spot_img
Homeຂ່າວນໍ້າຖ້ວມຈົ່ງເພີ່ມຄວາມມີສະຕິໃນການບໍລິໂພກເຫັດປະເພດຕ່າງໆ

ຈົ່ງເພີ່ມຄວາມມີສະຕິໃນການບໍລິໂພກເຫັດປະເພດຕ່າງໆ

Published on

ເຖິງວ່າປີນີ້ຍັງບໍ່ມີການເບື່ອເຫັດເກີດຂຶ້ນກໍຕາມ, ແຕ່ເພື່ອເຮັດໃຫ້ທຸກຄົນມີສະຕິໃນການບໍລິໂພກເຫັດ, ດັ່ງນັ້ນ ເມື່ອມໍ່ໆມານີ້ຫົວໜ້າຂະແໜງລະບາດວິທະຍາ, ພະແນກສາທາລະນະສຸກ ນະຄອນຫຼວງວຽງຈັນໄດ້ອອກມາເຕືອນຜ່ານໜັງສືພິມລາວພັດທະນາຂອງພວກເຮົາວ່າ: ພໍຮອດລະດູຝົນຂອງທຸກໆປີມັກຈະມີການເບື່ອເຫັດກິນຂຶ້ນ, ອັນເນື່ອງຈາກລະດູຝົນເປັນລະດູທີ່ເຫັດຊະນິດຕ່າງໆຈະເກີດຂຶ້ນຫຼາຍ, ນັບທັງເຫັດທີ່ກິນໄດ້ ແລະ ກິນບໍ່ໄດ້, ດັ່ງນັ້ນ ເພື່ອປ້ອງກັນການເບື່ອເຫັດທີ່ອາດເກີດຂຶ້ນໃນໄລຍະລະດູຝົນປີນີ້, ໂດຍສະເພາະແມ່ນການບໍລິໂພກເຫັດທີ່ເກີດຂຶ້ນຕາມທຳມະຊາດແມ່ນມີຄວາມສ່ຽງສູງ ແລະ ເຖິງວ່າໄລຍະຜ່ານມາທາງສາທາລະນະສຸກກໍໄດ້ເຕືອນໃຫ້ປະຊາຊົນມີຄວາມລະ ມັດລະວັງໃນການບໍລິໂພກແລ້ວ, ແຕ່ກໍຍັງມີການເບື່ອເຫັດເກີດຂຶ້ນ ແລະ ມີຜູ້ເສຍຊີວິດຈຳນວນໜຶ່ງຄື: ໃນປີ 2015 ຜ່ານມາຢູ່ນະຄອນຫຼວງ

ວຽງຈັນມີກໍລະນີເບື່ອເຫັດເກີດຂຶ້ນຈຳນວນໜຶ່ງ, ແຕ່ໂຊກດີບໍ່ມີຜູ້ເສຍຊີວິດ, ດັ່ງນັ້ນ ຈຶ່ງເຕືອນໃຫ້ປະຊາຊົນເຮົາຈົ່ງມີສະຕິໃນການບໍລິໂພກເຫັດຊະນິດຕ່າງໆທີ່ຈະນຳຜົນກະທົບມາສູ່ສຸຂະພາບຂອງຕົນເອງ ແລະ ຄອບຄົວ ແລະ ຖ້າຈະບໍລິໂພກເຫັດໃຫ້ຖືກຕ້ອງຄວນເອົາໃຈໃສ່ຄື: ຖ້າບໍ່ແນ່ໃຈຊະນິດຂອງເຫັດທີ່ກິນໄດ້ ແລະ ກິນບໍ່ໄດ້ແມ່ນຫ້າມກິນເດັດຂາດ, ບໍ່ຄວນກິນເຫັດຫຼາຍຊະນິດປົນກັນ, ແລະ ຖ້າຫາກກິນເຫັດແລ້ວມີອາການຜິດປົກກະຕິເຊັ່ນ: ວິນຫົວ, ປວດຮາກ ຫຼື ເຈັບທ້ອງໃຫ້ໄປໂຮງໝໍດ່ວນ, ປັດຈຸບັນນອກຈາກຄົນຈະເບື່ອເຫັດຍ້ອນກິນເຫັດເບື່ອແລ້ວ,ເຫັດບາງຊະນິດທີ່ກິນໄດ້ ແລະ ເຄີຍກິນກໍເກີດເບື່ອຍ້ອນສານເຄມີຕົກຄ້າງຕ່າງໆເຊັ່ນ: ການໃຊ້ປຸ່ຍເຄມີ, ຢາຂ້າຫຍ້າ, ຢາຂ້າແມງໄມ້ ແລະ ອື່ນໆ, ອີກສ່ວນໜຶ່ຶງກໍເກີດຈາກຄວາມບໍ່ແນ່ໃຈຂອງຜູ້ບໍລິໂພກເອງເພາະທຸມື້ນີ້ມີເຫັດຫຼາຍຊະນິດທີ່ຄ້າຍຄືກັນເກີດຂຶ້ນນັບທັງເຫັດກິນໄດ້ ແລະ ກິນບໍ່ໄດ້ ແລະ ເກີດຈາກສັດປ່າຍ່ຽວໃສ່, ເຖິງຢ່າໃດກໍຕາມການບໍລິໂພກເຫັດທີ່ດີທີ່ສຸດແມ່ນຄວນບໍລິໂພກເຫັດທີ່ປູກເອງ ຫຼື ເຫັດທີ່ເຄີຍກິນ,ແຕ່ຄວນລ້າງໃຫ້ສະອາດ ແລະ ປຸງແຕ່ງໃຫ້ສຸກດີຈິ່ງຈະປອດໄພ.

ທີ່ມາ: ລາວພັດທະນາ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...