spot_img
Homeຂ່າວທ້ອງຖິ່ນກົມຂົນສົ່ງ ຍົກລະດັບຄວາມຮູ້ກ່ຽວກັບກົດລະບຽບຈະລາຈອນທາງບົກ ໃຫ້ຄູ-ອາຈານໂຮງຮຽນສອນຂັບລົດ

ກົມຂົນສົ່ງ ຍົກລະດັບຄວາມຮູ້ກ່ຽວກັບກົດລະບຽບຈະລາຈອນທາງບົກ ໃຫ້ຄູ-ອາຈານໂຮງຮຽນສອນຂັບລົດ

Published on

ບັນດາພະນັກງານ ຄູ-ອາຈານ ຜູ້ປະກອບການທຸລະກິດໂຮງຮຽນສອນຂັບລົດ ທັງພາກລັດ-ເອກະຊົນ ທົ່ວນະຄອນຫຼວງວຽງຈັນ ຫຼາຍກວ່າ 30 ຄົນ ໄດ້ຮັບການຍົກລະດັບເປັນເວລາ 2 ວັນ ເພື່ອເສີມສ້າງທັກສະ ຄວາມຮັບຮູ້ ຄວາມເຂົ້າໃຈ ກ່ຽວກັບການຈະລາຈອນທາງບົກທີ່ປອດໄພ ໃຫ້ມີຄວາມເປັນເອກະພາບກັນທົ່ວປະເທດທາງດ້ານລະບຽບ ຫຼັກການ ເພື່ອນໍາໄປສູ່ການຈັດຕັ້ງປະຕິບັດເຂົ້າໃນຫຼັກສູດການຮຽນ-ການສອນ ຢູ່ໂຮງຮຽນສອນຂັບລົດຂອງຕົນໃຫ້ມີປະສິດທິຜົນ ເຊິ່ງການເຝິກອົບຮົມໃນຄັ້ງນີ້ ເປັນການຮ່ວມມືກັນລະຫວ່າງ ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ ພະແນກຕໍາຫຼວດຈະລາຈອນນະຄອນຫຼວງ ແລະ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ.

ສໍາລັບພິທີໄຂການເຝິກອົບຮົມຄວາມຮູ້ກ່ຽວກັບກົດລະບຽບຈະລາຈອນທາງບົກຄັ້ງນີ້ ໄດ້ຈັດຂຶ້ນໃນຕອນເຊົ້າວັນທີ 16 ມີຖຸນາ 2016 ທີ່ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ ໂດຍການເປັນປະທານຂອງທ່ານ  ອຸ່ນເນື້ອ ສີລາວົງ ຮອງຫົວໜ້າພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ ທ່ານ ສີສະໝຸດ ພັນທະຈັກ ພະແນກຄຸ້ມຄອງຈະລາຈອນ ແລະ ການຂັບຂີ່ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ມີຄູ-ອາຈານ ພະນັກງານ ວິຊາການທີ່ກ່ຽວຂ້ອງເຂົ້າຮ່ວມ.

         ຮອງຫົວໜ້າພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ ໃຫ້ຮູ້ວ່າ ຈຸດປະສົງຫຼັກຂອງການຈັດເຝິກອົບຮົມໃນຄັ້ງນີ້ ກໍເພື່ອເຜີຍແຜ່ກົດລະບຽບຈະລາຈອນທາງບົກໃຫ້ແກ່ຜູ້ປະກອບການທຸລະກິດໂຮງຮຽນສອນຂັບລົດທີ່ນອນຢູ່ໃນນະຄອນຫຼວງວຽງຈັນ ໄດ້ເຊື່ອມຊຶມ ກໍາແໜ້ນເນື້ອໃນຈິດໃຈ ລະບຽບຫຼັກການຂັບຂີ່ປອດໄພ ເປັນຕົ້ນ ການເດີນລົດ ການຄວບຄຸມພວງມະໄລລົດ ມາລະຍາດການຂັບຂີ່ ການປ່ອຍສິດການເດີນລົດຕາມຖະໜົນທີ່ມີຫຼາຍແຍກ ເຄື່ອງໝາຍເສັ້ນທາງເດີນຂອງລົດຈັກ ລົດໃຫຽ່ ຮວມທັງປ້າຍສັນຍານຈະລາຈອນທາງບົກ ປ້າຍຫ້າມລ້ຽວ ຫ້າມຈອດ ຫ້າມຢຸດ ຫ້າມຜ່ານ ແລະ ປ້າຍສັນຍານເຕືອນຕ່າງໆທີ່ມີຄວາມສ່ຽງຕໍ່ການເກີດອຸປະຕິເຫດ ນອກນັ້ນ ບັນດາສໍາມະນາກອນຍັງໄດ້ຮຽນຮູ້ເຕັກນິກວິທີບໍາລຸງຮັກເຄື່ອງຈັກ ທັງນີ້ ກໍເພື່ອໃຫ້ຄູ-ອາຈານ ທີ່ສິດສອນໃນໂຮງຮຽນຕ່າງໆນໍາໄປຈັດຕັ້ງຜັນຂະຫຽາຍໃນການສິດສອນຂອງຕົນ ດ້ວຍຄວາມຮັບຜິດຊອບສູງ ເພື່ອຫຼຸດຜ່ອນການເກີດອຸປະຕິເຫດຕາມທ້ອງຖະໜົນທີ່ນັບວັນມີທ່າອຽງເພີ່ມຂຶ້ນ.

ປັດຈຸບັນ ທົ່ວນະຄອນຫຼວງວຽງຈັນ ມີໂຮງຮຽນສອນຂັບລົດທັງໝົດ 16 ແຫ່ງ ໃນນັ້ນ ພາກລັດ 1 ແຫ່ງ ພາກທຸລະກິດ 15 ແຫ່ງ.

ຂ່າວ/ພາບ: ເທບພະວົງ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...