spot_img
Homeມູມໄອທີລາວ6 ບັ໊ກຕະຫຼົກໆ ຈາກເກມດັງທີ່ເຮັດໃຫ້ເກມມີສີສັນຂຶ້ນ

6 ບັ໊ກຕະຫຼົກໆ ຈາກເກມດັງທີ່ເຮັດໃຫ້ເກມມີສີສັນຂຶ້ນ

Published on

ສຳລັບຄົນທີ່ມັກຫຼິ້ນເກມແລ້ວແນ່ນອນວ່າບໍ່ມີໃຜທີ່ບໍ່ເຄີຍພົບກັບຂໍ້ຜິດພາດຂອງໂຕເກມຫຼືທີ່ເຮົາເອີ້ນວ່າ “ບັ໊ກ” ເຊິ່ງບັ໊ກນີ້ກໍຈະສົ່ງຜົນກະທົບຕໍ່ໂຕເກມແຕກຕ່າງກັນອອກໄປ ບໍ່ວ່າຈະເປັນບັ໊ກເລັກໆນ້ອຍ, ບັ໊ກທີ່ເຮັດໃຫ້ໂກງເກມໄດ້ ຈົນໄປເຖິງ ບັ໊ກທີ່ຮ້າຍແຮງເຮັດໃຫ້ບໍ່ສາມາດຫຼິ້ນເກມຕໍ່ໄດ້. ໂດຍໃນມື້ນີ້ເຮົາຈະມານຳສະເໜີບັ໊ກທີ່ເກີດຂຶ້ນກັບເກມ ຈະເປັນບັ໊ກແນວໃດແດ່ ສາມາດເບິ່ງໄດ້ດ້ານລຸ່ມນີ້:

Super Mario 64 : ບັ໊ກທີ່ເຮັດໃຫ້ສາມາດໂດດຂ້າມຄັນໄດໄປຫາບອສໄດ້

ໃນເກມ Super Mario 64 ການທີ່ເຮົາຈະຂ້າມໄປຫາພື້ນທີ່ໃໝ່ໄດ້ເຮົາຈຳເປັນທີ່ຈະຕ້ອງເກັບດາວໃຫ້ໄດ້ຕາມກຳນົດເຊັ່ນ 70 ດວງເພື່ອໄປພົບບອສໂຕສຸດທ້າຍຖ້າຫາກບໍ່ມີຄັນໄດທີ່ໃຊ້ຍ່າງຂຶ້ນໄປຫາບອສກໍບໍ່ມີວັນຈົບ ແຕ່ດ້ວຍບັ໊ກນີ້ເຮົາບໍ່ຈຳເປັນທິ່ຈະຕ້ອງເກັບດາວໃຫ້ຄົບກໍສາມາດໄປຫາບອສໄດ້ ໂດຍການໂດດຍ້ອນຫຼັງແລ້ວກົດປຸ່ມໂດດລົວໆ ຕອນທີ່ໂຕເຮົາຮອດພື້ນ Mario ຈະໂດດຂຶ້ນໄປແບບລົວໆຈົນເຖິງຫ້ອງບອສໄດ້

Fallout 4 : ບັ໊ກໂດດໄຕ່ກຳແພງດ້ວຍຖັງຂີ້ເຫຍື້ອ

ໃນເກມ Fallout 4 ຈະມີໄອເທັມອັນໜຶ່ງທີ່ສາມາດປ້ອງກັນຄວາມເສຍຫາຍຈາກການຕົກຈາກບ່ອນສູງໆຊື່ວ່າ Freefall Legs ຢູ່ເທິງຕຶກ Mass Fusion Building ສ່ວນວິທີທີ່ຈະໄປເອົານັ້ນເຮົາຕ້ອງໃຊ້ Power Armor ຕິດ Jet-pack ບິນຂຶ້ນໄປເອົາ, ສຳລັບບັ໊ກນີ້ເປັນວິທີປະຢັດເງິນໃນການຫາ Power Armor ບິນໄດ້ມາໃສ່ ໂດຍການຈັບເອົາຖັງຂີ້ເຫຍື້ອຂຶ້ນມາ ແລ້ວຫັນຫຼັງຕິດກຳແພງແນມລົງໄປທີ່ຖັງຂີ້ເຫຍື້ອແລ້ວກົດໂດດລົວໆ ແລະໂຕເຮົາເອງກໍຈະຄ່ອຍໆລອຍຂຶ້ນໄປເລື້ອຍໆຄືກັບມີພະລັງວິເສດເລີຍ.

Rockman 3 : ບັ໊ກອຳມະຕະ

ໃຜທີ່ຫຼິ້ນເກມ Rockman 3 ແລ້ວຄຶດວ່າມັນຍາກເກີນໄປແມ່ນບໍ່? ມື້ນີ້ເຮົາມີບັ໊ກທີ່ຈະຊ່ວຍໃຫ້ Rockman ກາຍເປັນອຳມະຕະໄດ້ດ້ວຍການກົດປຸ່ມຂວາຂອງມືເກມອັນທີສອງໄວ້ຈະເຮັດໃຫ້ Rockman ໂດດສູງໄດ້ແຕ່ບໍ່ພຽງເທົ່ານັ້ນ ຖ້າໂດດລົງຫຼຸມໂດຍກົດຄ້າງໄວ້ເຮົາຈະໂດດຂຶ້ນມາແລ້ວ Rockman ຈະກາຍເປັນອຳມະຕະ ໂດຍບັ໊ກນີ້ມີຂໍ້ຫ້າມຄື ຫ້າມເກັບເລືອດເດັດຂາດ ແລະຈະໃຊ້ອາວຸດຫຼັກບໍ່ໄດ້ຍົກເວັ້ນອາວຸດຂອງບອສ

Diablo : ບັ໊ກຄັດລອກໄອເທັມ

ເກມ Action-RPG ໃນຕຳນານທີ່ຫຼາຍໆຄົນຕ້ອງເຄີຍຫຼິ້ນມາຢ່າງແນ່ນອນ ເຊິ່ງກໍໜີບໍ່ພົ້ນທີ່ຈະມີບັ໊ກ ເຊິ່ງບັ໊ກໂຕນີ້ຈະຊ່ວຍໃຫ້ເຮົາສາມາດຄັດລອກໄອເທັມທີ່ມີຢູ່ແລ້ວໄດ້ງ່າຍໆ ສ່ວນວິທີເຮັດກໍຄືໂຍນໄອເທັມທີ່ຕ້ອງການຄັດລອກໄວ້ເທິງພື້ນແລະກົດຍ່າງໄປເກັບໂດຍລະຫວ່າງທີ່ເກັບໃຫ້ກົດເລືອກໄອເທັມໃດກໍໄດ້ໃນບ່ອນເກັບເຄື່ອງ ເມື່ອເກັບໄອເທັມເທິງພື້ນແລ້ວໂຕເກມກໍຈະຄັດລອກໄອເທັມດັ່ງກ່າວມາແທນໄອເທັມທີ່ເຮົາເລືອກກ່ອນຈະເກັບນັ້ນ ເຊິ່ງວິທີນີ້ຖືເປັນວິທີທີ່ຫຼາຍຄົນມັກໃຊ້ໃນການຫາເງິນດີດີນີ້ເອງ.

Crysis : ບັ໊ກສະຫຼາມເທິງບົກ

ສຳລັບບັ໊ກນີ້ຈະເປັນບັ໊ກທີ່ເຮັດໃຫ້ສະຫຼາມລອຍຂຶ້ນມາເທິງບົກໄດ້ ຄ້າຍກັນກັບຮູບເງົາ Sharknado ເລີຍ ຍິ່ງຄຶດແລ້ວຍິ່ງສຽວຖ້າມັນລອຍມາເທິງບົກແທ້ 55+ ແຕ່ລອດໄປປະເທດລາວເຮົາບໍ່ມີທະເລ

Red Dead Redemption : ບັ໊ກຄົນບິນ

ຖືໄດ້ວ່າເປັນບັ໊ກເພື່ອຄວາມບັນເທີງຢ່າງດຽວເລີຍ ໂດຍເປັນບັ໊ກທີ່ຈະສຸມເກີດໃນເກມ ເຊິ່ງເປັນຄົນທີ່ຈະບິນຢູ່ເທິງຟ້າພ້ອມເຄື່ອນໄຫວແຂນຄືກັບກຳລັງບິນຢູ່ເທິງຟ້າເລີຍ

ທີ່ມາ:online station,ເດັກລາວ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...