ການດື່ມແມ່ນຄວນດື່ມຕອນນ້ຳອຸ່ນໆຈະດີທີ່ສຸດ ແລະ ຄວນດື່ມກ່ອນອາຫານເຊົ້າປະມານ 10-15 ນາທີ ເພາະໝາກນາວຈະເປັນໂຕຊ່ວຍໃນການດູດເອົາໄຂມັນສະສົມອອກມາໄດ້ເປັນຢ່າງດີ ເຊິ່ງການເສຍເວລາພຽງແຕ່ໜ້ອຍໜຶ່ງໃນຕອນເຊົ້າກໍ່ເປັນສິ່ງທີ່ດີໃນການຊ່ວຍເບິ່ງແຍ່ງສຸຂະພາບຂອງທ່ານເອງ.
ສ່ວນປະກອບ:
ໝາກນາວ 1 ນາວ.
ນ້ຳອຸ່ນ 1 ຈອກໃຫຍ່.
ນ້ຳເຜິ້ງ 1 ບ່ວງແກງ.
ເກືອໜ້ອຍໜຶ່ງ.
ວິທີປຸງແຕ່ງ:
– ວິທີເຮັດແມ່ນງ່າຍໆພຽງແຕ່ 2 ນາທີ ກໍ່ສາມາດດື່ມໄດ້ແລ້ວ ໂດຍເອົານ້ຳອຸ່ນມາ 1 ຈອກແລ້ວບີບນ້ຳໝາກນາວລົງພ້ອມປະສົມກັບນ້ຳເຜິ້ງ ແລະ ເກືອເລັກໜ້ອຍ ຈາກນັ້ນກໍ່ຄົນໃຫ້ເຂົ້າກັນ ແລ້ວດື່ມທັນທີທີ່ນ້ຳກຳລັງອຸ່ນຢູ່.
ສັບພະຄຸນ:
ການດື່ມເປັນປະຈຳທຸກມື້ຈະຊ່ວຍຍ່ອຍອາຫານ, ຊ່ວຍກຳຈັດສານພິດ ແລະ ເປັນຢາຂັບປັດສະວະ, ຊ່ວຍເສີມສ້າງພູມຄຸມກັນ, ຊ່ວຍປັບສົມດຸນຂອງຄ່າ PH ໃນຮ່າງກາຍ, ຊ່ວຍເຮັດໃຫ້ຜິວພັນສົດໃສ, ຊ່ວຍເພີ່ມພະລັງງານ ແລະ ເຮັດໃຫ້ອາລົມດີຂຶ້ນ, ຊ່ວຍປິ່ນປົວບາດແຜ, ຊ່ວຍຫຼຸດອາການອັກເສບ, ຊ່ວຍໃຫ້ລົມຫາຍໃຈສົດຊື່ນ, ຊ່ວຍເພີ່ມຄວາມສົດຊື່ນໃຫ້ແກ່ຮ່າງກາຍ ແລະ ຊ່ວຍຫຼຸດຄວາມອ້ວນໄດ້.
ທີ່ມາ: ເຟສບຸກຂ່າວເສດຖະກິດ-ການຄ້າ