spot_img
Homeຂ່າວຕ່າງປະເທດຂຶ້ນຊື່ວ່າເສລີ! ມະຫາວິທະຍາໄລເທັກຊັສຯ ອາເມຣິກາ ອະນຸຍາດໃຫ້ນັກສຶກສາ ພົກພາປືນເຂົ້າຫ້ອງຮຽນໄດ້!

ຂຶ້ນຊື່ວ່າເສລີ! ມະຫາວິທະຍາໄລເທັກຊັສຯ ອາເມຣິກາ ອະນຸຍາດໃຫ້ນັກສຶກສາ ພົກພາປືນເຂົ້າຫ້ອງຮຽນໄດ້!

Published on

ສຳນັກຂ່າວຕ່າງປະເທດ ລາຍງານໃນວັນທີ 18 ກຸມພານີ້ວ່າ ໃນມື້ວານນີ້ (17 ກຸມພາ) ຄະນະບໍລິຫານງານ ມະຫາວິທະຍາໄລເທັກຊັສ ປະຈຳເມືອງອອສຕິນ (University of Texas at Austin) ລັດເທັກຊັສ ສະຫະລັດອາເມຣິກາ ໄດ້ມີມະຕິເຫັນດີ ອະນຸຍາດໃຫ້ນັກສຶກສາ ສາມາດພົກພາປືນເຂົ້າຫ້ອງຮຽນໄດ້ ຫລັງຈາກທີ່ລັດເທັກຊັສ ໄດ້ອອກກົດໝາຍ ຫ້າມບໍ່ໃຫ້ມະຫາວິທະຍາໄລ ອອກຄຳສັ່ງຫ້າມພົກພາປືນ ເມື່ອບໍ່ເທົ່າໃດເດືອນຜ່ານມາ.

ຫລັງຈາກການຕິດສັນໃຈດັ່ງກ່າວ ໄດ້ເຮັດໃຫ້ຄູອາຈານບາງຄົນ ໄດ້ຂູ່ຈະລາອອກຈາກການສອນ ດີກວ່າປ່ອຍໃຫ້ນັກສຶກສາ ພົກພາອາວຸດປືນເຂົ້າມາໃນຫ້ອງຮຽນ ໂດຍລະບຸວ່າ ອາວຸດຮ້າຍແຮງບໍ່ເປັນຜົນດີ ຕໍ່ບັນຍາກາດການຮຽນ-ການສອນ.

ທ່ານ ເກຣເກີຣີ ເຟນເວສ ອະທິການບໍດີ ມະຫາວິທະຍາໄລແຫ່ງດັ່ງກ່າວ ໄດ້ອອກຄຳຖະແຫລງວ່າ ” ຂ້າພະເຈົ້າບໍ່ຄິດວ່າ ການເອົາປືນເຂົ້າມາໃນມະຫາວິທະຍາໄລ ເປັນເລື່ອງທີ່ຖືກຕ້ອງ ໂດຍການຕັດສິນໃຈຄັ້ງນີ້ ຖືເປັນເລື່ອງທີ່ລຳບາກໃຈທີ່ສຸດຂອງຂ້າພະເຈົ້າ ນັບຕັ້ງແຕ່ດຳລົງຕຳແໜ່ງອະທິການບໍດີມາ … ຂ້າພະເຈົ້າເຫັນໃຈອາຈານ, ພະນັກງານ, ນັກສຶກສາ ແລະ ພໍ່ແມ່ຜູ້ປົກຄອງ ຊຶ່ງໄດ້ຍື່ນຄຳຮ້ອງ ສົ່ງອີເມວ ແລະ ຮວມຕົວກັນມາຮຽກຮ້ອງ ໃຫ້ຫ້າມພົກພາປືນເຂົ້າມາໃນສະຖານສຶກສາ ໂດຍສະເພາະໃນຫ້ອງຮຽນ. ”

ທັງນີ້ ໃນປີ 1966 ທີ່ມະຫາວິທະຍາໄລແຫ່ງດັ່ງກ່າວນີ້ ໄດ້ເກີດເຫດນັກສຶກສາຄົນໜຶ່ງ ກໍ່ເຫດໃຊ້ປືນກວາດຍິງ ພາຍໃນມະຫາວິທະຍາໄລ ສົ່ງຜົນເຮັດໃຫ້ມີຜູ້ເສຍຊີວິດທັງໝົດ 16 ຄົນ ແລະ ບາດເຈັບອີກ 30 ຄົນ.  ແນວໃດກໍຕາມ ມະຫາວິທະຍາໄລເທັກຊັສ ປະຈຳເມືອງອອສຕິນ ຈຳເປັນຕ້ອງໄດ້ອະນຸຍາດໃຫ້ພົກພາປືນ ເຂົ້າມາໃນຫ້ອງຮຽນໄດ້ ຫລັງຈາກທີ່ຝ່າຍນິຕິບັນຍັດຂອງລັດເທັກຊັສ ຊຶ່ງຖືກຂະໜານນາມວ່າ ລັດຄາວບອຍ ໄດ້ອອກກົດໝາຍເມື່ອເດືອນສິງຫາ 2015 ຜ່ານມາ ດ້ວຍການຫ້າມບໍ່ໃຫ້ມະຫາວິທະຍາໄລຂອງລັດ ເກືອດຫ້າມການພົກພາອາວຸດປືນ.

 

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...