spot_img
Homeຂ່າວເຫດການສະຫະພັນນັກຮົບເກົ່າແຫ່ງຊາດ ເປີດກອງປະຊຸມວິສາມັນ ຄົບຄະນະບໍລິຫານງານ

ສະຫະພັນນັກຮົບເກົ່າແຫ່ງຊາດ ເປີດກອງປະຊຸມວິສາມັນ ຄົບຄະນະບໍລິຫານງານ

Published on

ສະຫະພັນນັກຮົບເກົ່າແຫ່ງຊາດລາວ ໄດ້ໄຂກອງປະຊຸມວິສາມັນ ຄົບຄະນະບໍລິຫານງານ ສະຫະພັນນັກຮົບ ເກົ່າແຫ່ງຊາດລາວ ຂຶ້ນເມື່ອວັນທີ 2 ມີນານີ້ ທີ່ຫ້ອງປະຊຸມຂອງສະຫະພັນດັ່ງກ່າວ ໂດຍການເປັນປະທານຂອງ ທ່ານ ພົນຈັດຕະວາ ສົມພອນ ແກ້ວມີໄຊ ເລຂາຄະນະພັກ ປະທານສະຫະພັນນັກຮົບເກົ່າແຫ່ງຊາດລາວ, ມີຄະນະບໍລິ ຫານງານ, ຄະນະກົມ, ຫ້ອງການ, ພະນັກງານທີ່ກ່ຽວຂ້ອງ ສະຫະພັນນັກຮົບແຫ່ງຊາດລາວສູນກາງ ແລະ ບັນດາ ແຂວງເຂົ້າຮ່ວມ.

ກອງປະຊຸມຄັ້ງນີ້ ໄດ້ສະຫຼຸຸບຕີລາຄາວຽກງານຊີ້ນຳໆພາ ນັກຮົບເກົ່າໄລຍະທີ່ຜ່ານມາ ຖອດຖອນບົດຮຽນກ່ຽວກັບ ການກະກຽມດຳເນີນກອງປະຊຸມໃຫຍ່ 4 ຂັ້ນ ກໍຄືກະກຽມດຳເນີນກອງປະຊຸມໃຫຍ່ຄັ້ງ ທີ III ຂອງຜູ້ແທນນັກຮົບເກົ່າທົ່ວປະເທດ ແລະ ກຳນົດແຜນດຳເນີນງານ ເພື່ອຈັດຕັ້ງຜັນຂະຫຍາຍ ຜົນສຳເລັດກອງ ປະຊຸມໃຫຍ່ດັ່ງກ່າວ ໃຫ້ເປັນຮູບປະທຳ, ພ້ອມກັນນັ້ນ ກອງປະຊຸມຍັງໄດ້ສະຫຼຸຸບຕີລາຄາ, ຖອດຖອນບົດຮຽນ ຊີ້ນຳໆພາຂອງ ຄະນະບໍລິຫານງານສະຫະພັນນັກຮົບເກົ່າແຫ່ງຊາດລາວ ແນໃສ່ປັບປຸງແບບແຜນວິທີເຮັດວຽກ, ແບບແຜນວິທີນຳພາໃຫ້ສອດຄ່ອງ ແລະ ມີປະສິດທິຜົນດີຂຶ້ນກວ່າເກົ່າ ພ້ອມນີ້ຍັງໄດ້ພ້ອມກັນຄົ້ນ ຄວ້າ ປະກອບຄຳຄິດຄຳເຫັນ ວຽກງານຜັນຂະຫຍາຍເນື້ອໃນຂໍ້ແຂ່ງຂັນ 3 ດີ 6 ຮັກສາ ແລະ ການປັບປຸງກົງຈັກການຈັດຕັ້ງ ສະຫະພັນນັກຮົບເກົ່າແຕ່ລະຂັ້ນໃນເງື່ອນໄຂໃໝ່.

3-1-2ກອງປະຊຸມຈະໄດ້ດຳເນີນເປັນເວລາ 2 ວັນ ຈຶ່ງຈະສຳເລັດ ບັນດາຜູ້ເຂົ້າຮ່ວມ ຈະໄດ້ຮັບຟັງການສະເໜີຮ່າງບົດ ແນະນຳ ກ່ຽວກັບການປັບປຸງການຈັດຕັ້ງ, ບັນຈຸພະນັກງານ ເຂົ້າໃນການຈັດຕັ້ງ ສະຫະພັນນັກຮົບເກົ່າແຫ່ງຊາດລາວ ແຕ່ລະຂັ້ນ, ຜ່ານບົດແນະນຳ ວຽກງານຕິດຕາມກວດກາຂອງ ກົມກອງສະຫະພັນນັກຮົບເກົ່າແຫ່ງຊາດລາວ, ຜ່ານຮ່າງຄຳສັ່ງແນະນຳ ໃຫ້ພາກສ່ວນກ່ຽວກັບການຈັດຕັ້ງ ເຜີຍແຜ່ເອກະສານກອງປະຊຸມໃຫຍ່ຜູ້ແທນ ນັກຮົບເກົ່າທົ່ວປະເທດ ຄັ້ງທີ III, ຜ່ານຮ່າງບົດແນະນຳກ່ຽວ ກັບການປະຕິບັດຂໍ້ແຂ່ງຂັນ 3 ດີ 6 ຮັກສາຂອງ ສະຫະພັນນັກຮົບເກົ່າແຫ່ງຊາດລາວ, ຜ່ານຮ່າງບົດແນະນຳ ກ່ຽວກັບວຽກງານຫ້ອງການ ໃນນັ້ນກອງປະຊຸມ ຍັງຈະໄດ້ຮັບຟັງການໂອ້ລົມຂອງ ປະທານສະຫະພັນນັກຮົບເກົ່າແຫ່ງຊາດລາວ ເພື່ອເປັນເຂັມຊີ້ທິດເຍືອງທາງໃຫ້ ແກ່ຄະນະ ບໍລິຫານງານສະຫະພັນນັກຮົບເກົ່າແຫ່ງຊາດລາວ ໃນຕໍ່ໜ້າຕື່ມອີກ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...