ຜ່ານພົ້ນໄປສຳລັບງານປະກາດລາງວັນອັອດສະກ້າຄັ້ງທີ 88 ປະຈຳປີ 2016 ເຊິ່ງປີນີ້ເອີ້ນໄດ້ວ່າດຸເດືອດຊວນລຸ້ນກັນພໍສົມຄວນ ໂດຍສະເພາະຕຳແໜ່ງນັກສະແດງນຳຊາຍດີເດັ່ນ ທີ່ຄໍຮູບເງົາຫຼາຍຄົນລຸ້ນໃຫ້ຕົກເປັນຂອງ ລີໂອນາຣ໌ໂດ ດິຄາບຣິໂອ ຜູ້ທີ່ເຄີຍພາດລາງວັນອັອດສະກ້າສາຂານີ້ມາແລ້ວຫຼາຍຄັ້ງ.

ກາຍເປັນກະແສໂດ່ງດັງຂຶ້ນມາ ສຳລັບຂ່າວດີໃນຕອນເຊົ້າວັນທີ 29 ກຸມພາ 2016 ທີ່ຜ່ານມາ ເມື່ອພະເອກໜຸ່ມນັກສະແດງຊາຍດີເດັ່ນຂອງດາລາຮໍລີວູດເຈົ້າບົດບາດ ລີໂອນາຣ໌ໂດ ດິຄາບຣິໂອ, ຈາກບົດບາດ ຮິວຈ໌ ກລາສ ໃນຮູບເງົາເລື່ອງ ຕ້ອງລອດ (The Revenant)

ງານນີ້ເຮັດໃຫ້ແຟນຄລັບຫຼາຍຄົນດີໃຈສຸດຂີດ ຫຼັງຈາກຮ່ວມລຸ້ນໃຫ້ລີໂອນາຣ໌ໂດ ດິຄາບຣິໂອ ໄດ້ຮັບລາງວັນອັອດສະກ້າເປັນຄັ້ງທຳອິດຂອງເຂົາ ຫຼັງຈາກເຄີຍຖືກສະເໜີຊື່ເຂົ້າຊີງລາງວັນຫຼາຍຄັ້ງ ໃນໄລຍະເວລາ 22 ປີ ຂອງການເປັນນັກສະແດງຮໍລີວູດ

ຂໍ້ມູນຈາກ: http://movie.kapook.com/

ຮຽງຮຽງໂດຍ: ປັອກເລັກ ລາວໂພສຕ໌