ວັນທີ 3 ມິຖຸນາຜ່ານມານີ້ ຢູ່ທີ່ຫ້ອງວ່າການປົກຄອງແຂວງຊຽງຂວາງ ໄດ້ມີ ພິທີເຊັນບົດບັນທຶກຄວາມເຂົ້າໃຈ ການຮ່ວມມືເພື່ອການພັດທະນາ ແລະ ການລິ ເລີ່ມກິລາຮັອກກີ້ ລະຫ່ວາງ ພະແນກສຶກສາທິການ ແລະ ກິລາ ແລະ ສະຫະພັນຮັອກ ກີ່ສິງກະໂປ ໂດຍທ່ານ ບົວລີ ພັນນາວົງ ກຳມະການພັກແຂວງ ຫົວໜ້າພະແນກສຶກສາ ທິການແລະກິລາແຂວງຊຽງຂວາງ ສປປລາວ ແລະ ທ່ານ ເດວາເດັສ ມາທາວັນ (Devadas MATHAVANH)ປະທານສະຫະພັນຮັອກກີ່ສິງກະໂປ ປະເທດສິງກະໂປ ໂດຍຊ່ອງໜ້າທ່ານສາດສະດາຈານ ດຣ ສົມກົດ ມັງໜໍ່ເມກ ກຳມະການສູນກາງພັກ ເລຂາພັກແຂວງ ເຈົ້າແຂວງ ແຂວງຊຽງຂວາງ ແລະ ບັນດາພາກສ່ວນທີ່ກ່ຽວຂ້ອງເຂົ້າຮ່ວມ ນຳ ການເຊັນບົດບັນທຶກຄວາມເຂົ້າໃຈໃນຄັ້ງນີ້ຈະໃຊ້ເປັນບ່ອນອີງໃນການຮ່ວມມືເພື່ອ ການພັດທະນາ ແລະ ລິເລີ່ມກິລາຮັອກກີ່ຢູ່ໃນແຂວງຊຽງຂວາງ ຜ່ານການສະໜັບສະ ໜູນ ແລະ ຊ່ວຍເຫຼືອຈາກສະຫະພັນກິລາຮັອກກີ່ປະເທດສິງກະໂປ ເພື່ອເປັນການກະ ກຽມນັກກິລາຮັອກກີ່ ເອົາກິລາຮັອກກີ່ເຂົ້າສູ່ງານມະຫາກຳກິລາແຫ່ງຊາດຄັ້ງທີ11ທີ່ ແຂວງຊຽງຂວາງເປັນເຈົ້າພາບໃນປີ2018 ນອກຈາກນັ້ນການລິເລີ່ມນີ້ຍັງຈະເປັນການ ກະກຽມນັກກິລາລາວເຂົ້າຮ່ວມກິລາຮັອກກີ່ຂອງອາຊ່ຽນ ແລະ ກິລາຮັອກກີ່ໂອລິມປິກໃນ ອະນາຄົດອີກດ້ວຍ ໃນຕໍ່ໜ້າອາດຈະສ້າງເປັນສະມາຄົມກິລາຮັອກກີ່ລາວ ເພື່ອນຳພານັກ ກີລາລາວກ້າວເຂົ້າສູ່ສາກົນຢ່າງກ້ວາງຂວາງ

ຂ່າວຈາກ: ສຳນັກຂ່າວສານປະເທດລາວ