spot_img
Homeຂ່າວພາຍ​ໃນກ໋ອຟມິດຕະພາບ ເພື່ອລະດົມທຶນ ເນື່ອງໃນໂອກາດ ວັນແມ່ຍິງສາກົນ ຄົບຮອບ 106 ປີ

ກ໋ອຟມິດຕະພາບ ເພື່ອລະດົມທຶນ ເນື່ອງໃນໂອກາດ ວັນແມ່ຍິງສາກົນ ຄົບຮອບ 106 ປີ

Published on

ຈັດງານແຂ່ງຂັນກ໋ອຟມິດຕະພາບ ເພື່ອລະດົມທຶນ ເນື່ອງໃນໂອກາດ ວັນແມ່ຍິງສາກົນ ຄົບຮອບ 106 ປີ

ບັນດາການນໍາພັກ-ລັດ ແລະ ອົງການປົກຄອງນະຄອນຫຼວງວຽງຈັນ ຮ່ວມກັບ ບັນດາກະຊວງ ອົງການຈັດຕັ້ງທາງສັງຄົມ ໄດ້ຈັດງານແຂ່ງຂັນກ໋ອຟມິດຕະພາບການກຸສົນ ເພື່ອລະດົມທຶນເນື່ອງໃນໂອກາດ ວັນແມ່ຍິງສາກົນ ຄົບຮອບ 106 ປີ (08 ມີນາ 1910 – 08 ມີນາ 2016 ) ຊີງຂັນພັນລະຍາປະທານປະເທດແຫ່ງ ສປປ.ລາວ ດຣ.ນາງ ແກ້ວສາຍໃຈ ໄຊຍະສອນ ເຊິ່ງຈັດຂຶ້ນໃນຕອນເຊົ້າວັນທີ 05 ມີນາ 2016 ທີ່ສະໜາມກ໋ອຟ ບ້ານຊໍາເຄ້ ເມືອງໄຊເຊດຖາ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ອາຊາງ ລາວລີ ຮອງນາຍົກລັດຖະມົນຕີ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດ ທ່ານ ດຣ.ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີຮອງເຈົ້າຄອງນະຄອນຫຼວງວຽງຈັນ ລັດຖະມົນຕີວ່າການ-ຊ່ອຍວ່າການ ສູນກາງສະຫະພັນແມ່ຍິງລາວ ສະຫະພັນແມ່ຍິງອ້ອມຂ້າງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຈໍານວນຫຼວງຫຼາຍ.

ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ ໄດ້ໃຫ້ຮູ້ວ່າ ການຈັດການງານແຂ່ງຂັນກ໋ອຟ ມິດຕະພາບການກຸສົນໃນຄັ້ງນີ້ ແມ່ນເພື່ອລະດົມທຶນຈາກທຸກພາກສ່ວນໃນສັງຄົມ ແລະ ເງິນທຶນທີ່ໄດ້ແມ່ນຈະນໍາໄປປະກອບສ່ວນເຂົ້າໃນການຈັດຕັ້ງປະຕິບັດແຜນວຽກພັດທະນາພື້ນຖານໂຄງລ່າງດ້ານຕ່າງໆພາຍໃນນະຄອນຫຼວງວຽງຈັນ ໃຫ້ມີປະສິດທິຜົນ ນຶ່ງໃນແຜນວຽກຕົ້ນຕໍກໍຄື ປະກອບສ່ວນເຂົ້າໃນຂະບວນການປ້ອງກັນໄຂ້ເລືອດອອກ ແລະ ທໍາລາຍແຫຼ່ງເພາະພັນຍຸງລາຍ ການຈັດຕັ້ງປະຕິບັດໂຄງການວຽງຈັນສະອາດ ຮວມທັງຂະບວນການປ້ອງກັນ ແລະ ຄວບຄຸມການລະບາດພະຍາດຂອງພະຍາດຕ່າງໆທີ່ອາດຈະເກີດຂຶ້ນ ເຊິ່ງປີນີ້ ສປປ.ລາວ ໄດ້ຮັບກຽດເປັນປະທານອາຊຽນ ທັງມີຫຼາຍໆກອງປະຊຸມລະດັບສາກົນ ແລະ ພາກພື້ນຈະຈັດຂຶ້ນຢູ່ນະຄອນຫຼວງວຽງຈັນ ຈິ່ງມີຄວາມຈໍາເປັນ ແລະ ຮີບດ່ວນໃນການປຸກລະດົມສັງຄົມໃຫ້ມີສ່ວນຮ່ວມທັງໃນການດ້ານທຶນຮອນ ແລະ ການປ້ອງກັນ-ຄວບຄຸມພະຍາດເປັນວຽກອັນດັບຕົ້ນໆ.

 

ແຫລ່ງຂ່າວຈາກ:  http://www.vtetoday.la/

 

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...