Homeຂ່າວທ້ອງຖິ່ນກອງກວດກາປ່າໄມ້ ແຂວງໄຊຍະບູລີ ຈັດພິທີທໍາລາຍຊິ້ນສ່ວນສັດປ່າ ທີ່ລັກລອບຊື້ຂາຍຕາມຕະຫຼາດ

ກອງກວດກາປ່າໄມ້ ແຂວງໄຊຍະບູລີ ຈັດພິທີທໍາລາຍຊິ້ນສ່ວນສັດປ່າ ທີ່ລັກລອບຊື້ຂາຍຕາມຕະຫຼາດ

Published on

ໃນຕອນບ່າຍ ວັນທີ 03 ສິງຫາ 2016 ຜ່ານມາ ກອງກວດກາປ່າໄມ້ ພະແນກກະສິກຳ ແລະ ປ່າໄມ້ແຂວງໄຊຍະບູລີ ໄດ້ຈັດພິທີທໍາລາຍຊິ້ນສ່ວນສັດປ່າທີ່ຫວງຫ້າມ ເຊິ່ງເປັນກຽດເຂົ້າຮ່ວມໃນພິທີມີທ່ານ ວອນ ວົງສີ  ຕາງໜ້າພະແນກກະສິກໍາ ແລະ ປ່າໄມ້ແຂວງ  ທ່ານ ແສງເພັດ ສີລິສົມບັດ ຫົວໜ້າກອງກວດກາປ່າໄມ້ແຂວງ ມີເຈົ້າໜ້າທີ່ກ່ຽວຂ້ອງເຂົ້າຮ່ວມ.

ທ່ານ ແສງຈັນ ພານຸເດດ ຮອງຫົວໜ້າກອງກວດກາປ່າໄມ້ແຂວງໄຊຍະບູລີ ໄດ້ໃຫ້ຮູ້ວ່າ ໃນວັນທີ 02 ສິງຫາ 2016 ຜ່ານມາ ທາງເຈົ້າໜ້າທີ່ປ່າໄມ້ແຂວງໄຊຍະບູລີ ໄດ້ສົມທົບກັບເຈົ້າໜ້າທີ່ປ່າໄມ້ເມືອງໄຊຍະບູລີ  ແລະ ພະນັກງານປະຈໍາຢູ່ຕະຫຼາດສີມຸງຄຸນ ລົງກວດກາ ສະກັດກັ້ນການຊື້-ຂາຍ ສັດປ່າຢູ່ຕະຫຼາດບ້ານສີມຸງຄຸນ ເມືອງໄຊຍະບູລີ ແຂວງໄຊຍະບູລີ ພົບເຫັນປະຊາຊົນຍັງສຶບຕໍ່ວາງຈຳໜ່າຍສັດປ່າທີ່ຫວງຫ້າມ ເຈົ້າໜ້າທີ່ຈິ່ງໄດ້ກວດກາຍຶດສັດປ່າໄດ້ທັງໝົດຫຼາຍກວ່າ 34 ກິໂລກຣາມ ໃນນີ້ ມີຊີ້ນຟານແຫ້ງ 14,5 ກິໂລກຣາມ ຊີ້ນໝູປ່າແຫ້ງ 15 ກິໂລກຣາມ ຊີ້ນໄກ້ແຫ້ງ ແລະ ກະຮອກແຫ້ງ 5 ກິໂລກຣາມ ຮວມມູນຄ່າ 2.500.000 ກວ່າກີບ ເຊິ່ງການກະທຳດັ່ງກ່າວ ເປັນການກະທຳຜິດຕໍ່ກົດໝາຍວ່າດ້ວຍສັດນໍ້າ ແລະ ສັດປ່າ ສະບັບເລກທີ 07/ສພຊ ລົງວັນທີ່ 24 ທັນວາ 2007.

         ທ່ານ ແສງຈັນ ພານຸເດດ ຍັງໃຫ້ຮູ້ຕື່ມວ່າ ໃນໄລຍະຜ່ານມາ ເຈົ້າໜ້າທີ່ກອງກວດກາປ່າໄມ້ ແຂວງໄຊຍະບູລີ ໄດ້ຈັດຕັ້ງພະນັກງານລົງເຜີຍແຜ່ລະບຽບ ກົດໝາຍກ່ຽວກັບການຄຸ້ມຄອງສັດນໍ້າ ແລະ ສັດປ່າໃຫ້ປະຊາຊົນບັນດາເຜົ່າຢູ່ບັນດາເມືອງ ບ້ານທີ່ຫຼໍ່ແຫຼມ ມີຄວາມສ່ຽງສູງຕໍ່ການລ່າ ຫາສັດນໍ້າ ແລະ ສັດປ່າ ເຊິ່ງໄດ້ຕິດຕັ້ງໂພດສະເຕີ ແລະ ປ້າຍໂຄສະນາ ເພື່ອໃຫ້ປະຊາຊົນບັນດາເຜົ່າມີຄວາມເຂົ້າໃຈ ມີຄວາມຮັບຮູ້ຕໍ່ລະບຽບກົດໝາຍສັດນໍ້າ ແລະ ສັດປ່າ ພ້ອມກັນນີ້ ກໍໄດ້ລົງຕິດຕາມກວດກາເປັນປະຈຳ ເພື່ອເກັບກໍາຂໍ້ມູນບຸກຄົນ ເປົ້າໝາຍທີ່ມີການຊື້-ຂາຍສັດນໍ້າ ແລະ ສັດປ່າ ພ້ອມທັງ ແຈ້ງເຊີນບຸກຄົນເປົ້າໝາຍຕ່າງໆເຂົ້າມາສຶກສາອົບຮົມ ແລະ ເຮັດບົດບັນທຶກເພື່ອບໍ່ໃຫ້ກັບມາເຄື່ອນໄຫວທີ່ຜິດຕໍ່ລະບຽບກົດໝາຍອີກຕໍ່ໄປ.

ຂ່າວ/ພາບ: ບຸນຫຼີ  ບັນນະວົງ

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...