spot_img
HomeມູມໄອທີລາວHuawei G9 Lite ແລະ Mediapad M2 7.0 ເປີດໂຕຢ່າງເປັນທາງແລ້ວທີ່ປະເທດຈີນ

Huawei G9 Lite ແລະ Mediapad M2 7.0 ເປີດໂຕຢ່າງເປັນທາງແລ້ວທີ່ປະເທດຈີນ

Published on

ບໍລິສັດສະມາດໂຟນຍັກໃຫຍ່ຈາກປະເທດຈີນຄື Huawei ໄດ້ເປີດໂຕສະມາດໂຟນລຸ້ນໃໝ່ຢ່າງເປັນທາງການໃນນາມວ່າ G9 Lite ແລະ Mediapad M2 7.0 ທີ່ປະເທດຈີນ. ຫຼັງຈາກທີ່ຫົວເຫວີ່ຍໄດ້ເປີດໂຕສະມາດໂຟນເຮືອທຸງລຸ້ນໃໝ່ແບບ Huawei P9 ແລະ P9 Plus ໄປແລ້ວ, ກໍມາເຖິງຄິວຂອງ P9 Lite ລຸ້ນນ້ອງສຸດແລ້ວໂດຍໃນປະເທດຈີນແມ່ນຈະໃຊ້ຊື່ G9 Lite ໃນການເຮັດຕະຫຼາດແທນ. ໃນຂະນະທີ່ແທັບເລັດໜ້າຈໍ 7 ນິ້ວແບບ Mediapad M2 ນີ້ເປັນລຸ້ນທີສາມຂອງຊີຣີໄປແລ້ວ ໂດຍກ່ອນໜ້ານີ້ກໍມີລຸ້ນ ຈໍ 10 ນິ້ວ ແລະ 8 ນິ້ວອອກມາກ່ອນແລ້ວ.

image

Huawei G9 Lite (P9 Lite)

ມາພ້ອມກັບໜ້າຈໍຂະໜາດ 5.2 ນິ້ວ, ຄວາມລະອຽດ 1920 x 1080 ພິກເຊວ (FHD). ໃຊ້ງານຊິບປະມວນຜົນ octa core ລະດັບກາງໂຕໃໝ່ຫຼ້າສຸດແບບ Kirin 650 ທີ່ 4 ຄໍຫຼັກມີຄວາມແຮງປະມວນຜົນທີ່ 2.0GHz ແລະ ອີກ 4 ຄໍມີຄວາມແຮງທີ່ 1.7GHz, ໃຊ້ງານຊິບປະມວນຜົນກຣາບຟິກ Mali 830 MP2 (ໂຕດຽວກັນກັບ Honor 5C). ໂຕເຄື່ອງມີ RAM 3GB ແລະ ພື້ນທີ່ຈັດເກັບ 16GB (ສາມາດເພີ່່ມ MicroSD ໄດ້ສູງສຸດ 128 GB). ໃນດ້ານຫຼັງໂຕເຄື່ອງນັ້ນຈະມີລະບົບສະແກນລາຍນິ້ວມືຢູ່ ດ້ວຍຄວາມໄວສະແກນພຽງ 0.5 ວິນາທີ.

ອັບເດດ: ສຳລັບຊິບປະມວນຜົນແມ່ນມີອີກໂມເດວທີ່ໃຊ້ງານ Snapdragon 617

image

ໃນສ່ວນຂອງກ້ອງຫຼັງແມ່ນມີຄວາມລະອຽດ 13 ລ້ານພິກເຊວ ພ້ອມກັບແຟລັດ LED ແລະກ້ອງໜ້າຄວາມລະອຽດ 8 ລ້ານພິກເຊວ ພ້ອມຮູຮັບແສງທີ່ f/2.0. ໃນດ້ານຂອງແບັດເຕີຣີແມ່ນໃຫ້ມາ 3,000mAh ເຊິ່ງເປັນແບບແກະອອກບໍ່ໄດ້ ແລະ ສາມາດໃຊ້ງານໄດ້ຄົບ 1 ມື້ ກັບການໃຊ້ງານທີ່ຫຼາກຫຼາຍ. ສຳລັບ G9 Lite ແມ່ນໃຊ້ງານລະບົບ Android 6.0 Marshmallow ທັບດ້ວຍ EMUI 4.1. ດ້ານການເຊື່ອມຕໍ່ແມ່ນຮອງຮັບ 3G, 4G LTE, Wi-Fi, Bluetooth, GPS, ແລະ MicroUSB 2.0.

Huawei Media Pad M2

ໂດຍໃນປີນີ້ທາງ Huawei ແມ່ນໄດ້ເປີດໂຕ Mediapad M2 ທີ່ມີຂະໜາດຈໍ 10.1 ນິ້ວ ໄປແລ້ວ ແລະມາໃນຕອນນີ້ກໍເປັນລຸ້ນທີ່ຫຼຸດຂະໜາດຈໍລົງຄື Mediapad 7.0 ທີ່ມາພ້ອມຈໍ 7 ນິ້ວ. ສຳລັບ Mediapad M2 7.0 ນີ້ຈະເປັນລຸ້ນທຳອິດຂອງຫົວເຫວີ່ຍທີ່ມີລະບົບສະແກນລາຍນິ້ວມື, ໂດຍຈະຢູ່ລະຫວ່າງກາງຂອງປຸ່ມ ຫຼຸດສຽງ/ເພີ່ມສຽງ ແລະປຸ່ມ Power. ສຳລັບແທັບເລັດລຸ້ນນີ້ແມ່ນມາພ້ອມກັບລະບົບ Android 5.1.1 Lollipop ທີ່ທັບດ້ວນ EMUI.

image

ມາເວົ້າເລື່ອງຮາດແວຣ໌ນຳກັນເລີຍ ໂດຍມາພ້ອມກັບຈໍຂະໜາດ 7 ນິ້ວ, ຄວາມລະອຽດ 1920 x 1200 ພິກເຊວ (FHD) ແລະມາພ້ອມກັບເທັກໂນໂລຢີ Huawei ClariVu 2.0 ທີ່ສາມາດເພີ່ມປະສິດທິພາບຂອງສີ. ໃຊ້ງານຊິບປະມວນຜົນ Snapdragon 615 octa core ພ້ອມກັບຊິບກຣາບຟິກ Adreno 405 ແລະ RAM 3GB. ກ້ອງຫຼັງມີຄວາມລະອຽດ 13 ລ້ານພິກເຊວ ພ້ອມກັບແຟລັດ LED ແລະຮູຮັບແສງທີ່ f/2.0. ສຳລັບກ້ອງໜ້າມີຄວາມລະອຽດ 5 ລ້ານພິກເຊວ.

ແທັບເລັດ Mediapad M2 ມາພ້ອມກັບພື້ນທີ່ຈັດເກັບ 16GB ແລະ 32GB (ຮອງຮັບ MicroSD ສູງສຸດທີ່ 128GB). ລຸ້ນ 7 ນິ້ວແບັດເຕີຣີໃຫ້ມາ 4,360mAh, ໃນຂະນະທີ່ລຸ້ນ 10.1 ນິ້ວ ແມ່ນໃຫ້ມາ 6,660mAh. ສຳລັບ Mediapad M2 7.0 ແມ່ນຮອງຮັບ 2 ຊິມ; ສ່ວນ  M2 10.0 ມາພຽງລຸ້ນຮອງຮັບ Wi-Fi ຢ່າງດຽວແລະ Wi-Fi + LTE.

ສຳລັບລາຄາສາມາດສະຫຼຸບໄດ້ດັ່ງນີ້:

+ Huawei G9 Lite ຫຼື P9 Lite ທີ່ໃຊ້ Kirin 650 ມີລາຄາຢູ່ທີ່ 1599 ຢວນ (2.020.000 ກີບ) ແລະ ອີກໂມເດວທີ່ໃຊ້ Snapdragon 617 ມີລາຄາຢູ່ທີ່ 1699 ຢວນ (2.145.000 ກີບ)
– ໂຕເຄື່ອງມີທັງໝົດ 3 ສີໃຫ້ເລືອກໄດ້ແກ່: ສີຂາວ, ດຳ ແລະທອງ

+ Mediapad M2 7.0 ມີລາຄາຢູ່ທີ່ 1599 ຢວນ (2.020.000 ກີບ) ສຳລັບລຸ້ນ 16GB ແລະ 1799 ຢວນ (2.270.000 ກີບ) ສຳລັບລຸ້ນ 32GB.
– ໂຕເຄື່ອງມິ 4 ສີໃຫ້ເລືອກໄດ້ແກ່: ສີຂາວ, ຟ້າ, ທອງ ແລະບົວ

+ Mediapad M2 10.1 ລຸ້ນ Wi-Fi ຢ່າງດຽວ ແມ່ນ 1499 ຢວນ(1.900.000 ກີບ) ແລະລຸ້ນ LTE ຈະມີພື້ນທີ່ຈັດເກັບ 16GB ແລະ 32GB ໃຫ້ເລືອກໃນລາຄາ 1899 ຢວນ (2.400.000 ກີບ) ແລະ 2099 ຢວນ (2.650.000 ກີບ)
– ໂຕເຄື່ອງມີ 2 ສີໃຫ້ເລືອກໄດ້ແກ່: ສີຂາວ ແລະ ສີດຳ

ສຳລັບ Huawei G9 Lite ຈະເລີ່ມເປີດໃຫ້ສັ່ງຈອງແລ້ວຕັ້ງແຕ່ມື້ນີ້ຈົນຮອດວັນທີ 12 ພຶດສະພາ ແລະຈະເລີ່ມຂາຍໃນວັນທີ 13 ພຶດສະພາ ຜ່ານຮ້ານຄ້າອອນລາຍໃນປະເທດຈີນ.

ທີ່ມາ:phoneradar

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...