spot_img
Homeຂ່າວພາຍ​ໃນລາວຫາລືມາດຕະການຄວບຄຸມການເໜັງຕີງຂອງລາຄາສິນຄ້າ

ລາວຫາລືມາດຕະການຄວບຄຸມການເໜັງຕີງຂອງລາຄາສິນຄ້າ

Published on

ສປປ ລາວ ພວມເລັ່ງຫາມາດຕະການຄວບຄຸມການເໜັງຕີງຂອງລາຄາສິນຄ້າອຸປະໂພກ-ບໍລິໂພກໃຫ້ມີປະສິດທິຜົນ, ພາຍຫລັງເຫັນວ່າການຂຶ້ນລົງຂອງລາຄາສິນຄ້າແບບບໍ່ມີລະບຽບສົ່ງຜົນກະທົບຕໍ່ການດຳລົງຊີວິດຂອງສັງຄົມ ໂດຍສະເພາະປະເພດໄຟຟ້າ, ຊີ້ນ, ປາ ແລະ ອື່ນໆ ທີ່ເຫັນວ່າມີລັກສະນະຖີບຕົວສູງຂຶ້ນຜິດປົກກະຕິ ແລະ ມີຜົນກະທົບໂດຍກົງຕໍ່ຊີວິດການເປັນຢູ່ຂອງພະນັກງານ, ທະຫານ, ຕຳຫລວດ, ກຳມະກອນ ກໍຄືຜູ້ມີລາຍຮັບຕໍ່າຍິ່ງມີຄວາມຝືດເຄືອງຫລາຍຂຶ້ນ. ຂະນະທີ່ສິນຄ້າທີ່ຄາດວ່າຈະມີລາຄາສູງ ແລະ ເປັນທີ່ຕ້ອງການຂອງຕະຫລາດຕ່າງປະເທດເຊັ່ນ: ກາເຟ, ມັນຕົ້ນ, ສາລີ, ຢາງພາລາ ແລະ ອື່ນໆ ພັດມີລາຄາຕົກຕໍ່າຈົນເຮັດໃຫ້ຊາວສວນໃນຫລາຍທ້ອງຖິ່ນປະສົບບັນຫາຫລຸບທຶນເປັນຈຳນວນຫລາຍ ແລະ ຫັນໄປປູກພືດອື່ນແທນ.

ໃນກອງປະຊຸມປຶກສາຫາລືລະຫວ່າງກຳມາທິການເສດຖະກິດເຕັກໂນໂລຊີ ແລະ ສິ່ງແວດລ້ອມຂອງສະພາແຫ່ງຊາດ ແລະ ກະຊວງອຸດສາຫະກຳ ແລະ ການຄ້າ ກ່ຽວກັບສະພາບການເໜັງຕີງຂອງລາຄາສິນຄ້າ ແລະ ການຄຸ້ມຄອງການນຳເຂົ້າ-ສົ່ງອອກສິນຄ້າ ເມື່ອບໍ່ດົນມານີ້ ໄດ້ມີຄວາມເຫັນເປັນເອກະພາບກັນວ່າໃນຕໍ່ໜ້ານີ້ ຕ້ອງໄດ້ຄົ້ນຄວ້າຫາມາດຕະການໃນການຄຸ້ມຄອງລາຄາສິນຄ້າໃຫ້ເຂັ້ມງວດກວ່າເກົ່າ ເພື່ອໃຫ້ສອດຄ່ອງກັບສະພາບຄວາມເປັນຈິງດ້ານເສດຖະກິດຂອງປະເທດເຮົາ, ທັງເປັນການແກ້ໄຂບັນຫາປາກທ້ອງທີ່ສັງຄົມມີຄວາມເປັນຫ່ວງຫລາຍໃນປັດຈຸບັນ ແລ້ວລາຍງານຕໍ່ຄະນະປະຈຳສະພາແຫ່ງຊາດຄົ້ນຄວ້າພິຈາລະນາບັນດາມາດຕະການຈັດຕັ້ງປະຕິບັດຢ່າງເໝາະສົມ. ຂະນະດຽວກັນ ໃນກອງປະຊຸມຮ່ວມຄະນະລັດຖະບານ ແລະ ເຈົ້າແຂວງທີ່ສຳເລັດລົງເມື່ອທ້າຍອາທິດຜ່ານມານີ້ ກໍໄດ້ມອບໃຫ້ກະຊວງອຸດສາຫະກຳ ແລະ ການຄ້າຊອກຕະຫລາດ ເພື່ອຮອງຮັບການຜະລິດສິນຄ້າຂອງປະຊາຊົນ ແລະ ຮີບຮ້ອນດັດສົມລາຄາສິນຄ້າຕາມທ້ອງຕະຫລາດ ລວມເຖິງໃຫ້ຕິດລາຄາສິນຄ້ານຳເຂົ້າມາບໍລິໂພກເປັນພາສາລາວອີກດ້ວຍ.

ທີ່ມາ: ລາວພັດທະນາ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...