫານຂອງພວກມັນສ່ວນຫຼາຍແມ່ນແມວນໍ້າເປັນຫຼັກ ເວລາທີ່ຈະຫາອາຫານພວກມັນຈະອາໄສລັກສະນະພູມສັນຖານທີ່ເປັນເຂດໜາວໃນການຫາອາຫານ. ແຕ່ໃນປັດຈຸບັນເກີດມີພາວະໂລກຮ້ອນເຮັດໃຫ້ເຂດພູເຂົານໍ້າແຂງເປື່ອຍໄວຜິດປົກກະຕິ ສົ່ງຜົນກະທົບໃຫ້ພື້ນທີ່ໃນການຫາອາຫານກໍ່ໜ້ອຍລົງ ໝີຂົ້ວໂລກຈໍານວນຫຼາຍຈຶ່ງໄດ້ອົບພະຍົບເຂົ້າມາຢູ່ອາໄສໃນເຂດຊຸມຊົນ ກັບການອາໄສຢູ່ໃນສູນວິໄຈຮ້າງ ທີ່ເກາະໂຄລີອູຊິນ ຢູ່ທາງພາກເໜືອຂອງປະເທດຣັດເຊຍ. ຕາມການຈັດອັນດັບຂອງ IUCN...