spot_img
Homeຂ່າວພາຍ​ໃນຄວາມເປັນມາຂອງວັນແມ່ຍິງສົາກົນ (8 ມີນາ ຂອງທຸກປີ)

ຄວາມເປັນມາຂອງວັນແມ່ຍິງສົາກົນ (8 ມີນາ ຂອງທຸກປີ)

Published on

ວັນແມ່ຍິງສາກົນ (International Women’s Day) ກົງກັບວັນທີ 8 ມີນາ ຂອງທຸກໆປີເຊິ່ງເປັນວັນທີ່ບັນດາແມ່ຍິງຈາກທົ່ວໂລກບໍ່ວ່າຈະເຊື້ອຊາດ, ສາດສະໜາ, ອາຊີບໃດ ຈະຮ່ວມກັນສະເຫຼີມສະຫຼອງຄວາມສະເໝີພາບທີ່ໄດ້ຮັບມາ ແລະ ເປັນການສະແດງໃຫ້ເຫັນເຖິງຄວາມເທົ່າທຽມກັນໃນສັງຄົມອີກດ້ວຍ.

woman

ຄວາມເປັນມາຂອງວັນແມ່ຍິງສົາກົນ

ປະຫວັດຄວາມເປັນມາຂອງວັນແມ່ຍິງສາກົນ ເກີດຂຶ້ນຈາກກຳມະກອນຍິງໃນໂຮງງານຕ່ຳຜ້າ ເມືອງນິວຢອກ ປະເທດອາເມລິກາໄດ້ພາກັນລຸກຮືປະທ້ວງໃຫ້ນາຍຈ້າງເພີ່ມຄ່າຈ້າງ ແລະ ຮຽກຮ້ອງສິດຂອງພວກນາງ ແຕ່ສຸດທ້າຍກັບມີຜູ້ຍິງເຖິງ 119 ຄົນຕ້ອງເສຍຊີວິດຈາກເຫດການນີ້ ດ້ວຍການທີ່ມີຄົນແອບວາງເພີງເຜົາໂຮງງານທີ່ພວກນາງນັ່ງເຕົ້າໂຮມກັນຢູ່ ໂດຍເຫດການທັງໝົດນີ້ເກີດຂຶ້ນໃນວັນທີ 8 ມີນາ 1857.

ຈາກນັ້ນໃນປີ 1907 ກຳມະກອນຍິງໃນໂຮງງານຕ່ຳຜ້າທີ່ເມື່ອງ ຊິຄາໂກ້ ປະເທດສະຫະລັດອາເມລິການທົນບໍ່ໄຫວຕໍ່ການເອົາປຽບ ກົດຂີ່ ທາລຸນ ຂອງນາຍຈ້າງທີ່ໃຊ້ພວກນາງຢ່າງທາດ ເນື່ອງຈາກກຳມະກອນຍິງເຫຼົ່ານີ້ຕ້ອງເຮັດວຽກໜັກເຖິງວັນລະ 16-17 ຊົ່ວໂມງ ໂດຍບໍ່ມີວັນຍຸດ ບໍ່ມີປະກັນການໃຊ້ແຮງງານໃດໆ ເປັນເຫດໃຫ້ເກີດຄວາມເຈັບປ່ວຍລົ້ມຕາຍຕາມມາໃນໄລຍະເວລາອັນໄວວາ ແຕ່ກັບໄດ້ຮັບຄ່າແຮງພຽງເລັກໜ້ອຍ ແລະ ຫາກຖືພາກໍ່ຖືໄລ່ອອກ.

CLAREຄລາຣ່າ ເຊທຄິນ (CLARE ZETKIN)

         ຄວາມອັດອັ້ນຕັນໃຈຈິ່ງເຮັດໃຫ້ ຄລາຣ່າ ເຊທຄິນ (CLARE ZETKIN) ນັກການເມືອງສາຍແນວຄິດສັງຄົມຊາວເຢຍລະມັນຕັດສິນໃຈປຸກລະດົມເຫຼົ່າກຳມະກອນແມ່ຍິງດ້ວຍການນັດຢຸດງານໃນວັນທີ 8 ມີນາ 1907 ພ້ອມກັບຮຽກຮ້ອງໃຫ້ນາຍຈ້າງລຸດເວລາການເຮັດວຽກລົງເຫຼືອວັນລະ 8 ຊົ່ວໂມງ ທັງປັບປຸງສະຫວັດດີການທຸກຢ່າງ ແລະ ໃຫ້ແມ່ຍິງມີສິດອອກສຽງເລືອກຕັ້ງອີກດ້ວຍ.

          ຢ່າງໃດກໍ່ຕາມເຖິງການຮຽກຮ້ອງຄັ້ງນີ້ຈະບໍ່ປະສົບຜົນສຳເລັດ ເນື່ອງຈາກມີແຮງງານຍິງຫຼາຍຮ້ອຍຄົນຖືກຈັບກຸມ ແຕ່ກໍ່ເຮັດໃຫ້ແມ່ຍິງທົ່ວໂລກສະໜັບສະໜູນການກະທຳຂອງ ຄລາຣ່າ ເຊທຄິນ ແລະ ເປັນການຈຸດປະກາຍໃຫ້ແມ່ຍິງທົ່ວໂລກເລີ່ມຄິດເຖິງສິດຂອງຕົນເອງຫຼາຍຂຶນ.

ຕໍ່ມາໃນວັນທີ 8 ມີນາ 1908 ມີແຮງງານຍິງກ່ວາ 15,000 ຄົນ ຮ່ວມເດີນຂະບວນທົ່ວເມືອງນິວຢອກ ຮຽກຮ້ອງໃຫ້ຢຸດຕິການໃຊ້ແຮງງານເດັກ ໂດຍມີຄຳຂັວນວ່າ ເຂົ້າໜົມປັງກັບດອກກຸຫຼາບ ເຊິ່ງໝາຍເຖິງການໄດ້ຮັບອາຫານທີ່ພຽງພໍກັບຄຸນນະພາບຊີວິດທີ່ດີນັ້ນເອງ.

ຈົນຮອດວັນທີ 8 ມີນາ 1910 ຄວາມພະຍາຍາມຂອງກຳມະກອນຍິງກຸ່ມນີ້ກໍ່ປະສົບຜົນສຳເລັດ ເມື່ອມີຕົວແທນແມ່ຍິງຈາກ 17 ປະເທດ ເຂົ້າຮ່ວມປະຊຸມປຶກສາຫາລືແມ່ຍິງສັງຄົມນິຍົມຄັ້ງທີ 2 ທີ່ເມືອງໂຄເປນເຮເກນ ປະເທດເດນມາຣ໌ກ ໂດຍໃນທີ່ປະຊຸມໄດ້ປະກາດຮັບຮອງຂໍ້ຮຽກຮ້ອງຂອງບັນດາກຳມະກອນແມ່ຍິງ ໃນລະບົບສາມ 8 ຄື: ຍອມໃຫ້ລຸດເວລາເຮັດວຽກໃຫ້ເຫຼືອວັນລະ 8 ຊົ່ວໂມງ, ໃຫ້ເວລາສຶກສາຄວາມຮູ້ເພື່ອພັດທະນາຄວາມສາມາດຂອງຕົນເອງອີກ 8 ຊົ່ວໂມງ ແລະ ອີກ 8 ຊົ່ວໂມງເປັນເວລາພັກຜ່ອນ ພ້ອມກັນນີ້ຍັງໄດ້ຮັບຄ່າແຮງຂອງແຮງງານຍິງໃຫ້ເທົ່າທຽມກັບແຮງງານຊາຍ ແລະ ຍັງມີການຄຸ່ມຄອງສະຫວັດດີການ ແລະ ແຮງງານເດັກນ້ອຍອີກດ້ວຍ.

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...