ຕອນຄ່ຳຂອງວັນທີ 25 ມິຖຸນາ 2016 ນີ້ ຢູ່ທີ່ສູນການຄ້າວຽງຈັນເຊັນເຕີ ເດິພິດຊ່າແລະເຊເວນເຊັ່ນ ໄດ້ຈັດພິທີສະເຫຼີມສະຫຼອງຄົບຮອບ 6 ປີຂຶ້ນ ໂດຍມີບັນດາທ່ານທີ່ເປັນເຈົ້າຂອງກິດຈະການ ແລະຜູ້ໃຫ້ການສະໜັບສະໜຸນງານ ເຂົ້າຮ່ວມ ໂດຍຊ້ອງໜ້າສື່ມວນຊົນຈາກຫຼາຍພາກສ່ວນເຂົ້າຮ່ວມ.
ໃນພິທີດັ່ງກ່າວໄດ້ມີການຄັດເລືອກນາງສາວ ເຊເວນເຊັ່ນ ໄອດໍ້ ແລະຈັບສະຫຼາກມອບໂຊກແກ່ລູກຄ້າທີ່ເຄີຍເຂົ້າໄປຮັບປະທານພິດຊ່າຫຼືເຊເວນເຊັ່ນແລ້ວໄດ້ປ່ອນບັດຊີງໂຊກຕະຫຼອດຫຼາຍເດືອນທີ່ຜ່ານມາ.
ພິທີດັ່ງກ່າວໄດ້ຮັບການເຂົ້າຮັບຊົມຈາກພໍ່ແມ່ປະຊາຊົນ ແລະນັກທຸລະກິດຈາກຫ້າງຮ້ານຕ່າໆ ເຂົ້າຮ່ວມເປັນຈຳນວນຫຼວງຫຼາຍ ເຮັດໃຫ້ມີບັນຍາກາດອັນຟົດຟື້ນມ່ວນຊື່ນທີ່ສຸດ.
ໃນໂອກາດທ້າຍໆ ຂອງພິທີໄດ້ມີການຈັບສະຫຼາກຫາຜູ້ໂຊກດີ ທີ່ໄດ້ຮັບລາງວັນລົດໃຫຍ່ຟອດ 1 ຄັນ 1 ລາງວັນ ເຊິ່ງຜູ້ໂຊກດີໄດ້ແກ່ ທ້າວ ວັດທະນະສິນ ບ້ານບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ. ພິທີມອບ-ຮັບລົດ ຈະໄດ້ຈັດຂຶ້ນໃນອີກບໍ່ດົນຂ້າງໜ້ານີ້.
