Homeຂ່າວເຫດການລາວເຂົ້າຮ່ວມຫາລືສື່ມວນຊົນອາເຊັມ ວ່າດ້ວຍການເຊື່ອມຈອດ ທີ່ກວາງໂຈ ປະເທດຈີນ!

ລາວເຂົ້າຮ່ວມຫາລືສື່ມວນຊົນອາເຊັມ ວ່າດ້ວຍການເຊື່ອມຈອດ ທີ່ກວາງໂຈ ປະເທດຈີນ!

Published on

ຂປ​ລ. ຄະນະ​ຜູ້​ແທນ​ລາວ ນຳ​ໂດຍ ທ່ານ ສົງການ ຫລວງມຸນິນທອນ ຫົວໜ້າ ກົມເສດຖະກິດ, ທັງເປັນຫົວໜ້າ ເຈົ້າໜ້າທີ່ອາວຸໂສ ອາເຊັມ ສປປ ລາວ ​ໄດ້ເຂົ້າຮ່ວມ ກອງປະຊຸມປຶກສາຫາລື ສື່ມວນຊົນອາເຊັມ ວ່າດ້ວຍການເຊື່ອມຈອດ (ASEM Media Dialogue on Connectivity), ໃນວັນທີ 9-10 ພຶດສະພາ 2016, ທີ່ ກວາງໂຈ, ສປ ຈີນ. ເພື່ອປຶກສາຫາລື, ລະດົມ ແລະ ແລກປ່ຽນຄໍາຄິດຄຳເຫັນ ຂອງບັນດານັກຂ່າວ, ນັກຄົ້ນຄວ້າ, ໜ່ວຍງານຄັງສະໜອງ ແລະ ວິຊາການດ້ານສື່ມວນຊົນ ຈາກທະວີບອາຊີ-ເອີຣົບ ເພື່ອຊຸກຍູ້ ແລະ ຜັນຂະຫຍາຍ ບົດບາດຂອງສື່ມວນຊົນ ດ້ານການເຊື່ອມຈອດ ອາເຊັມ ໃນຍຸກນະວັດຕະກຳ ເຕັກ​ໂນໂລຊີ ແລະ ພ້ອມທັງການ ໂຄສະນາເຜີຍແຜ່ ຄວາມເຂົ້າໃຈ ກ່ຽວກັບ ການເປັນຄູ່ຮ່ວມມື ຮອບດ້ານຂອງອາເຊັມ.

ໃນກອງປະຊຸມ, ຫົວໜ້າເຈົ້າໜ້າທີ່ ອາວຸໂສອາເຊັມລາວ ໄດ້ປະກອບຄຳເຫັນ ໃນວາລະຄົບຄະນະ (Plenary session: ASEM Connectivity Today and Tomorrow), ກ່ຽວກັບບົດບາດຄວາມສຳຄັນ ຂອງການເຊື່ອມຈອດ ໃນການສົ່ງເສີມ ການຮ່ວມມືເສດຖະກິດ ແລະ ການພັດທະນາ ແບບຍືນຍົງ, ບົດບາດຂອງສື່ມວນຊົນ ໃນການຮ່ວມມືລະຫວ່າງ ສອງທະວີບດ້ານ ການເຊື່ອມຈອດ ແລະ ການສົ່ງເສີມຄວາມເຂັ້ມແຂງ ການຮ່ວມມືຂອງອາເຊັມ ທີ່ມີໜາກຜົນຕົວຈິງ ໃນອະນາຄົດ ໂດຍຜ່ານບັນດາ ແຜນງານ ແລະ ຂໍ້ລິເລີ່ມດ້ານການ ເຊື່ອມຈອດທີ່ມີ ປະສິດທິພາບ ຂອງສອງພາກພື້ນ ອາຊີ-ເອີຣົບ. ພ້ອມດຽວກັນນັ້ນ, ຕາງໜ້າຈາກ ຂະແໜງການສື່ມວນຊົນ ຂອງລາວ ກໍໄດ້ປະກອບຄຳເຫັນ ປຶກສາຫາລືໃນວາລະທີ 1 ກ່ຽວກັບບົດບາດ ແລະ ຄວາມສຳຄັນ ຂອງສື່ມວນຊົນ ຕໍ່ພາກເອກະຊົນ.

​ໃນ​ໂອກາດ​ດຽວ​ກັນ, ທ່ານຫົວໜ້າເຈົ້າໜ້າທີ່ ອາວຸໂສອາເຊັມ ສປປ ລາວ ໄດ້​ພົບປະ ສອງຝ່າຍກັບເຈົ້າໜ້າທີ່ ອາວຸໂສອາເຊັມ ສປ ຈີນ ແລະ ປາກີສະຖານ ​ເພື່ອ​ປຶກສາ​ຫາລື ບັນຫາຕ່າງໆ ທີ່ກ່ຽວຂ້ອງກັບການກະກຽມເນື້ອໃນ ສຳລັບກອງປະຊຸມ ສຸດຍອດອາເຊັມ ຄັ້ງທີ 11 ​ເຊິ່ງຈະຈັດຂຶ້ນ ໃນເດືອນ ກໍລະກົດ 2016.

ຜົນສຳເລັດ ຂອງກອງປະຊຸມ ປຶກສາຫາລື ສື່ມວນຊົນດັ່ງກ່າວ ແມ່ນຂໍ້ລິເລີ່ມ ໃນການກຳນົດວິໄສທັດ ແລະ ທິດທາງດ້ານການ ຮ່ວມມືສື່ມວນຊົນ ອາເຊັມ ວ່າດ້ວຍການເຊື່ອມຈອດ ເພື່ອປະກອບສ່ວນໃຫ້ການ ສະເຫລີມສະຫລອງ ການສ້າງຕັ້ງອາເຊັມ ຄົບຮອບ 20 ປີ ແລະ ນຳໄປລາຍງານ ຮັບຮອງເອົາໃນກອງປະຊຸມ ເຈົ້າໜ້າທີ່ ອາວຸໂສອາເຊັມ ທີ່ມົງໂກລີ.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...