ສານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດວັນສິ່ງແວດລ້ອມໂລກຄົບຮອບ 44 ປີ ໃນວັນທີ 5 ມິຖຸນາ 2016: ພາຍໃຕ້ຄຳຂວັນ(ຈົ່ງພ້ອມກັນປົກປັກຮັກສາປ່າໄມ້ເພື່ອທຸກສິ່ງທີ່ມີຊີວິດ) ເຊິ່ງສ່ອງສ່ຽວໃຫ້ເຫັນວ່າເຖິງເວລາແລ້ວທີ່ປະຊາຊາດໃນທົ່ວໂລກຕ້ອງຮ່ວມແຮງຮ່ວມໃຈກັນຢ່າງຈິງຈັງໃນການປົກປັກຮັກສາປ່າໄມ້ທີ່ມີຈຳກັດໃຫ້ຄືນສູ່ຄວາມອຸດົມສົມບູນເພື່ອສືບຕໍ່ເປັນບ່ອນເພີ່ງພາອາໄສຂອງທຸກໆສິ່ງທີ່ມີຊີວິດລວມທັງມະນຸດເຮົາ. ປ່າໄມ້ແມ່ນສະຖານທີ່ຜະລິດພຽງແຕ່ບ່ອນດຽວໃນທຳມະຊາດທີ່ສາມາດສະໜອງປັດໃຈພື້ນຖານທັງທີ່ສຳລັບການດຳລົງຊີວິດຂອງທຸກສິ່ງທີ່ມີຊີວິດຄື: ທີ່ຢູ່ອາໃສ, ອາຫານ, ຢາປົວພະຍາດ,ເຄື່ອງນຸ່ງຮົ່ມ ແລະ ທັງເປັນບ່ອນເພີ່ງອາໄສຂອງສັດປ່ານາໆຊະນິດອີກດ້ວຍ.

ປີ 2015 ຜ່ານມາ, ສປປ ລາວໄດ້ຮ່ວມກັບບັນດາປະເທດສະມາຊິກຂອງອົງການສະຫະປະຊາຊາດໄດ້ຮັບຮອງເອົາ 17 ເປົ້າໝາຍການພັດທະນາແບບຍືນຍົງໂດຍໄດ້ກຳນົດເສດຖະກິດສີຂຽວເປັນການຂັບເຄື່ອນໂລກໄປສູ່ການພັດທະນາແບບຍືນຍົງ….

+ສປປ ລາວຕັ້ງເປົ້າໝາຍບັນລຸເນື້ອທີ່ປົກຫຸ້ມຂອງປ່າໄມ້ໃຫ້ໄດ້ 70% ໃນປີ 2020
+ພາຍໃຕ້ກອບສົນທິສັນຍາສາກົນໄຊເຕັສ ລວມທັງຂຶ້ນ 3 ບັນຊີປະເພດສັດນ້ຳ, ສັດປ່າ ແລະ ພືດພັນປ່າຂອງ ສປປ ລາວຫລາຍກວ່າ 200 ຊະນິດ..
+ ສປປ ລາວໄດ້ຮັບການຍົກຍ້ອງວ່າ: ເປັນສະຖານທີ່ອະນຸລັກສັດປ່າທີ່ສຳຄັນຂອງໂລກຍ້ອນ 1.6% ຂອງສັດຊະນິດພັນສັດທີ່ຖືກຂົ່ມຂູ່ໃນໂລກທີ່ຍັງຫລົງເຫລືອຢູ່ ສປປ ລາວ ແລະ ໄດ້ຖືກບັນທຶກໄວ້ໃນບັນຊີແດງຂອງອົງການສາກົນເພື່ອການອະນຸລັກທຳມະຊາດ.