spot_img
Homeຂ່າວເຫດການທະນາຄານ ແຫ່ງ ສປປ ລາວ ສະຫລຸບວຽກງານກວດກາ ປະຈຳປີ 2015

ທະນາຄານ ແຫ່ງ ສປປ ລາວ ສະຫລຸບວຽກງານກວດກາ ປະຈຳປີ 2015

Published on

ຄະນະກວດກາພັກ ທະນາຄານແຫ່ງ ສປປ ລາວ ໄດ້ເປີດກອງປະຊຸມວຽກງານກວດກາ ທະນາຄານແຫ່ງ ສປປ ລາວ ປະຈຳປີ 2015 ຂຶ້ນຢ່າງເປັນທາງການ ໃນວັນທີ 29-30 ມີນານີ້ ທີ່ສະໂມສອນສະຖາບັນທະນາຄານ ໂດຍການເປັນປະທານຂອງ ສະຫາຍ ຄຳວົງ ທິບພະວົງ ຮອງຜູ້ວ່າການທະນາຄານແຫ່ງ ສປປ ລາວ ແລະ ຜູ້ຕາງໜ້າຈາກ ຄະນະກວດກາສູນກາງພັກ ເຂົ້າຮ່ວມນຳດ້ວຍ.

ກອງປະຊຸມໄດ້ຜ່ານຮ່າງບົດສະຫລຸບ ການເຄື່ອນໄຫວວຽກງານກວດກາ ທະນາຄານແຫ່ງ ສປປ ລາວ ປະຈຳປີ 2015 ແລະ ທິດທາງແຜນການປີ 2016 ທີ່ສະເໜີໂດຍ ສະຫາຍ ໜໍ່ແກ້ວ ມຸນິວົງ ຄະນະພັກ, ຮອງປະທານກວດກາພັກ, ຫົວໜ້າກົມກວດກາພາຍໃນ ທຫລ. ຈາກນັ້ນຜູ້ແທນກອງປະຊຸມກໍໄດ້ພ້ອມກັນຕີລາຄາ ແລະ ປະກອບຄຳຄິດຄຳເຫັນ ຕໍ່ຮ່າງບົດສະຫລຸບດັ່ງກ່າວ ດ້ວຍຄວາມຮັບຜິດຊອບ ເພື່ອແນໃສ່ສົ່ງເສີມດ້ານດີ ກ່ຽວກັບການຊີ້ນຳ-ນຳພາ ຂອງຄະນະກວດກາພັກ ແລະ ຄະນະກວດກາແຕ່ລະຂັ້ນ ຕໍ່ກັບວຽກງານດັ່ງກ່າວ, ພ້ອມຍົກໃຫ້ເຫັນດ້ານອ່ອນ-ຂໍ້ຄົງຄ້າງ ທີ່ຈະຕ້ອງປັບປຸງແກ້ໄຂ ເປັນຕົ້ນປະກົດການຫຍໍ້ທໍ້ ທີ່ເກີດຂຶ້ນໃນຖັນແຖວຂອງສະມາຊິກພັກ-ພະນັກງານ ໃນການຈັດຕັ້ງປະຕິບັດມະຕິ, ຄຳສັ່ງ, ລະບຽບວິໄນຂອງພັກ, ຂໍ້ກຳນົດ-ກົດໝາຍຂອງລັດ ແລະ ການສວຍໃຊ້ໜ້າທີ່ຄວາມຮັບຜິດຊອບ ເພື່ອຫາຜົນປະໂຫຍດສ່ວນຕົວ ເຊິ່ງໃນປີ 2015 ມີປາກົດການຫຍໍ້ທໍ້ເກີດຂຶ້ນຫລາຍກໍລະນີ. ຕໍ່ກັບບັນຫາດັ່ງກ່າວ, ຄະນະພັກ-ຄະນະນຳຢູ່ແຕ່ລະພາກສ່ວນ ກໍໄດ້ເອົາໃຈໃສ່ຢ່າງຕັ້ງໜ້າ ໃນການແກ້ໄຂດ້ວຍມາດຕະການ ແລະ ວິທີການອັນເໝາະສົມດ້ວຍຫລາຍຮູບການ.

ນອກຈາກນັ້ນ, ກອງປະຊຸມຍັງໄດ້ຮັບຟັງ ການເຜີຍແຜ່ເອກະສານຂອງພັກ-ລັດຈຳນວນ 4 ສະບັບ ເຊິ່ງນຳສະເໜີໂດຍ ຜູ້ຕາງໜ້າຈາກຄະນະກວດກາສູນກາງພັກ ແລະ ມີເອກະສານຊ້ອນທ້າຍອີກຈຳນວນໜຶ່ງ ເພື່ອໃຫ້ຜູ້ແທນກອງປະຊຸມ ນຳໄປຄົ້ນຄວ້າດ້ວຍຕົນເອງ. ນອກນັ້ນ ຍັງໄດ້ຜ່ານບົດປະກອບຄຳເຫັນ 7 ຫົວຂໍ້ ຂອງບັນດາຮາກຖານພັກ ທີ່ຕິດພັນກັບວຽກງານວິຊາສະເພາະຂອງຕົນເຊັ່ນ: ການຍົກສູງຄຸນນະພາບ ວຽກງານກວດກາພັກ ໃນຂະແໜງການທະນາຄານ, ຜົນສຳເລັດກ່ຽວກັບວຽກງານ ກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ແລະ ການຄຸ້ມຄອງທະນາຄານທຸລະກິດ ແລະ ສະຖາບັນການເງິນ ເຫລົ່ານີ້ເປັນຕົ້ນ ແລະ ໃນວາລະກອງປະຊຸມດັ່ງກ່າວ ຍັງໄດ້ຈັດຕັ້ງພິທີມອບ-ຮັບ ໃບຢັ້ງຢືນໜ່ວຍພັກ ເຂັ້ມແຂງ-ຮູ້ນຳພາຮອບດ້ານ ໃຫ້ແກ່ບັນດາໜ່ວຍພັກ ທີ່ຂຶ້ນກັບອົງຄະນະພັກ ທຫລ ຈຳນວນ 29 ໜ່ວຍພັກ ເທົ່າກັບ 64,44% ຂອງຈຳນວນໜ່ວຍພັກທັງໝົດ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...