spot_img
Home​ຂ່າວທ່ອງທ່ຽວມະຫັດສະຈັນ ຖໍ້າຄູນແກ້ວ ຄວາມງາມທີ່ຕື່ນຕາຕື່ນໃຈ

ມະຫັດສະຈັນ ຖໍ້າຄູນແກ້ວ ຄວາມງາມທີ່ຕື່ນຕາຕື່ນໃຈ

Published on

ຖໍ້າຄູນແກ້ວ ຫລື ຖໍ້າກະເທິງ ຕັ້ງຢູ່ບ້ານຄູນແກ້ວ ຫ່າງຈາກຕົວເມືອງຄູນຄໍາ ແຂວງຄຳມ່ວນໄປທາງທິດ ຕາເວັນຕົກສ່ຽງໃຕ້ປະມານ 3 ກິໂລແມັດ ແລະ ຕັ້ງຢູ່ຫ່າງຈາກ 3 ແຍກຈາກທາງເລກ 8 ໄປຖໍ້າກອງລໍປະມານ 2 ກິໂລແມັດ.

811

ການເດີນທາງກໍຖືວ່າສະດວກສົມຄວນ,ລົດຈັກ ຫລື ລົດໂຟວິນ ສາມາດໄປເຖິງເກືອບປາກຖໍ້າ, ຈອດລົດໄວ້ທາງນອກແລ້ວຍ່າງເຂົ້າໄປອີກປະມານສາມສີ່ຮ້ອຍແມັດ ກໍເຖິງປານຖໍ້າ, ປາກຖໍ້ານ້ອຍໆພໍຫລົ່ມໂຕ ແຕ່ເມື່ອຜ່ານປາກຖໍ້າແລ້ວ ຂ້າງໃນກໍກວ້າງຂວາງອະລັງການສົມຄໍາ ຍົກຍໍຂອງ ຖວທ ແຂວງຄໍາມ່ວນ.

3112

ຈາກສູນຂໍ້ມູນຂ່າວສານທາງທ່ອງທ່ຽວເມືອງຄູນຄໍາບອກວ່າ ຖໍ້າແຫ່ງນີ້ຍາວປະມານ 6 ກິໂລແມັດ ເຊິ່ງຍ່າງເຂົ້າໄປຈະໄປຊອດອີກດ້ານ ແຕ່ທີມງານພວກເຮົາເຂົ້າໄປໄດ້ປະມານ300-400ແມັດ

5024

ຖໍ້າຄູນແກ້ວ ຖືກຄົ້ນພົບໃນວັນທີ 5 ກຸມພາ2013 ໂດຍປະຊາຊົນບ້ານຄູນແກ້ວທີ່ເຮັດສວນໃກ້ກັບຖໍ້າ. ໃນມື້ພົບນັ້ນຊາວບ້ານດັ່ງກ່າວໄດ້ໄປເຮັດສວນຕາມປົກກະຕິ ເລີຍຫິວນໍ້າແຮງ(ລືມ ເອົານໍ້າມານໍາ) ຈະກັບເມືອບ້ານກໍຢູ່ໄກຈິ່ງເລາະຫານໍ້າຕາມຮ່ອມຜາໃນເຂດດັ່ງກ່າວ ເລີ່ຍພົບຮູຖໍ້າຈິ່ງໄດ້ເຂົ້າໄປຂ້າງໃນແລ້ວພົບວັງນໍ້າຂະຫນາດນ້ອຍ ແລະຂ້າງໃນກໍເປັນໂຜ່ງຖໍ້າທີ່ໃຫຍ່ແລະເລິກ.ຊາວບ້ານດັ່ງກ່າວ ກໍໄປລາຍງານຕໍ່ຖວທເມືອງ, ຈາກນັ້ນ ຖວທ ເມືອງກໍລາຍງານຕໍ່ແຂວງ ເພື່ອລົງສໍາຫລວດຕົວຈິງ.

840

ຢ່າງໃດກໍຕາມ ທ່ານໃດທີ່ສົນໃຈເຂົ້າໄປເບິ່ງຄວາມງົດງາມຂອງຖໍ້າໃນໄລຍະນີ້ ກໍສາມາດຕິດຕໍ່ພົວພັນ ຖວທ ເມືອງຄູນຄໍາ ຫລື ສູນຂໍ້ມູນຂ່າວສານການທ່ອງທ່ຽວຂອງເມືອງ ເພື່ອຖວທເມືອງຈະໄດ້ຈັດຄົນພາທາງໄປພ້ອມ ທັງນີ້ກໍເພື່ອຄວາມປອດໄພ. ສ່ວນລະດູທີ່ເຫມາະສົມໃນການໄປ ກໍແມ່ນຍາມແລ້ງ ຫລື ລະດູການທ່ອງທ່ຽວນັ້ນເອງ.

670

ຮູບ ແລະ ຂໍ້ມູນໂດຍ: ທີມງານວາລະສານຮູບ ຫລື Lao Photomagazine

ທີ່ມາ: ຂ່າວເສດຖະກິດ-ການຄ້າ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...