spot_img
Homeຂ່າວພາຍ​ໃນເຜີຍ­ແຜ່​ການເປັນ​ປະ­ທານ​ອາ​ຊຽນ

ເຜີຍ­ແຜ່​ການເປັນ​ປະ­ທານ​ອາ​ຊຽນ

Published on

ວັນ​ທີ 22 ເມ­ສາ​ຜ່ານ​ມາ​ທີ່​ໂຮງແຮມ​ດອນ​ຈັນ​ພາ​ເລດກົມ​ອາ​ຊຽນ​ກະຊວງ​ການ​ຕ່າງ­ປະ­ເທດ​ໄດ້​ຈັດ​ກອງ​ປະຊຸມ​ເຜີຍ­ແຜ່​ສຳ­ລັບ​ບັນ­ດາ​ທູ­ຕາ­ນຸ­ທູດ ແລະ ຜູ້­ຕາງ­ໜ້າ​ອົງ​ການ­ຈັດ­ຕັ້ງ​ສາ­ກົນ​ທີ່​ກ່ຽວຂ້ອງ​ກ່ຽວ​ກັບ​ການ​ເປັນ​ປະ­ທານ​ອາ​ຊຽນຂອງ ສປປ ລາວ ປີ 2016  ໂດຍ​ພາຍ​ໃຕ້ການ​ເປັນ​ປະ­ທານ​ຂອງທ່ານ ພົງ​ສະ­ຫວັນ ສີ​ສຸ​ລາດ ຫົວ­ໜ້າ​ກົມ​ອາ​ຊຽນ​ກະ­ຊວງການ​ຕ່າງ­ປະ­ເທດ ແລະ​ບັນ­ຍາຍ​ໂດຍ​ຈາກກະ­ຊວງ​ການ​ຕ່າງ­ປະ­ເທດ, ກະ­ຊວງ​ອຸດສາ​ຫະ​ກຳ ແລະ​ການ​ຄ້າ, ກະ­ຊວງ​ຖະ­ແຫຼງຂ່າວ, ວັດ­ທະ­ນະ­ທຳ ແລະ​ທ່ອງ​ທ່ຽວ ສຳລັບ​ແຕ່​ລະ​ເສົາ­ຄ້ຳ​ປະ­ຊາ​ຄົມ​ອາ​ຊຽນ​ຄື: ປະ­ຊາ​ຄົມ​ການ­ເມືອງ​ຄວາມ​ໝັ້ນ­ຄົງ​ອາຊຽນ, ປະ­ຊາ​ຄົມ​ເສດ­ຖະ­ກິດ​ອາ​ຊຽນ  ແລະ​ປະ­ຊາ​ຄົມ​ວັດ­ທະ­ນະ­ທຳ-ສັງ­ຄົມ ອາ​ຊຽນ ພ້ອມ​ດ້ວຍ​ຜູ້​ເຂົ້າ​ຮ່ວມ​ຈາກ​ຂະແໜງ​ການ​ກ່ຽວ­ຂ້ອງ, ບັນ­ດາ​ທູ­ຕາ­ນຸ­ທູດ ແລະ​ອົງ­ການຈັດ​ຕັ້ງ​ສາ­ກົນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ກອງ​ປະ­ຊຸມ​ຄັ້ງ​ນີ້ແມ່ນ​ແນ­ໃສ່​ເຜີຍ­ແຜ່ກ່ຽວ​ກັບ​ການ​ເປັນ​ປະ­ທານ​ອາ​ຊຽນ​ຂອງ ສປປ ລາວ ປີ 2016 ຊຶ່ງ​ລວມ​ມີ​ບຸ­ລິ​ມະສິດ​ສຳ­ລັບ​ການ​ເປັນ​ປະ­ທານ​ອາ​ຊຽນ ຂອງ ສປປ ລາວ ສຳ­ລັບ​ທັງ 3 ເສົາ­ຄ້ຳ​ປະຊາ​ຄົມ​ອາ​ຊຽນ, ຜົນ​ກອງ​ປະ­ຊຸມ​ຕ່າງໆ​ທີ່ ສປປ ລາວ ເປັນ​ປະ­ທານ​ໃນ​ໄລ­ຍະ​ຜ່ານມາ ລວມ​ທັງ​ຜົນ​ຂອງ​ກອງ​ປະ­ຊຸມ​ວົງແຄບ​ຂອງ​ລັດ­ຖະ­ມົນ­ຕີ​ຕ່າງ­ປະ­ເທດ​ອາຊຽນ​ຜ່ານ​ມາ ແລະ​ ການ​ກະ­ກຽມ​ດ້ານເນື້ອ​ໃນ, ພະ­ລາ­ທິ­ການ​ຕ່າງໆ​ສຳ­ລັບ​ກອງປະ­ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ​ອາ​ຊຽນ ຄັ້ງ​ທີ 49 ແລະ​ກອງ​ປະ­ຊຸມ​ລັດ­ຖະ­ມົນ­ຕີກ່ຽວ­ຂ້ອງ​ອື່ນໆ​ທີ່​ຈະ​ຈັດ​ຂຶ້ນ​ໃນ​ເດືອນ​ກໍ­ລະ­ກົດ 2016, ກອງ​ປະ­ຊຸມ​ສຸດ​ຍອດອາ​ຊຽນ​ຄັ້ງ​ທີ 28, 29 ແລະ​ກອງ​ປະ­ຊຸມສຸດ​ຍອດ​ອື່ນໆ​ທີ່​ກ່ຽວ­ຂ້ອງ​ທີ່ ສປປ ລາວ ຈະ​ເປັນ​ປະ­ທານ​ທັງ​ໝົດ 11 ກອງ​ປະ­ຊຸມສຸດ​ຍອດ​ໃນ​ເດືອນ​ກັນ­ຍາ 2016 ນີ້.

ໃນ​ກອງ​ປະ­ຊຸມ​ດັ່ງ­ກ່າວ​ຜູ້​ບັນ­ຍາຍຈາກ​ແຕ່​ລະ​ເສົາ­ຄ້ຳ​ໄດ້​ອະ­ທິ­ບາຍ​ກ່ຽວ​ກັບ  8 ບຸ­ລິ­ມະ­ສິດ​ສຳ­ລັບ​ການ​ເປັນ​ປະ­ທານ ອາ​ຊຽນ​ຂອງ ສປປ ລາວ ທີ່​ກອງ​ປະ­ຊຸມວົງ​ແຄບ​ລັດ­ຖະ­ມົນ­ຕີ​ຕ່າງ­ປະ­ເທດ​ອາຊຽນ​ໄດ້​ຮັບ­ຮອງ​ເອົາ​ຄື: ການ­ຈັດ­ຕັ້ງ​ປະ­ຕິ­ບັດ​ວິ­ໄສ​ທັດ​ປະ­ຊາ​ຄົມ​ອາ​ຊຽນ 2025, ການ​ຮັດ​ແຄບ​ຄວາມ​ແຕກ​ໂຕນ​ດ້ານການ​ພັດ­ທະ­ນາ, ອຳ­ນວຍ​ຄວາມ​ສະ­ດວກດ້ານ​ການ​ຄ້າ, ການ​ພັດ­ທະ­ນາ​ວິ​ສາ​ຫະກິດ​ຂະ­ໜາດ​ນ້ອຍ ແລະ​ກາງ, ພັດ­ທະ­ນາການ­ທ່ອງ­ທ່ຽວ, ການ​ເຊື່ອມ​ຈອດ, ຫັນປ່ຽນ​ການ​ຈ້າງ​ງານ​ໃນ​ລະ­ບົບ​ເພື່ອ​ໄປສູ່​ການ​ສົ່ງ­ເສີມ​ວຽກ​ທີ່​ມີ​ຄຸນ­ຄ່າ​ໃນ​ອາຊຽນ, ການ​ສົ່ງ­ເສີມ​ການ​ຮ່ວມ​ມື​ພາກ​ພື້ນເພື່ອ​ການ​ອະ­ນຸ​ຮັກ, ປົກ​ປັກ​ຮັກ­ສາ ແລະ ສົ່ງ­ເສີມ​ມໍ­ລະ­ດົກ​ທາງ​ດ້ານ​ວັດ­ທະ­ນະ­ທຳ​ອາ​ຊຽນ.

ນອກ​ນີ້ ຜູ້​ບັນ­ຍາຍ​ຍັງ​ໄດ້​ອະ­ທິ­ບາຍກ່ຽວ​ກັບ​ການ​ກະ­ກຽມ​ດ້ານ​ເນື້ອ​ໃນ​ຕ່າງໆໂດຍ​ສະ­ເພາະ​ການ​ຜັນ​ຂະ­ຫຍາຍ​ບັນ­ດາບຸ­ລິ­ມະ­ສິດ​ຕ່າງໆ​ໃຫ້​ເປັນ​ເອ­ກະ­ສານ​ອາຊຽນ ເພື່ອ​ໃຫ້​ຜູ້­ນຳ​ອາ​ຊຽນ​ຮັບ­ຮອງ​ເອົາໃນ​ໂອ­ກາດ​ກອງ​ປະ­ຊຸມ​ສຸດ​ຍອດ​ອາ​ຊຽນ ຄັ້ງ​ທີ 28, 29 ແລະ​ກອງ​ປະ­ຊຸມ​ສຸດ​ຍອດ​ອື່ນໆ​ທີ່​ກ່ຽວ­ຂ້ອງ.

ທີ່ມາ:logo
ຕິດຕາມຂ່າວເສດຖະກິດ-ສັງຄົມລາວ ກົດໄລຄ໌ເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...