spot_img
Homeມູມໄອທີລາວຫຼຸດສະເປັກ Meizu MX6 ຜ່ານ AnTuTu ພ້ອມເປີດໂຕວັນທີ 19 ນີ້

ຫຼຸດສະເປັກ Meizu MX6 ຜ່ານ AnTuTu ພ້ອມເປີດໂຕວັນທີ 19 ນີ້

Published on

​  ເວົ້າໄດ້ວ່າເດືອນນີ້ມີຫຼາຍໆບໍລິສັດກຽມທີ່ຈະເປີດໂຕໂທລະສັບລຸ້ນໃໝ່ອອກມາບຸກຕະຫຼາດກັນຫຼາຍຂຶ້ນເລີຍໃນປີນີ້. ໂດຍຫຼ້າສຸດນີ້ເອງກໍເປັນທາງ Meizu ທີ່ອອກມາຢືນຢັນແລ້ວວ່າຈະເປີດໂຕໂທລະສັບລຸ້ນ Meizu MX6 ໃນວັນທີ 19 ກໍລະກົດນີ້. ແຕ່ການທີ່ອອກມາປະກາດວ່າຈະເປີດໂຕໂທລະສັບກໍບໍ່ໄດ້ເຜີຍຂໍ້ມູນສະເປັກຂອງໂຕເຄື່ອງໃດໆເລີຍ, ແຕ່ເຮົາກໍພໍມີຂໍ້ມູນສະເປັກຂອງ MX6 ແດ່ ໂດຍຂໍ້ມູນນີ້ແມ່ນໄດ້ຈາກ AnTuTu ເຈົ້າເກົ່າເຈົ້າເດີມ.

  ສຳລັບສະເປັກຂອງ Meizu MX6 ຄາດວ່າມາພ້ອມກັບໜ້າຈໍຂະໜາດ 5.5 ນິ້ວ, ຄວາມລະອຽດ FullHD (1920 x 1080 ພິກເຊວ) ເວົ້າໄດ້ວ່າຂະໜາດຈໍແລະຄວາມລະອຽດແບບນີ້ຖືເປັນມາດຕະຖານຂອງສະມາດໂຟນຍຸກນີ້ໄປແລ້ວກໍເວົ້າໄດ້. ສ່ວນທາງດ້ານຊິບປະມວນຜົນແມ່ນໃຊ້ຊິບເດກ້າຄໍ Helio X20 ແລະຊິບກຣາບຟິກ Mali-T880, RAM 4GB ແລະ ROM 32GB. 

  ສ່ວນດ້ານຫຼັງແມ່ນຕິດຕັ້ງກ້ອງຄວາມລະອຽດມາ 12 ລ້ານພິກເຊວ, ໃນຂະນະທີ່ກ້ອງໜ້າໃຫ້ມາ 5 ລ້ານພິກເຊວ. ສ່ວນທາງດ້ານຊ໋ອບແວຣ໌ນັ້ນ Meizu MX6 ຈະມາພ້ອມກັບລະບົບ Flyme 5.2.2 ທີ່ສ້າງມາຈາກ Android 6.0 Marshmallow ອີກເທື່ອໜຶ່ງ. ສ່ວນລາຍລະອຽດອື່ນໆກໍຕ້ອງຖ້າມື້ເປີດໂຕຢ່າງເປັນທາງການໃນວັນທີ 19 ກໍລະກົດນີ້.
ທີ່ມາ:gizmochina,ເດັກລາວ

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...