ສຳນັກຂ່າວ ໄຊນ່າ ໄດຣີ່ ລາຍງານໃນວັນທີ 22 ພຶດສະພາຜ່ານມານີ້ວ່າ ລັດຖະບານຈີນ ໄດ້ປະກາດແຜນພັດທະນາ ດ້ານການບິນພົນລະເຮືອນ ໂດຍລະບຸວ່າ ພາຍໃນປີ 2020 ຈີນຈະມີສະໜາມບິນທົ່ວໄປ (general aviation airport) ຫລາຍກວ່າ 500 ແຫ່ງ ຕາມຈຸດສຳຄັນຕ່າງໆທົ່ວປະເທດ ໂດຍສະເພາະແມ່ນເຂດພື້ນທີ່ກະສິກຳ, ພື້ນທີ່ປ່າໄມ້ ແລະ ແຫລ່ງທົ່ວທ່ຽວທີ່ສຳຄັນ, ພ້ອມທັງຍັງມີແຜນ ເພີ່ມຈຳນວນເຮືອບິນທົ່ວໄປ ລວມທັງເຮລິຄັອບເຕີ້ ແລະ ເຮືອບິນສ່ວນຕົວ ຫລາຍກວ່າ 5,000 ລຳ ພາຍໃນໄລຍະເວລາດຽວກັນອີກດ້ວຍ.

ທັງນີ້ ລັດຖະບານຈີນ ຈະສົ່ງເສີມໃຫ້ພາກເອກະຊົນ ເຂົ້າມາລົງທຶນໃນອຸດສາຫະກຳການບິນທົ່ວໄປ ແລະ ຈະເສີມຂະຫຍາຍການນຳໃຊ້ເຮືອບິນ ເຂົ້າໃນວຽກງານກູ້ໄພ, ການບໍລິການທາງການແພດ ແລະ ການຕິດຕາມສະພາບສິ່ງແວດລ້ອມ ຕະຫລອດຮອດການສຳຫລວດທີ່ດິນ ແລະ ຊັບພະຍາກອນທຳມະຊາດ ຂອງປະເທດ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!