ໃນງານ MWC ປີ 2016 ນີ້ຕ່າງກໍມີສະມາດໂຟນຈາກຫຼາຍໆບໍລິສັດທີ່ເປີດໂຕໄປບໍ່ວ່າຈະເປັນ LG, HP, Alcatel, Lenovo. ຫຼ້າສຸດນີ້ເອງບໍລິສັດ ZTE ກໍອອກມາເປີດໂຕສະມາດໂຟນໃໝ່ນັ້ນກໍຄື Blade V7 ແລະ Blade V7 Lite
ອັບເດດ ທັງສອງລຸ້ນນັ້ນຮອງຮັບການຄວບຄຸມດ້ວຍທ່າທາງ ແລະມາພ້ອມກັບ Android 6.0 Marshmallow
ZTE Blade V7
ZTE Blade V7 ມີໜ້າຈໍຂະໜາດ 5.2 ນິ້ວ ຄວາມລະອຽດ 1080p (FHD) ເຊິ່ງເປັນຈໍແບບ 2.5D. ໃຊ້ງານຊິບປະມວນຜົນ MediaTek MT 6753 octa-core (ຄວາມໄວທີ່ 1.5GHz Cortex-A53) ແລະ ໃຊ້ຊິບປະມວນຜົນກຣາບຟິກ Mali-T720. RAM 2GB, ພື້ນທີ່ຈັດເກັບ 16GB. ກ້ອງຫຼັງຄວາມລະອຽດ 13 ລ້ານພິກເຊວ ພ້ອມກັບແຟລັດຄູ່ LED ແລະກ້ອງໜ້າຄວາມລະອຽດ 5 ລ້ານພິກເຊວ (ສາມາດໃຊ້ໜ້າຈໍເປັນແຟລັດ). ຮອງຮັບສັນຍານ LTE, ແບັດເຕີຣີ 2,500 mAh. ໂຕເຄື່ອງແມ່ນເຮັດດ້ວຍໂລຫະ ແລະມີຄວາມໜາພຽງແຕ່ 3.5 ມມ
Blade V7 ຈະວາງຂາຍທີ່ປະເທດເຢຍລະມັັນ, ສະເປນ, ແອັບຟຣິກາໃຕ້, ເອທີໂອເປຍ ແລະ ແມັກຊີໂກ ໃນຊ່ວງກາງປີ 2016 ນີ້. ສຳລັບລາຄາຍັງບໍ່ມີປະກາດອອກມາຢ່າງເປັນທາງການໃດໆ
ZTE Blade V7 Lite
ZTE Blade V7 Lite ມີໜ້າຈໍຂະໜາດ 5 ນິ້ວ ຄວາມລະອຽດ 720p (HD) ເຊິ່ງເປັນຈໍແບບ 2.5D,. ໃຊ້ງານຊິບປະມວນຜົນຄອດຄໍ MediaTek MT6735P (ຄວາມໄວທີ່ 1.3GHz Cortex-A53) ແລະໃຊ້ງານຊິບປະມວນຜົນກຣາບຟິກ Mali-T720 GPU, RAM 2GB, ພື້ນທີ່ຈັດເກັບ 16GB. ກ້ອງຫຼັງຄວາມລະອຽດ 8 ລ້ານພິກເຊວ, ພ້ອມກັບແຟລັດ LED ແລະ ລະບົບໂຟກັດອັດຕະໂນມັດ. ສ່ວນກ້ອງໜ້າ 8 ລ້ານພິກເຊວ ພ້ອມກັບແຟລັດ LED ແລະ ໂຟກັດຄົງທີ່, ຮອງຮັບສັນຍານ LTE, ແບັດເຕີຣີໃຫ້ມາ 2,500 mAh, ແລະມີລະບົບສະແກນລາຍນິ້ວມືທີ່ດ້ານຫຼັງ. ສຳລັບໂຕເຄື່ອງແມ່ນເຮັດດ້ວຍອະລູມິນ້ຽມໝົດໂຕ
Blade V7 Lite ມີແຜນທີ່ຈະເປີດໂຕໃນຊ່ວງລະດູໃບໄມ້ປົ່ງທີ່ປະເທດຣັດເຊຍ, ແມັກຊີໂກ, ສະເປນ, ເຢຍລະມັັນ ແລະປະເທດໄທ. ສ່ວນລາຄານັ້ນແມ່ນຈະປະກາດອອກມາພາຍຫຼັງ
ທີ່ມາ:gsmarena