Homeຂ່າວຕ່າງປະເທດຖ່າຍຮູບເງົາ King Kong 2 “ແຊມມິວ ແຈັດສັນ” ນໍາທີມຮໍລີວູມຸດນໍ້າທີ່ຖໍ້າມໍລະດົກໂລກຫວຽດນາມ

ຖ່າຍຮູບເງົາ King Kong 2 “ແຊມມິວ ແຈັດສັນ” ນໍາທີມຮໍລີວູມຸດນໍ້າທີ່ຖໍ້າມໍລະດົກໂລກຫວຽດນາມ

Published on

ອາທິດນີ້ນັກສະແດງຊັ້ນນໍາຂອງຮໍລິວູດກໍາລັງຕະເວນຢູ່ໃນຫວຽດນາມ ພ້ອມກອງຖ່າຍທີ່ກໍາລັງຖ່າຍທໍາພາບເລື່ອງ “ຄິງຄອງ” ຕອນທີ 2 ຊຶ່ງເລືອກໃຊ້ສະຖານທີ່ສໍາຄັນຫຼາຍແຫ່ງທີ່ມີທັດສະນີຍະພາບທີ່ສວຍງາມ ລວມທັງແຫຼ່ງມໍລະດົກໂລກ ເພື່ອໃຊ້ເປັນ “ເຮືອນ” ຂອງກຣໍລີລາຍັກ.

ນັກສະແດງທີ່ມີຊື່ສຽງຮູ້ຈັກກັນໄປທົ່ວໂລກຫຼາຍຄົນ ກໍາລັງເຮັດວຽກກັນຢ່າງໜັກໃນຫວຽດນາມ ລວມທັງແຊມມິວ ແຈັດສັນ (Samuel Jackson) ບຣີ ລາຣສັນ (Brei Larson) ຈອນ ກູດແມນ (John Goodman) ໂທບີ ເຄເບລ  (Toby Kebell) ແລະມາດ ເອແວນ ແຈັດສັນ  (Marc Even Jackson) ເພື່ອເຮັດໃຫ້ຄິງຄອງໃນຕອນ Skull Island ​ເຄື່ອນ​ໄຫວຄືມີຊີວິດແທ້ຈິງ.

ຕາມລາຍງານຂອງສື່ທາງການ ທີມງານຈາກຮໍລິວູດໄດ້ຖ່າຍທໍາໃນຫຼາຍສະຖານ​ທີ່ ໂດຍເປີດສາກທີ່ຖໍ້າເຊິນດູ່ງ ໃນເຂດປ່າສະຫງວນຟົງຢາ-ແກ໋ບ່າງ ທີ່ຂຶ້ນທະບຽນເປັນມໍລະດົກໂລກໃນແຂວງກວ໋າງບິ່ງ ທາງພາກກາງຕອນເທິງຂອງປະເທດຫວຽດນາມ ກ່ອນເຄື່ອນຍ້າຍຂຶ້ນໄປຫາອ່າວຮາລອງ ຊຶ່ງເປັນອ່າວມໍລະດົກໂລກໃນ ແຂວງກວ໋າງນິງ ທາງພາກຕາເວັນອອກສຽງເໜືອ ແລະກັບລົງໄປຫາ ແຂວງນິງບິ່ງ ທາງຕອນໃຕ້ນະຄອນຮ່າໂນ້ຍ ໃນລະດູທີ່ມີນໍ້າສາຍຍາວໄຫຼ ຈາກ​ເຈີ້ຍພູສະຫລັບຊັບຊ້ອນ ແລະສວຍງາມ ທີ່ຮຽກກັນວ່າ “ຮາລອງ​ເບ”.

king kong (1)

     ນັກສະແດງທີ່ຮ່ວມທີມເຂົ້າຫວຽດນາມຄັ້ງນີ້ ລ້ວນມີ​ຊື່​ສຽງ​​ໂດ່​ງດັງໃນວົງການ ແຊມມິວ ແຈັດສັນ ກັບ ຈອນ ກູດແມນ ໄດ້ຫັນຕົວເອງສູ່ການກໍາກັບຮູບເງົາດ້ວຍ ຫຼາຍຄົນເປັນນັກສະແດງດາວຮຸ່ງ ສໍາລັບແຈັດສັນ ສະແດງຮູບເງົາມາຫຼາຍກວ່າ 100 ຮູບເງົາ ກິນ​ເນສບຸ໊ກອອຟເຣດຄອດ ບັນທຶກເອົາໄວ້ປີ 2012 ວ່າ ຮູບເງົາທີ່ດາລາອາວຸໂສນໍາສະແດງມີລາຍໄດ້ລວມກັນໄດ້ຫຼາຍກວ່າ 7.400 ລ້ານໂດລາ.

ບຣີ ລາຣສັນ ອາຍຸ 26 ປີ ເປັນໜຶ່ງໃນບັນດາຕົວເກັ່ງນັກສະແດງນໍາຝ່າຍຍິງສຸດຍອດ ລາງວັນອອສກາປະຈໍາປີ 2015 ທີ່ຈະປະກາດຜົນປາຍເດືອນນີ້ ລາວເປັນສາວງາມຄົນໃໝ່ຂອງຄິງຄອງ ສໍານັກຂ່າວຫວຽດນາມເອັກຊເພຣສລາຍງານໃນເວັບໄຊ.

king kong (3)

     ຍັງບໍ່ທັນຮູ້ລາຍລະອຽດທັງໝົດຂອງຄິງຄອງຕອນໃໝ່ໃນຂະນະນີ້ ແຕ່ທອມ ຮິດເດິນຕັນ (Tom Hiddleston) ຜູ້ສະແດງນໍາຝ່າຍຊາຍຄົນໃໝ່ ໃຫ້ສໍາພາດປາຍປີທີ່ແລ້ວວ່າ ຮູບເງົາບໍ່ໄດ້ປູພື້ນ ຍ້ອນຍຸກໃນຊ່ວງປີ ຄສ 1930 ເຊັ່ນຕອນທໍາອິດອີກຕໍ່ໄປ.

ຕາມລາຍງານຂອງກະຊວງວັດທະນະທໍາ ກີລາ ແລະທ່ອງທ່ຽວຫວຽດນາມ ທີມພຣີໂປຣດັກ​ເຊິນຈາກຮໍລິວູດເດີນທາງເຂົ້າສໍາລວດ ແລະເກັບຂໍ້ມູນຈາກແຫຼ່ງຖ່າຍທໍາຕ່າງໆໃນຫວຽດນາມຕັ້ງແຕ່ເດືອນມັງກອນ.

ຮູບເງົາເລື່ອງນີ້ ເລີ່ມຖ່າຍທໍາໃນລັດຮາວາຍຕັ້ງແຕ່ເດືອນຕຸລາປີກາຍນີ້ແລ້ວ ກ່ອນເຄື່ອນຍ້າຍໄປຫາເມືອງດີທລອຍ ລັດມິຊິແກນ ແລະຖ່າຍທໍາຕໍ່ອີກຫຼາຍສາກໃນລັດຄວີນສແລນ ອົດ​ສະຕຣາລີ ໂດຍຫວຽດນາມເປັນປະເທດທີສາມ.

king kong (4)

     ຫວຽດນາມເອັກສເພຣສກ່າວວ່າ ການຖ່າຍທໍາຮູບເງົາເລື່ອງ ຄິງຄອງພາກສອງໃນປະເທດ ເປັນໂອກາດອັນດີທີ່ຈະໄດ້ເຜີຍແຜ່ສິ່ງດີໆອອກສູ່ສາຍຕາຄົນທົ່ວໂລກ ສ້າງຊື່່ສຽງແກ່ປະເທດ ແລະປະຊາຊົນຫວຽດນາມ ຄາດວ່າຮູບເງົາຕອນໃໝ່ຈະເຂົ້າສາຍໃນເດືອນມີນາປີໜ້າ.

ກຣໍລີລາຍັກ ຜ່ານສາຍຕາຂອງຄົນທັງໂລກມາຕະຫຼອດ ວ່າກັນວ່າໃນພາກສອງນັ້ນ ບໍລິສັດຂອງຄິງຄອງກໍາລັງຈະປ່ຽນພາບລັກສະນະໄປ ແຕ່ຮູບລັກສະນະຍັງຄົງຄືເກົ່າ.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...