spot_img
HomeBaby-ແມ່ແລະເດັກສິ່ງທີ່ແມ່ຄວນບັນທຶກໃນເວລາລູກນ້ອຍເປັນໄຂ້ ກ່ອນສົ່ງເຖິງມືແພດ

ສິ່ງທີ່ແມ່ຄວນບັນທຶກໃນເວລາລູກນ້ອຍເປັນໄຂ້ ກ່ອນສົ່ງເຖິງມືແພດ

Published on

ເວລາທີ່ລູກເປັນໄຂ້ບໍ່ສະບາຍນັ້ນຂໍ້ມູນຈາກແມ່ ຫຼື ຄົນໃກ້ຊິດເດັກນ້ອຍ ເປັນສິ່ງທີ່ສຳຄັນຫຼາຍ ເພາະການທີ່ພໍ່-ແມ່ ສັງເກດເຫັນຄວາມຜິດປົກກະຕິຕ່າງໆ ຈະຊ່ວຍໃຫ້ແພດວິໄຈອາການ ແລະ ຮັກສາລູກນ້ອຍຂອງທ່ານໄດ້ຢ່າງຖືກຈຸດ ເຊິ່ງຂໍ້ມູນທີ່ຜູ້ເປັນພໍ່-ແມ່ ຄວນຈົດຈຳນັ້ນມີຫຍັງແນ່ເຮົາມາອ່ານກັນເລີຍ

 • ອາການໄຂ້

          ການສັງເກດວ່າລູກໄຂ້ສູງ, ໄຂ້ຕ້ຳຂະໜາດໃດ ມີລັກສະນະການໄຂ້ແບບໃດ ມີໄຂ້ສູງຕະຫຼອດເວລາ ຫຼື ມີໄຂ້ສູງບາງຄັ້ງ ສິ່ງເຫຼົ່ານີ້ເປັນຂໍ້ມູນເບື້ອງຕົນທີ່ສຳຄັນທີ່ຈະຊ່ວຍໃນການຮັກສາລູກນ້ອຍຂອງທ່ານ ຖ້າວັດແທກໄຂ້ ມີອຸນຫະພູມສູງກວ່າ 38 ອົງສາ ສະແດງວ່າມີໄຂ້ແລ້ວ ຊ່ວງນີ້ທ່ານອາດຈະວັດແທກໄຂ້ທຸກໆ 2-3 ຊົ່ວໂມງ ແຕ່ຖ້າໄຂ້ສູງເຖິງ 39-40 ອົງສາ ທ່ານຕ້ອງຟ້າວພາລູກນ້ອຍໄປພົບແພດດ່ວນ

 • ການກິນນົມ

          ແມ່ຕ້ອງບໍ່ລືມສັງເກດການກິນນົມຂອງລູກນ້ອຍເດັດຂາດ ຫາກລູກບໍ່ຄ່ອຍຢາກກິນນົມຕິດຕໍ່ກັນເກີນ 2 ມື້ ກໍ່ຄວນພາລູກໄປພົບແພດ ແຕ່ຖ້າລູກເລີ່ມກິນອາຫານເສີມແລ້ວກໍ່ຄວນບອກແພດໃຫ້ຮູ້

 • ຮາກ

          ຫາກລູກຮາກ ແມ່ຕ້ອງສັງເກດເບິ່ງວ່າລູກຮາກຈັກເທື່ອແລ້ວ ລູກຮາກອອກມາມີລັກສະນະແນວໃດ, ລູກຮາກໄດ້ຈັກມື້ແລ້ວ ສິ່ງນີ້ກໍ່ສຳຄັນຫຼາຍ

 • ລະບົບຂັບຖ່າຍ

          ບໍ່ວ່າຈະເປັນການປັດສະວະ ຫຼື ການຖ່າຍໜັກກໍ່ຕາມ ທ່ານຄວນສັງເກດວ່າມັນເປັນລັກສະນະແນວໃດ, ເກີດຂຶ້ນຈັກເທື່ອຕໍ່ມື້ ແລະ ເລີ່ມເປັນຕັ້ງແຕ່ມື້ໃດ

 • ຜື່ນ

         ອີກສິ່ງໜຶ່ງທີ່ບໍ່ຄວນລືມສັງເກດຄື ເວລາລູກບໍ່ສະບາຍນັ້ນ ຕາມຕົນຕົວລູກຈະມີຜື່ນຂຶ້ນ ທີ່ບໍລິເວນໃດ, ລັກສະນະຂອງຜື່ນ, ເວລາຜື່ນຂຶ້ນ ເຊັ່ນ: ເປັນຜື່ນຫຼັງກິນນົມ ບາງເທື່ອອາດເປັນໄປໄດ້ວ່າລູກແພ້ນົມງົວ

 • ອາການຜິດປົກກະຕິອື່ນໆ

          ເປັນເລື່ອງທີ່ຕ້ອງເກັບຂໍ້ມູນ ແລະ ຕ້ອງຊ່າງສັງເກດ ບໍ່ວ່າຈະເປັນອາການຊຶມຂອງລູກ ຊຶມຂະໜາດໃດ, ນອນຫຼາຍ ຫຼື ນອນໜ້ອຍເກີນໄປ ສຽງຫາຍໃຈ, ລູກເມື່ອຍ ຫຼື ບໍ່, ມີອາການຊັກ ຫຼື ບໍ່, ຊັກຈັກຄັ້ງ ຂີ້ຕາເປັນສີເຫຼືອງບໍ່, ໃສ້ບືມີເລືອດຊຶມ ຫຼື ບໍ່ ແລະ ອີກຫຼາຍໆອາການທີ່ຕ້ອງສັງເກດ

 • ຢາທີ່ກິນ

          ຊະນິດຂອງຢາ ປະລິມານທີ່ກິນ ແລະ ຈຳນວນວັນທີ່ກິນມາແລ້ວ ທ່ານກໍ່ຕ້ອງແຈ້ງແພດໃຫ້ຮູ້ ແລະ ຖືຕົວຢ່າງຢານັ້ນໄປໃຫ້ແພດເບິ່ງນຳ

           ຖ້າຂໍ້ມູນເບື້ອງຕົ້ນຄົບຖ້ວນແບບນີ້ ທ່ານໝໍກໍ່ຈະວິນິດໄສສາເຫດຂອງການເຈັບປ່ວຍຂອງລູກນ້ອຍໄດ້ຖືກຈຸດ ແລະ ຮັກສາອາການໃຫ້ຫາຍດີໄວຂຶ້ນໄດ້

ທີ່ມາ: http://baby.kapook.com/

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...