spot_img
Homeຂ່າວເຫດການຮອດປີ 2030 ສປປ ລາວ ຕ້ອງຮັບປະກັນ ໃຫ້ມີກົດໝາຍ ເປັນລະບົບຄົບຖ້ວນ

ຮອດປີ 2030 ສປປ ລາວ ຕ້ອງຮັບປະກັນ ໃຫ້ມີກົດໝາຍ ເປັນລະບົບຄົບຖ້ວນ

Published on

ຂປລ. ທ່ານ ສົມ​ພັນ ​ແພງ​ຄຳ​ມີ ຮອງປະທານ ​ສະພາ​ແຫ່ງ​ຊາດ ກ່າວ​ຕໍ່ກອງ​ປະຊຸມ​ ຄັ້ງ​ປະຖົມ​ມະ​ລືກ ຂອງ​ສະພາ​ແຫ່ງ​ຊາດ​ ຊຸດ​ທີ 8 ​​ໃນຕອນ​ເຊົ້າ​ ຂອງ​ວັນ​ທີ 22 ​ເມສາ ນີ້ ໂດຍລະບຸ​ວ່າ: ຮອດ​ປີ 2030 ສປປ ລາວ​ ຕ້ອງ​ຮັບປະກັນ​ ໃຫ້​ມີ​ກົດໝາຍ​ເປັນລະບົບ​ຄົບ​ຖ້ວນ ໃນ​ທຸກຂະ​ແໜງການ, ສິດທິ​ຂອງ​ພົນລະ​ເມືອງ ​ຮັບປະກັນ​ການ​ຄຸ້ມ​ຄອງ ​ຕາມ​ກົດໝາຍທີ່​ສັກສິດ, ປະຊາຊົນ​ບັນດາ​ເຜົ່າ ມີ​ຄວາມ​ສາມັກຄີ​ ເປັນ​ປຶກ​ແຜ່ນ, ສັງຄົມ​ມີ ​ຄວາມ​ສະຫງົບ​ຍຸຕິ​ທຳ, ມີ​ປະຊາທິປະ​ໄຕ ​ແລະ ສີວິ​ໄລ.

ຮອງ ​ປະທານ​ ສະພາ​ແຫ່ງ​ຊາດ ຍັງ​​ໄດ້ຊີ້​ໃຫ້​ເຫັນ ​ຍຸດ​ທະ​ສາດຮອດ​ປີ 2025 ກໍ​ຄື​ ດ້ານ​ນິຕິບັນຍັດ ສ້າງ ແລະ ປັບປຸງ​ກົດໝາຍ​ ໃຫ້​ສອດຄ່ອງ​ກັບ​ແນວທາງ ​ຂອງ​ພັກ ສາມາດ​ເຊື່ອມ​ໂຍງ​ ເຂົ້າ​ກັບ​ພາກພື້ນ ​ແລະ ສາກົນ, ສິ່ງ​ສຳຄັນ ​ຈະ​ໄດ້​ສ້າງ​ກົດໝາຍ​ໃໝ່​ ໃຫ້​ໄດ້​ຢ່າງໜອ້ຍ 10 ສະບັບ​ຕໍ່ປີ, ​ໃນ​ນັ້ນ ຖື​ເອົາ​ການ​ສ້າງ ​ແລະ ປັບປຸງ​ກົດໝາຍ​ ໃນ​ຂົງ​ເຂດ​ເສດຖະກິດ ​ເປັນ​ໃຈກາງ. ພ້ອມ​ທັງ​ ປະ​ເມີນ​ຄວາມ​ສອດຄ່ອງ​ ຂອງ​ກົດໝາຍ ​ແລະ ຜົນ​ການຈັດ​ຕັ້ງ​ປະຕິບັດ​ ໃນ​ແຕ່ລະ​ຂົງ​ເຂດ, ​​ແຕ່ລະ​ໄລຍະ ​ເພື່ອ​ຮັບປະກັນ​ ໃຫ້ການ​ຄຸ້ມ​ຄອງ​ລັດ, ຄຸ້ມ​ຄອງ​ເສດຖະກິດ-ສັງຄົມ ​ດ້ວຍ​ກົດໝາຍທີ່​ສັກສິດ ​ແລະ ​ແກ້​ໄຂ​ຊ່ອງ​ຫວ່າງ ​ຂອງ​ກົດໝາຍ ກັບ​ຄວາມ​ເປັນ​ຈິງ​ ໃຫ້​ເໝາະສົມ.

ສຳລັບ ​ບັນຫາ​ສຳຄັນ ​ພື້ນຖານ​ຂອງ​ປະ​ເທດ ທີ່​ໄດ້​ກຳນົດ​ໄວ້​ ໃນ​ລັດຖະທຳ​ມະນູນ ​ແລະ ກົດໝາຍ ຕ້ອງ​ຜ່ານ ​ການ​ພິຈາລະນາ ​ແລະ ຮັບຮອງຈາກ​ ສະພາ​ແຫ່ງ​ຊາດ ​ແລະ ມີ​ຜົນ​ສັກສິດ​ ໃນ​ການຈັດ​ຕັ້ງ​ປະຕິບັດ, ການ​ຕົກລົງ​ບັນຫາ​ສຳຄັນ​ ພື້ນຖານ​ຂອງຊາດ ຕ້ອ​ງຮັບປະກັນ​ ເຮັດ​ໃຫ້ປະ​ເທດຊາດ ມີ​ສະຖຽນລະ​ພາບ​ ທາງ​ດ້ານ​ການ​ເມືອງ ທີ່ໜັກ​ແໜ້ນ, ສັງຄົມ​ມີ​ຄວາມ​ ເປັນ​ລະບຽບຮຽບຮ້ອຍ, ​ເສດຖະກິດ-ສັງຄົມ​ ມີ​ການ​ພັດທະນາ ​ແລະ ຂະຫຍາຍຕົວ​ ຕໍ່​ເນື່ອງໝັ້ນທ່ຽງ. ຢ່າງ​ໃດ​ກໍ​ຕາມ ສະພາ​ແຫ່ງ​ຊາດ ຍັງ​ໄດ້​ເນັ້ນ​ລະບົບ​ການ​ ຕິດຕາມ​ກວດກາ ໃນ​ຂົງ​ເຂດ​ການ​ປົກຄອງ ​ແລະ ການ​ຄຸ້ມ​ຄອງ ຂອງ​ບັນດາ​ອົງການ​ລັດ, ສ່ວນຜົນ​ຂອງການ ​ຕິດຕາມ​ກວດກາ​ ຕ້ອງ​ໄດ້​ຮັບ ​ການ​ພິຈາລະນາ​ແກ້​ໄຂ​ ໃຫ້​ມີ​ຄວາມ​ເຂັ້ມ​ງວດ​ ​ແລະ ສັກສິດຂຶ້ນ​ກວ່າ​ເກົ່າ.

ສະ ​ເພາະ​ຍຸດ​ທະ​ສາດ​ ສ້າງ​ຄວາມ​ເຂັ້ມ​ແຂງ​ ໃຫ້​ແກ່​ສະພາ​ແຫ່ງ​ຊາດ ​ແມ່ນ​ບັນຫາ​ກົງຈັກ​ ການຈັດ​ຕັ້ງ ​ແລະ ບຸກຄະລາ​ກອນ ຈະ​ໄດ້​ຮັບ​ການພັດທະນາ​ ຍົກ​ລະດັບ​ໃຫ້​ສົມ​ຄູ່​ ກັບ​ພາລະ​ບົດບາດ ສິດ ​ແລະ ໜ້າທີ່​ຂອງ​ຕົນ ​ໃນ​ການ​ເປັນ​ຕົວ​ແທນ ​ແຫ່ງ​ສິດ ​ແລະ ຜົນ​ປະ​ໂຫຍ​ດ ຂອງປະຊາຊົນ. ທັງ​ມີ​ການ​ປັບປຸງ​ກົນ​ໄກ ການ​ເຄື່ອນ​ໄຫວ​ ຂອງ​ສະພາ​ແຫ່ງ​ຊາດ ​ໃຫ້​ມີ​ຄວາມ​ກ້າວໜ້າ ​ແລະ ທັນ​ສະ​ໄໝ​ ເທື່ອລະ​ກ້າວ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...