ສຳນັກຂ່າວຕ່າງປະເທດ ລາຍງານໃນວັນ​ທີ 1 ມີນາຜ່ານມານີ້ວ່າ ກອງທັບຟີ​ລີບ​ປິນ ​ໄດ້ເປີດ​ບັ້ນ​ຮົບທີ່ຂະໜາດ​ໃຫຍ່ ເພື່ອປາບປາມກຸ່ມກໍ່ການຮ້າຍ 24 ຄົນ ທີ່ຖືກ​ສົງ​ໄສ​ສະໜັບສະໜູນກຸ່ມລັດອິດສະລາມ ຫລື ໄອເອັສ ໃນພື້ນທີ່ພາກໃຕ້ຂອງປະເທດ ຊຶ່ງທ່ານພົນຈັດຕະວາ Restituto Padilla ​ໂຄສົກ​ກຳລັງ​ປະກອບ​ອາວຸດ ຟີ​ລີບ​ປິນ ໄດ້ລະບຸວ່າ ກອງທັບໄດ້ໃຊ້ກຳລັງພົນທະຫານ ​ປະມານ 2,000 ຄົນ ​ເຂົ້າ​ຮ່ວມ​ໃນບັ້ນ​ຮົບ​ກວດ​ລ້າງຄັ້ງນີ້ ທີ່ແກ່ຍາວ​ເປັນ​ເວລາ​ຫລາຍ​ອາທິດ​ ຢູ່​ເທດສະບານ​ເມືອງ Butig ຂຶ້ນ​ກັບ​ແຂວງ Lanao del Sur ພ້ອມ​ທັງ ໄດ້​ເນັ້ນ​ໜັກອີກ​ວ່າ ບັ້ນ​​ການກວດລ້າງທາງ​ທະຫານ​ດັ່ງກ່າວ ​ໄດ້​ຮັບ​ການ​ໜູນ​ຫລັງ​ ຈາກ​ອຳນາດ​ການ​ປົກຄອງ​ທ້ອງ​ຖິ່ນ ເພື່ອ​ຊ່ວຍສະກັດ​ກັ້ນ ການ​ແຜ່​ຂະຫຍາຍ​ຂອງລັດທິ​ຫົວ​ຮຸນ​ແຮງ ພາຍໃນປະເທດ.