ສຳນັກງານສະຖິຕິຢູໂຣສແຕທລາຍງານວານນີ້ວ່າ ຕົວເລກການເຕີບໂຕທາງເສດຖະກິດໃນໄຕມາດທຳອິດປີ 2016 ຂອງກຸ່ມປະເທດທີ່ໃຊ້ເງິນສະກຸນຢູໂຣ (ຢູໂຣໂຊນ) ຍັງຢູ່ໃນລະດັບຂະຫຍາຍຕົວແຕ່ຫຼຸດລົງເລັກນ້ອຍຈາກທີ່ຄາດກັນໄວ້.

ຢູ່ໂຣສແຕທຖະແຫຼງວ່າ ການຂະຫາຍຕົວໃນກຸ່ມຢູໂຣໃນລະດັບ 0,5% ໃນໄຕມາເດືອນມັງກອນ-ມີນາໜ້ອຍກວ່າ 0,6% ຈາກທີ່ເຄີຍຄາດການກັນໄວ້ໃນລາຍງານເມື່ອວັນທີ 29 ເມສາ ແນວໃດກໍຕາມ ການຂະຫຍາຍຕົວທາງເສດຖະກິດຂອງກຸ່ມຢູໂຣໂຊນຍັງແຂງແກ່ງກວ່າ 0,3% ຊຶ່ງເປັນຕົວເລກໃນສອງໄຕມາດກອນ ສຳລັບປະເທດໃນກຸ່ມສະມາຊິກສະຫະພາບເອີຣົບ (ອີຢູ) 28 ປະເທດ ມີອັດຕາການຂະຫຍາຍຕົວທາງເສດຖະກິດໃນໄຕມາທຳອິດ 0,5% ນອກຈາກນີ້ ການຂະຫຍາຍຕົວທາງເສດຖະກິດໃນໄຕມາທຳອິດຂອງກຸ່ມປະເທດ (ຢູໂຣໂຊນ) ຍັງຖືວ່າຫຼາຍກວ່າໃນສະຫະລັດທີ່ເຕີບໂຕ 0,1%.