spot_img
Homeຂ່າວພາຍ​ໃນອຸຕຸເຕືອນອີກແລ້ວ! ອາກາດຈະເຢັນລົງ 4-6 ອົງສາ ພ້ອມລົມພັດແຮງ ແລະຝົນຕົກທົ່ວປະເທດ

ອຸຕຸເຕືອນອີກແລ້ວ! ອາກາດຈະເຢັນລົງ 4-6 ອົງສາ ພ້ອມລົມພັດແຮງ ແລະຝົນຕົກທົ່ວປະເທດ

Published on

ກົມອຸຕຸນິຍົມແລະອຸທົກກະສາດ ກະຊວງຊັບພະຍາກອນແລະສິ່ງແວດລ້ອມ ໄດ້ອອກແຈ້ງການສະບັບເລກທີ 0095/ກຊສ.ກອຕທ.16 ເລື່ອງ ແຈ້ງເຕືອນໄພອາກາດໜາວ.

ເນື້ອໃນແຈ້ງການລະບຸວ່າ ມວນອາກາດທີ່ໜາວເຢັນຈາກປະເທດຈີນ ໄດ້ເພິ່ມກຳລັງແຮງຂຶ້ນຕື່ມອີກເທື່ອໃໝ່ ແພ່ລົງມາປົກຄຸມທົ່ວທຸກພາກຂອງປະເທດລາວ ແລະສົມທົບກັບລົມມໍລະສຸມອາເວັນອອກສ່ຽງເໜືອ ພັດປົກຄຸມດ້ວຍກຳລັງແຮງປານກາງ ຫາແຮງ ໃນໄລຍະວັນທີ 7-8 ກຸມພາ 2016 ເຊິ່ງຈະເຮັດໃຫ້ອາກາດໜາວເຢັນລົງຕື່ມອີກ 4-6 ອົງສາ ໃນແຕ່ລະພາກ ພ້ອມທັງມີຝົນຕົກໃນລະດັບຄ່ອຍ ໂດຍສະເພາະເຂດພູສູງ, ພູດອຍ, ບັນດາແຂວງພາກເໜືອ ໄຊສົມບູນ, ເມືອງດາກຈຶງ ແລະພູພຽງບໍລະເວນປາກຊ່ອງອາກາດຈະໜາວເຢັນຫຼາຍ, ສະເພາະເຂດພາກກາງ ຫາພາກໃຕ້ຈະມີລົມພັດແຮງຕາມທ້ອງຖິ່ນ.

ຈຶ່ງແຈ້ງເຕືອນມາຍັງອຳນາດການປົກຄອງ ແລະພໍ່ແມ່ປະຊາຊົນທົ່ວທຸກພາກຂອງປະເທດ ຈົ່ງມີສະຕິລະວັດລະວັງ ແລະໃຫ້ຄວາມອົບອຸ່ນແກ່ຮ່າງກາຍຢ່າງພຽງພໍແລະຖືກວິທີ ໂດຍສະເພາະແມ່ນເດັກນ້ອຍແລະຜູ້ເຖົ້າຈະມີໂອກາດເຈັບປ່ວຍໄດ້ງ່າຍ. ພ້ອມທັງໃຫ້ລະມັດລະວັງອັນຕະລາຍທີ່ຈະເກີດຈາກລົມພັດແຮງເຊັ່ນ ຕົ້ນໄມ້, ອາຄານ ແລະສິ່ງປຸກສ້າງທີ່ບໍ່ແໜ້ນໜາ ອາດຈະຫັກ-ເພພັງໄດ້.

warning

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...