spot_img
Homeເກັບຕົກ-ເລື່ອງແປກຄົ້ນພົບຂີ້ເຂັບເຄິງບົກເຄິ່ງນ້ຳສາຍພັນທຳອິດຂອງໂລກ...ທີ່ປະເທດລາວ, ໄທ ແລະ ຫວຽດນາມ

ຄົ້ນພົບຂີ້ເຂັບເຄິງບົກເຄິ່ງນ້ຳສາຍພັນທຳອິດຂອງໂລກ…ທີ່ປະເທດລາວ, ໄທ ແລະ ຫວຽດນາມ

Published on

ນັກວິທະຍາຄົ້ນພົບຂີ້ເຂັບທີ່ຢູ່ໄດ້ທັງບົກ ແລະ ນ້ຳໃນສາຍພັນທຳອິດຂອງໂລກ ຈາກພາກພື້ນອາຊຽນ ເຊິ່ງພົບໄດ້ທີ່ປະເທດລາວ, ໄທ ແລະ ຫວຽດນາມ

ວາລະສານ National Geographic ເປີດເຜີຍການຄົ້ນພົບຂີ້ເຂັບເຄິງບົກເຄິ່ງນ້ຳສາຍພັນທຳອິດຂອງໂລກ ໃນວັນທີ 26 ມິຖຸນາ 2016 ທີ່ຜ່ານມາ ໂດຍການຄົ້ນພົບນີ້ໄດ້ຖືກລາຍງານຢ່າງເປັນທາງການໃນ ວາລະສານ  ZooKeys ເປັນຜົນການສຳຫຼວດສິ່ງທີ່ມີຊີວິດໃນຕະກູນ Scolopendra ຫຼື ຂີ້ເຂັບ ໂດຍຜູ້ຊ່ຽວຊານດ້ານແມງໄມ້ຈາກພິພິດຕະພັນປະຫວັດສາດແຫ່ງຊາດໃນນະຄອນຫຼວງລອນດອນ ທ່ານ ດຣ. ເກກໍຣີ ເອດຄອມເບ ແລະ ລູກສິດ ເຊິ່ງເປັນຜູ້ຊ່ຽວຊານດ້ານແມງໄມ້ຈາກປະເທດໄທ ທ່ານ ດຣ. ວໍຣະວຸດ ສິຣິຣຸດ ຈາກການສຳຫຼວດຈຳແນກແຍກປະເພດໂດຍລາຍລະອຽດຄັ້ງນີ້ ເຮັດໃຫ້ຄົ້ນພົບ ຂີ້ເຂັບສາຍພັນໃໝ່ທີ່ຢູ່ໄດ້ທັງເທິງບົກ ແລະ ໃນນ້ຳ ເຊິ່ງຖືກຕັ້ງຊື່ວ່າ: “Scolopendra cataracta” (cataracta ເປັນຄຳສັບພາສາລາຕິນ ແປວ່າ: ນ້ຳຕົກ)

ຂີ້ເຂັບລອຍນ້ຳໄດ້ໂຕດັ່ງກ່າວນີ້ຖືກເບດຄາໂລນິນຳໄປໄວ້ທີ່ພິພິດຕະພັນໃນລອນດອນ ເພື່ອໃຫ້ຜູ້ຊ່ຽວຊານຊ່ວຍຈຳແນກລະບຸສາຍພັນຂອງສິ່ງທີ່ມິຊີວິດນີ້

ເມື່ອລ່າສຸດມີຜົນການສຳຫຼວດສິ່ງທີ່ມີຊີວິດຕະກູນ Scolopendra ຢ່າງລະອຽດ ຈິ່ງມີການຈຳແນກສາຍພັນຂີ້ເຂັບລອຍນ້ຳໄດ້ນີ້ອອກເປັນຂີ້ເຂັບສາຍພັນໃໝ່ຄື: Scolopendra cataracta ເຊິ່ງເບດຄາໂລນິສັນນິຖານວ່າ ຂີ້ເຂັບສາຍພັນ Scolopendra cataracta ໄດ້ປັບປ່ຽນການຫາກິນໃຫ້ໄດ້ປຽບເໜືອໝູ່ໃນສາຍພັນດຽວກັນ ຄືແທນທີ່ຈະຍາດກັນຫາອາຫານເທິງບົກເທົ່ານັ້ນ ມັນກັບລົງໄປຫາເຍື່ອໃນນ້ຳແທນ ໂດຍຄາດວ່າມັນຈະອອກຫາກິນໃນນ້ຳໃນເວລາຕອນກາງຄືນ ເຊິ່ງມັນຈະກິນສັດທີ່ບໍ່ມີກະດູກສັນຫຼັງຂະໜາດນ້ອຍເປັນອາຫານ

ສຳລັບ Scolopendra ເມື່ອເຕີບໃຫຍ່ໄດ້ເຕັມທີ່ຈະມີຂະໜາດ 20 ຊມ ນອກເໜືອຈາກຄວາມສາມາດໃນການລອຍນ້ຳໄດ້ແລ້ວ ມັນຍັງມີຄຸນສົມບັດອື່ນໆເຊັ່ນ: ການກິນຊີ້ນ ແລະ ມີພິດ ແຕ່ພິດຂອງມັນຈະບໍ່ຮ້າຍແຮງເຖິງຂັ້ນເປັນອັນຕະລາຍຕໍ່ຊີວິດຄົນ

ທີ່ມາ: http://hilight.kapook.com/view/138780

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...