ສຳນັກຂ່າວຕ່າງປະເທດ ລາຍງານໃນວັນທີ 21 ກໍລະກົດນີ້ວ່າ ທ່ານ ເຣເຊບ ເຕຢິບ ເອີໂດກັນ ປະທານາທິບໍດີຕວກກີ ໄດ້ປະກາດສະພາວະສຸກເສີນ ແກ່ຍາວເປັນເວລາ 3 ເດືອນ ໃນຂອບເຂດທົ່ວປະເທດ ໂດຍທ່ານໄດ້ຢືນຢັນວ່າ ການປະກາດຄຳສັ່ງສະພາວະສຸກເສີນ ແມ່ນມີຄວາມຈຳເປັນ ເພື່ອແນໃສ່ກວາດລ້າງ ບັນດາພາກສ່ວນຂອງອົງການກໍ່ການຮ້າຍ ທີ່ກ່ຽວຂ້ອງກັບການລັດຖະປະຫານ ຫລື ກຸ່ມກະບົດ ໃຫ້ສຳເລັດໂດຍໄວ.
ນອກນັ້ນ, ຜູ້ນຳຕວກກີຍັງໄດ້ຖະແຫຼງວ່າ ພື້ນຖານອະທິປະໄຕຂອງຕວກກີ ແລະ ຄວາມຕັ້ງໃຈພະຍາຍາມ ເຂົ້າເປັນ ສະມາຊິກສະຫະພາບເອີຣົບ ຫລື EU ຈະບໍ່ຖືກຜົນສະທ້ອນ ຈາກການປະກາດສະພາວະສຸກເສີນດັ່ງກ່າວນີ້.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!