spot_img
Homeຂ່າວພາຍ​ໃນນະຄອນຫລວງວຽງຈັນຖະແຫລງ ປ່ຽນຜູ້ບໍລິຫານ ຕະຫລາດເຊົ້າມໍ 2 ຄົນໃໝ່

ນະຄອນຫລວງວຽງຈັນຖະແຫລງ ປ່ຽນຜູ້ບໍລິຫານ ຕະຫລາດເຊົ້າມໍ 2 ຄົນໃໝ່

Published on

ວັນທີ 24 ກຸມພານີ້, ທ່ານຮອງເຈົ້າຄອງນະຄອນຫລວງວຽງຈັນ, ໄດ້ແຈ້ງໃຫ້ຊາວຄ້າຂາຍ ແລະ ພາກສ່ວນກ່ຽວຂ້ອງ ພາຍໃນຕະຫລາດເຊົ້າມໍ 2 (Shopping Mall 2) ໄດ້ຮັບຮູ້ທົ່ວເຖິງກັນວ່າ: ກະຊວງແຜນການ ແລະ ການລົງທຶນ ໄດ້ເຊັນສັນຍາແມ່ບົດ ການສຳປະທານໂຄງການພັດທະນາ ແລະ ປັບປຸງຍົກລະດັບຕະຫລາດເຊົ້າວຽງຈັນ ກັບ ກຸ່ມບໍລິສັດ ເອັກສ໌ຄາລີເປີ ຈຳກັດ (ສິງກະໂປ) ໃນຄັ້ງວັນທີ 13 ສິງຫາ 2004. ຫລັງຈາກນັ້ນ ຜູ້ພັດທະນາໂຄງການ ກໍໄດ້ລົງມືກໍ່ສ້າງຕຶກ A (ຕະຫລາດເຊົ້າມໍ 1) ແລະ ມາຮອດຕົ້ນປີ 2008 ກຸ່ມບໍລິສັດ ເອັກສ໌ຄາລີເບີ ຈຳກັດ ໄດ້ເຮັດສັນຍາມອບສິດໃຫ້ບໍລິສັດ ຮົວຊິນພັດທະນາ ຈຳກັດ ເປັນຜູ້ລົງທຶນກໍ່ສ້າງຕຶກ B (ຕະຫລາດເຊົ້າມໍ 2), ຂອງໂຄງການຕະຫລາດເຊົ້າຊອບປິ້ງມໍ ແລະ ມາຮອດປັດຈຸບັນ ການກໍ່ສ້າງກໍໄດ້ສຳເລັດໂດຍພື້ນຖານ ແລະ ໃນໄລຍະຜ່ານມາ ກໍເຫັນວ່າພົບກັບຄວາມຫຍຸ້ງຍາກ ໃນການຈັດຕັ້ງບໍລິຫານ ແລະ ຕ່າງຝ່າຍຕ່າງອ້າງເປັນເຈົ້າຂອງສິດ ໃນການບໍລິຫານຈັດການຕຶກດັ່ງກ່າວ, ດັ່ງນັ້ນ ພາກສ່ວນກ່ຽວຂ້ອງຂອງລັດ ໄດ້ມີການປຶກສາຫາລື ຮ່ວມກັບຜູ້ພັດທະນາໂຄງການທັງສອງບໍລິສັດ ເພື່ອແກ້ໄຂບັນຫາທີ່ເກີດຂຶ້ນ.

ປັດຈຸບັນ ກຸ່ມບໍລິສັດ ເອັກສ໌ຄາລີເບີ ຈຳກັດ, ຊຶ່ງເປັນຜູ້ໄດ້ຮັບສິດສຳປະທານໂຄງການຊອບປິ້ງມໍ ແລະ ທັງເປັນຄູ່ສັນຍາກັບລັດຖະບານ ຕາມສັນຍາແມ່ບົດການສຳປະທານ ໂຄງການພັດທະນາຕະຫລາດເຊົ້າຄືນໃໝ່ ແລະ ປັບປຸງຍົກລະດັບຕະຫລາດເຊົ້າວຽງຈັນ, ມີໜັງສືມອບໂອນຄວາມຮັບຜິດຊອບຕຶກ B ໃຫ້ແກ່ ບໍລິສັດ ຮົວຊິນພັດທະນາ ຈຳກັດ ເປັນຜູ້ມີສິດການບໍລິຫານຈັດການ ຕາມໜັງສືມອບໂອນ ແລະ ໜັງສືມອບສິດ ຂອງບໍລິສັດຕະຫລາດເຊົ້າ ຊອບປິ້ງມໍ ຈຳກັດ ແລະ ມອບສິດໃຫ້ບໍລິສັດ ຮົວຊິນພັດທະນາ ຈຳກັດ ເປັນຜູ້ບໍລິຫານ ແລະ ຄຸ້ມຄອງຕຶກ B ຢ່າງຖືກຕ້ອງຕາມກົດໝາຍ.

ນອກຈາກນີ້ ກະຊວງແຜນການ ແລະ ການລົງທຶນ ຍັງໄດ້ແຈ້ງວ່າ: ທ່ານ ລຸນອິສ໌ກູ ຫລື ກູຈິນເຮັງ ສັນຊາດ ສິງກະໂປ ໃນນາມເປັນຜູ້ບໍລິຫານໃນບໍລິສັດ ຕະຫລາດເຊົ້າຊອບປິ້ງມໍ ແມ່ນບໍ່ມີສ່ວນກ່ຽວຂ້ອງ ໃນໂຄງການຕະຫລາດເຊົ້າຊອບປິ້ງມໍ, ພ້ອມທັງບໍ່ແມ່ນຮຸ້ນສ່ວນ, ຜູ້ບໍລິຫານຈັດການ ແລະ ບໍ່ມີສິດອຳນາດໃດໆ ໃນການຕັດສິນບັນຫາຕ່າງໆຂອງໂຄງການ, ໃນກໍລະນີຂະແໜງການກ່ຽວຂ້ອງ ມີຈຸດປະສົງພົວພັນ ໃຫ້ປະສານໄປຍັງ ຄະນະຜູ້ບໍລິຫານຂອງກຸ່ມບໍລິສັດ ເອັກສ໌ຄາລີເບີ ຈຳກັດ ໄດ້ໂດຍກົງ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...