spot_img
Homeຂ່າວພາຍ​ໃນສປປ ລາວ ກະກຽມເນື້ອໃນ ເຈລະຈາເລື່ອງຄ້າໄມ້ຖືກກົດໝາຍ ກັບສະຫະພາບເອີຣົບ

ສປປ ລາວ ກະກຽມເນື້ອໃນ ເຈລະຈາເລື່ອງຄ້າໄມ້ຖືກກົດໝາຍ ກັບສະຫະພາບເອີຣົບ

Published on

ໃນວັນທີ 26 ເມສານີ້, ກົມອຸດສະຫະກໍາ ແລະ ການຄ້າ, ກະຊວງອຸດສະຫະກໍາ ແລະ ການຄ້າ, ໄດ້ຈັດກອງປະຊຸມ ກະກຽມເນື້ອໃນ ນິຍາມຄວາມຖືກຕ້ອງທາງດ້ານກົດໝາຍໄມ້ ທີ່ຈະນໍາໄປເຈລະຈາກັບສະຫະພາບເອີຣົບ (EU) ກ່ຽວກັບການຈັດຕັ້ງປະຕິບັດກົດໝາຍປ່າໄມ້, ຄຸ້ມຄອງໄມ້ ແລະ ການຄ້າໄມ້ລະຫວ່າງສອງຝ່າຍໃນໄວໆນີ້.

ທ່ານຫົວໜ້າກົມອຸດສະຫະກໍາ ແລະ ການຄ້າ ມະໂນຮັກ ລາຊະຈັກ ກ່າວວ່າ: ນິຍາມດັ່ງກ່າວ ແມ່ນມີຄວາມສໍາຄັນສໍາລັບປະເທດເຮົາ ຍ້ອນວ່າມັນປຽບເໝືອນໃບເບີກທາງ ໃນການເຂົ້າໄປຫາຕະຫລາດ ສົ່ງອອກຜະລິດຕະພັນໄມ້ໃໝ່ ແລະ ກວ້າງຂວາງກວ່າເກົ່າເຊັ່ນ: ສະຫະພາບເອີຣົບ, ອາເມລິກາ, ຈີນ, ອົດສະຕາລີ, ຍີ່ປຸ່ນ, ສ.ເກົາຫລີ ແລະ ບັນດາປະເທດອາຊຽນ ທີ່ສົນໃຈນໍາເຂົ້າໄມ້ ແລະ ຜະລິດຕະພັນໄມ້ ທີ່ຖືກຕ້ອງຕາມກົດໝາຍ.

ສະຫະພາບ​ເອີຣົບ​ ໄດ້​ລິ​ເລີ່​ມ​ແຜນ​ງານ​ການ ຈັດ​ຕັ້ງ​ປະຕິບັດ​ກົດໝາຍ​ປ່າ​ໄມ້ຂອງຕົນຢ່າງເຂັ້ມງວດ ເພື່ອ​ສະກັດ​ກັ້ນ​ການ​ຂຸດ​ຄົ້ນ​ໄມ້ ​ທີ່​ຜິດ​ກົດໝາຍ​ໃນ​ທົ່ວ​ໂລກ ແລະ ພວມ​ໄດ້​ກະກຽມ​ການ​ເຈລະຈາ ​ຂໍ້​ຕົກລົງການ​ເຂົ້າ​ເປັນ​ຄູ່​ຮ່ວມ​ສັນຍາ​ການ​ຄ້າ​ໄມ້​ແບບ​ສະໝັກ​ໃຈ ກັບ​ບັນດາ​ປະ​ເທດ​ຜະລິດ​ໄມ້ ​ເພື່ອ​ຢັ້ງຢືນ​ຄວາມ​ຖືກຕ້ອງ​ຂອງ​ໄມ້ ​ທີ່​ຈະ​ສົ່ງ​ອອກ​ໄປ​ຕະຫລາດ​ເອີ​ຣົບ ແລະ ລາວ​ແມ່ນ​ໜຶ່ງ​ໃນ​ບັນດາ​ປະ​ເທດ​ ທີ່​ເລີ່​ມ​ເຈລະຈາຂໍ້ຕົກລົງດັ່ງກ່າວ, ພາຍຫລັງໄດ້​ຮັບ​ການ​ຊ່ວຍ​ເຫລືອ​ຈາກ ​ໂຄງການ GIZ ​ແຫ່ງ​ປະ​ເທດ​ເຢຍລະ​ມັນ ຕໍ່ການ​ສະໜັບສະໜູນ​ແຜນ​ງານ​ ການຈັດ​ຕັ້ງ​ປະຕິບັດ​ກົດໝາ​ຍປ່າ​ໄມ້, ການ​ຄຸ້ມ​ຄອງ ​ແລະ ການ​ຄ້າ​ໄມ້ລະຫວ່າງ ສປປ ລາວ ​ແລະ ສະຫະພາບ​ເອີ​ລົບ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...