Homeຂ່າວການພັດທະນາກະຊວງພາຍໃນ ກຽມອອກບັດລັດຖະກອນ ຫັນສູ່ລະບົບທັນສະໄໝ ວ່ອງໄວ ແລະ ໂປ່ງໃສຂຶ້ນ!

ກະຊວງພາຍໃນ ກຽມອອກບັດລັດຖະກອນ ຫັນສູ່ລະບົບທັນສະໄໝ ວ່ອງໄວ ແລະ ໂປ່ງໃສຂຶ້ນ!

Published on

ກະຊວງພາຍໃນ ເລັ່ງປັບປຸງຖານຂໍ້ມູນລັດຖະກອນ ໃຫ້ມີຄວາມທັນສະໄໝຂຶ້ນ ໂດຍເຊື່ອມຕໍ່ກັບລະບົບບັນຊີ ເງິນເດືອນ ເພື່ອຄວາມສະດວກຕໍ່ການກວດຜ່ານບັນຊີຈຳນວນພົນ ໃຫ້ຖືກຕ້ອງແມ້ນຢຳ  ທັງເປັນການຫຼຸຸດຂັ້ນຕອນ ການຄິດໄລ່ເງິນເດືອນ ຕະຫຼອດຮອດການກະກຽມອອກບັດລັດຖະກອນ.

ກອງປະຊຸມການຄຸ້ມຄອງຖານຂໍ້ມູນລັດຖະກອນ ໄດ້ຈັດຂຶ້ນໃນວັນທີ 4 ມີນານີ້ ທີ່ຫໍປະຊຸມແຫ່ງຊາດ ໂດຍການເປັນປະທານຂອງ ທ່ານ ວິໄຊ ພັນ ດານຸວົງ ລັດຖະມົນຕີຊ່ວຍວ່າການກະຊວງພາຍໃນ ຊຶ່ງມີບັນ ດາຜູ້ຕາງໜ້າຈາກກະຊວງ, ອົງການທຽບເທົ່າຂັ້ນສູນກາງ, ຜູ້ຕາງໜ້າຈາກທະນາຄານ, ຫ້ອງການປະກັນສັງຄົມ ພ້ອມດ້ວຍ ນັກວິຊາການທີ່ກ່ຽວຂ້ອງເຂົ້າຮ່ວມ ເພື່ອຕີລາຄາຄືນ ແລະ ຖອດຖອນບົດຮຽນການຈັດຕັ້ງ ປະຕິບັດ ວຽກງານຄຸ້ມຄອງຖານຂໍ້ມູນລັດຖະກອນ ໃນໜຶ່ງປີຜ່ານມາ.

ໃນກອງປະຊຸມ ໄດ້ມີການຄົ້ນຄວ້າສືບຕໍ່ປັບປຸງບາງຂໍ້ມູນຂອງ ພະນັກງານ-ລັດຖະກອນ ພາກສ່ວນຕ່າງໆ ຂອງອົງການຈັດຕັ້ງຂັ້ນສູນກາງ ທີ່ຖືກບັນທຶກເຂົ້າໃນຖານຂໍ້ມູນແລ້ວ ໃຫ້ຄົບຖ້ວນສົມບູນ ແລະ ຖືກຕ້ອງ ຕາມຕົວຈິງ, ສ້າງລະບົບບັນຊີຈຳນວນພົນຂອງພະນັກງານ- ລັດຖະກອນ ເຊື່ອມຕໍ່ກັບລະບົບບັນຊີເງິນເດືອນ ເພື່ອສະດວກໃນການກວດຜ່ານບັນຊີຈຳນວນພົນ ແລະ ການຄິດໄລ່ເງິນເດືອນ ເພື່ອເປັນການຫຼຸຸດຂັ້ນຕອນ, ຫຼຸຸດຜ່ອນພະນັກງານໃນຂົງເຂດການເງິນ ຢູ່ບັນດາກະຊວງ ແລະ ອົງການຈັດຕັ້ງຂັ້ນຕ່າງໆລົງ, ກະກຽມການ ອອກບັດລັດຖະກອນ (Smart Card) ບົນພື້ນຖານປະສານສົມທົບກັບອົງການທີ່ກ່ຽວຂ້ອງ.

ຜ່ານມາເຖິງແມ່ນວ່າ ລະບົບຈະສາມາດກວດຜ່ານບັນຊີຈຳນວນພົນອອນລາຍໄດ້ ຊຶ່ງສາມາດເກັບກຳຂໍ້ມູນໄດ້ ໂຕເລກລັດຖະກອນຕົວຈິງ ເຊັ່ນ: ຈຳນວນຫຼຸຸດ, ຈຳນວນເພີ່ມ ແລະ ອຸດໜູນຕ່າງໆ ແຕ່ ກໍຍັງບໍ່ສາມາດຄິດໄລ່ເປັນໂຕເລກເງິນເດືອນ ອອກມາຢ່າງຖືກຕ້ອງໄດ້ ຈຶ່ງເຮັດໃຫ້ວິຊາ ການການເງິນຂອງຫ້ອງການ ຫຼື ກົມແຜນການຂອງບັນດາກະຊວງ, ອົງການຂັ້ນສູນກາງ ຈະຕ້ອງຄິດໄລ່ອອກເປັນເງິນ ດັ່ງທີ່ເຄີຍປະຕິບັດມາ. ນອກນັ້ນ ລະບົບເຕັກໂນໂລຊີ ເພື່ອ ເຊື່ອມຕໍ່ຖານຂໍ້ມູນຢູ່ບາງພາກສ່ວນ ຍັງມີຄວາມຈຳກັດເຊັ່ນ: ອິນເຕີເນັດຊ້າ, ຄວາມຮູ້ຄວາມສາມາດຂອງບຸກ ຄະລາກອນ ຍັງມີຈຳກັດເປັນຕົ້ນ.

ດັ່ງນັ້ນ ການຈັດກອງປະຊຸມຄັ້ງນີ້ ແມ່ນເພື່ອແນໃສ່ປັບປຸງວຽກງານຄຸ້ມຄອງຖານຂໍ້ມູນ ຜ່ານບັນຊີຈຳນວນພົນຜ່ານ ລະບົບຖານຂໍ້ມູນລັດຖະກອນ ໃຫ້ມີປະສິດທິພາບ, ນຳໃຊ້ເຕັກໂນໂລຊີ-ຂໍ້ມູນຂ່າວສານ ທີ່ທັນສະໄໝ ເຂົ້າໃນການຄຸ້ມ ຄອງລັດຖະກອນໃນໄລຍະໃໝ່ ທີ່ມີຄຸນນະພາບສູງ, ເປັນລະບົບລວມສູນ, ສະດວກວ່ອງ ໄວ, ໂປ່ງໃສ ແລະ ຊັດເຈນຂຶ້ນ ກວ່າເກົ່າ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...