Homeຂ່າວການພັດທະນາທົ່ວປະເທດມີຄວາມພ້ອມແລ້ວ 100% ທີ່ຈະປ່ອຍປາໃຫ້ໄດ້ ຢ່າງໜ້ອຍ 40 ລ້ານໂຕ!

ທົ່ວປະເທດມີຄວາມພ້ອມແລ້ວ 100% ທີ່ຈະປ່ອຍປາໃຫ້ໄດ້ ຢ່າງໜ້ອຍ 40 ລ້ານໂຕ!

Published on

ກົມລ້ຽງສັດ ແລະ ການປະມົງ, ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ປັດຈຸບັນຂະແໜງການຂອງຕົນ ໄດ້ສຳເລັດການກະກຽມໃຫ້ແກ່ການປ່ອຍປາ ໃນວັນອະນຸລັກສັດນ້ຳ-ສັດປ່າແຫ່ງຊາດ 13 ກໍລະກົດນີ້ ແມ່ນມີຄວາມພ້ອມໂດຍພື້ນຖານ, ຊຶ່ງທາງກົມລ້ຽງສັດ ແລະ ການປະມົງເອງ ກໍໄດ້ອອກແຈ້ງການເຖິງທ້ອງຖິ່ນຕ່າງໆ ໃນທົ່ວປະເທດໃຫ້ມີການກະກຽມລູກປາ, ສະຖານທີ່ ແລະ ສິ່ງອຳນວຍຄວາມສະດວກຕ່າງໆ, ເພື່ອເຮັດໃຫ້ການປ່ອຍປາລົງສູ່ແມ່ນ້ຳ ແລະ ໜອງນ້ຳທຳມະຊາດສຳລັບປີນີ້ ໃຫ້ບັນລຸໄດ້ຢ່າງໜ້ອຍ 40 ລ້ານໂຕ ຕາມແຜນການ ແລະ ຈາກການສຳຫຼວດຕົວຈິງ ມາຮອດປັດຈຸບັນ ທົ່ວປະເທດມີຄວາມພ້ອມແລ້ວ 100%, ໃນນັ້ນໄດ້ກະກຽມລູກປາ ໄວ້ແລ້ວຫຼາຍກວ່າ 40 ລ້ານໂຕ, ສຳລັບຢູ່ນະຄອນຫຼວງວຽງຈັນ ແມ່ນໄດ້ກຳນົດເອົາເມືອງປາກງື່ມ ເປັນບ່ອນຈັດງານເປີດຂະບວນການປ່ອຍປາ ໃນວັນທີ 13 ກໍລະກົດນີ້ ແລະ ທັງເປັນການປຸກລະດົມນັກຮຽນເຍົາວະຊົນ ໄດ້ຮູ້ເຖິງຄວາມໝາຍ
ຄວາມສຳຄັນຂອງ ການອະນຸລັກສັດນ້ຳ-ສັດປ່າ ໄວ້ໃຫ້ຍືນຍົງ, ຫ້າມຫາປາໃນວັງສະຫງວນ ແລະ ຫ້າມລ່າສັດ ໃນລະດູແຜ່ພັນ ແລະ ວາງໄຂ່, ພ້ອມນັ້ນ ທຸກຄົນກໍຕ້ອງເປັນເຈົ້າການເບິ່ງແຍງ ແລະ ປົກປັກຮັກສາ ເພື່ອເຮັດໃຫ້ປ່າທີ່ປ່ອຍໄປແລ້ວນັ້ນ ໃຫ້ເຕີບໃຫຍ່ຂະຫຍາຍພັນ, ທັງເປັນການຄືນຄວາມອຸດົມສົມບູນ ໃຫ້ແກ່ທຳມະຊາດ ແລະ ຄວາມຍືນຍົງຂອງຊີວະນາໆພັນ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...