spot_img
Homeຂ່າວພາຍ​ໃນນະຄອນຫລວງວຽງຈັນ ຈະປູກຫຍ້າລ້ຽງງົວພັນຊິ້ນ ສະໜອງຟາມພາຍໃນ ແລະ ສົ່ງອອກ!

ນະຄອນຫລວງວຽງຈັນ ຈະປູກຫຍ້າລ້ຽງງົວພັນຊິ້ນ ສະໜອງຟາມພາຍໃນ ແລະ ສົ່ງອອກ!

Published on

ເຈົ້າ​ຄອງ​ນະຄອນຫຼວງ​ວຽງ​ຈັນ ໄດ້​ອອກ​ຂໍ້​ຕົກລົງ​ວ່າ​ດ້ວຍ​ການສ້າງຕັ້ງ ​ສະມາຄົມ​ຜູ້​ປະກອບການ​ລ້ຽງ​ງົວ​ຂຶ້ນ ເພື່ອ​ເປັນ​ການສະໜອງ​ທາດ​ຊິ້ນ​ຢູ່​ພາຍ​ໃນ​ໄດ້ຢ່າງ​ພຽງພໍ ແລະ ສົ່ງ​ອອກ​ໄປ​ຍັງປະເທດ​ໃກ້​ຄຽງ ເຮັດ​ໃຫ້​ປະຊາຊົນ​ມີ​ວຽກ​ເຮັດ​ງານ​ທຳ ເພື່ອ​ຫຼຸດພົ້ນ​ອອກ​ຈາກ​ຄວາມທຸກ​ຍາກ​ໄດ້ສຳເລັດ ​ຕາມ​ທິດ​ຊີ້​ນຳຂອງ​ພັກ-ລັດຖະບານ.

ທ່ານ ຈັນ​ເພັງ ອິນ​ສະຫວັນ ປະທານ​ສະມາຄົມ​ຜູ້​ປະກອບ​ການລ້ຽງ​ງົວ ກ່າວ​ວ່າ: ສະມາຄົມ​ໄດ້ສ້າງຕັ້ງ​ຂຶ້ນ​ມາ​ໄດ້​ປະມານ 3-4 ເດືອນ​ຜ່ານ​ມາ ເຊິ່ງ​ຂຶ້ນ​ກັບ​ພະແນກ​ກະສິກຳ ແລະ ປ່າໄມ້ ນະຄອນ​ຫຼວງ ປັດຈຸບັນ​ແມ່ນ​ໄດ້​ຮັບຄວາມ​ສົນໃຈ​ຈາກ​ຜູ້​ລ້ຽງ​ງົວ ແລະ ມີ​ຜູ້​ເຂົ້າ​ມາ​ເປັນ​ສະມາຊິກແລ້ວ 25 ຟາມ.

ສະມາຄົມ​ສ້າງຕັ້ງ​ຂຶ້ນ​ມາ​ເພື່ອປົກ​ປ້ອງ​ຜູ້​ລ້ຽງ​ງົວ ​ຫຼີກເວັ້ນ​ຈາກການ​ເອົາ​ປຽບ​ຈາກ​ພໍ່ຄ້າ​ຄົນ​ກາງ ທັງ​ເປັນ​ການ​ຫຼຸດຜ່ອນ​ການ​ນຳເຂົ້າ​ທາດ​ຊີ້ນ​ຂອງ​ນະຄອນຫຼວງວຽງ​ຈັນ ທີ່​ມີ​ບໍ່​ຕ່ຳ​ກວ່າ 3 ໂຕນ/ເດືອນ ເຊິ່ງ​ໃນ 5 ປີ​ທຳ​ອິດ ຈະມີ​ການ​ປູກ​ຫຍ້າ​ໃນ​ເຂດ​ນ້ຳ​ຖ້ວມບຶງ​ທາດຫຼວງ​ທີ່​ມີ 1.000 ກວ່າເຮັກຕາ ແລະ 5 ເມືອງ​ນອກ ​ທີ່​ນະຄອນ​ຫຼວງ​ກຳນົດ​ ປະກອບ​ມີ ເມືອງ​ສັງ​ທອງ ນາ​ຊາຍ​ທອງ ໄຊ​ທານີ ປາກ​ງື່ມ ແລະ ເມືອງຫາດ​ຊາຍ​ຟອງ ຊະນິດ​ຫຍ້າ​ທີ່​ຈະນຳ​ມາ​ປູກ​ ເປັນ​ຊະນິດ​ທີ່​ທົນ​ທານ​ຕໍ່​ສະພາບ​ດິນຟ້າອາກາດ​ໄດ້​ດີ​ຄື: ຫຍ້າ​ແພງ​ໂກ​ລ້າເນ​ເປຍ ແລະ ຫຍ້າ​ກີ​ນີ ​ທີ່​ເປັນ​ຫຍ້າ​ລ້ຽງ​ງົວ​ໂດຍສະເພາະ ປູກ​ເທື່ອ​ດຽວ​ສາມາດກຸ້ມ​ໄດ້ 8 ປີ ພາຍ​ໃນ 45 ວັນ 1 ເຮັກຕາ​ຈະ​ເກັບ​ກ່ຽວ​ໄດ້​ຫຼາຍ​ເຖິງ 20 ໂຕນ ຫາກ​ເປັນ​ໄປ​ຕາມ​ແຜນ ຫຍ້າ​ໃນ​ເນື້ອທີ່​ທີ່​ປູກ​ທັງ​ໝົດ​ຈະສະໜອງ​ໃຫ້​ກັບ​ພາຍ​ໃນ ແລະ ປະເທດ​ເພື່ອນ​ບ້ານ ເພາະ​ການ​ປູກ​ຫຍ້າ ຈະ​ເປັນ​ພື້ນຖານ​ໃຫ້​ກັບ​ການ​ລ້ຽງ​ງົວ​ ເມື່ອ​ນຳ​ພັນ​ງົວ​ທີ່​ເປັນ​ສາຍ​ພັນ​ຕ່າງປະເທດ ກໍ່​ຄືພັນ​ປະສົມ ​ຈະຕ້ອງ​ມີ​ຫຍ້າ​ຮອງ​ຮັບ​ທີ່​ມີ​ພຽງພໍ ແລ້ວປັດຈຸບັນ​ມີ​ສະມາຊິກ​ບາງຟາມ ​ໄດ້​ທົດ​ລອງ​ປູກ​ຫຍ້າ ແລະ ນຳ​ພັນ​ງົວ​ເຂົ້າ​ມາ​ແລ້ວ​ເຊັ່ນ: XP ຟາມ​ຕັ້ງ​ຢູ່​ເມືອງ​ປາກ​ງື່ມ ແລະ ໃນ​ມໍ່ໆ​ນີ້​ ສະມາຄົມ​ຍັງ​ຈະ​ຈັດການ​ຄັດ​ເລືອກ​ພັນ​ງົວ​ງາມ​ ຈະ​ມີທັງ​ພັນ​ພື້ນ​ບ້ານ ແລະ ພັນ​ປະສົມ ເພື່ອ​ຈະ​ເອົາ​ໄປ​ເປັນ​ພໍ່​ພັນ ແລະ ແມ່​ພັນ.

 

ແຫລ່ງຂ່າວ:

ວຈໝ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...