spot_img
Homeຂ່າວຕ່າງປະເທດຕະລຶງ! ແພດຈີນພົບພະຍາດໂຕແປ ຍາວ 6.8 ແມັດ ໃນທ້ອງຄົນເຈັບ ອຸທາຫອນສຳລັບນັກກິນຊີ້ນດິບ!

ຕະລຶງ! ແພດຈີນພົບພະຍາດໂຕແປ ຍາວ 6.8 ແມັດ ໃນທ້ອງຄົນເຈັບ ອຸທາຫອນສຳລັບນັກກິນຊີ້ນດິບ!

Published on

ສຳນັກຂ່າວຕ່າງປະເທດ ລາຍງານໃນວັນທີ 26 ມັງກອນຜ່ານມານີ້ວ່າ ໜຸ່ມຊາວຈີນ ອາຍຸ 38 ປີ ຊຶ່ງມັກການກິນຊີ້ນງົວ ແບບສົດໆດິບໆມາດົນນານ ໄດ້ຕັດສິນໃຈເຂົ້າພົບແພດທີ່ໂຮງໝໍ ຫລັງຈາກທີ່ນ້ຳໜັກຫລຸດລົງຜິດປົກກະຕິ, ມີອາການເຈັບທ້ອງຊຳເຮື້ອ ແລະ ມັກປວດຮາກຕະຫລອດ ໃນໄລຍະ 2 ປີຜ່ານມາ ຈົນຕົກສະເງີ້ ເມື່ອແພດພົບແມ່ພະຍາດໂຕແປ ຍາວ 6.2 ແມັດ ຢູ່ໃນທ້ອງຂອງຕົນ.

ຫລັງຈາກເຂົ້າພົບແພດທີ່ໂຮງໝໍ ດຣ. ຈ້ຽນ ຫລີ່ ແພດປະຈຳມະຫາວິທະຍາໄລແພດສາດ ແຂວງຫູເປີ່ຍ ໄດ້ກວດພົບເຫັນໄຂ່ຂອງພະຍາດດັ່ງກ່າວ ໃນອາຈົມຂອງຜູ້ກ່ຽວ ຈຶ່ງໄດ້ສັ່ງຢາຖ່າຍພະຍາດໃຫ້ຜູ້ກ່ຽວກິນ ແລະ ຜົນປະກົດວ່າ ພົບພະຍາດຍາວ 6.2 ແມັດ ອອກມາຈາກຮ່າງກາຍຂອງຄົນເຈັບ ຊຶ່ງເປັນພະຍາດໂຕແປ Taenia saginata ທີ່ເກີດມາຈາກ ພຶດຕິກຳການກິນ ຊີ້ນງົວແບບດິບໆສົດໆຂອງຜູ້ກ່ຽວເອງ.

ດຣ. ຈ້ຽນ ໄດ້ອະທິບາຍວ່າ ພະຍາດໂຕແປ ມັກເກາະຕິດຢູ່ຕາມລຳໄສ້ຂອງຄົນ ແລະ ສາມາດຈະເລີນເຕີບໂຕ ຈົນມີຂະໜາດຍາວຫລາຍແມັດ ໂດຍພາຍຫລັງໄດ້ປິ່ນປົວຄົນເຈັບລາຍດັ່ງກ່າວນີ້ ເປັນເວລາສາມເດືອນ ຜູ້ກ່ຽວກໍບໍ່ສະແດງອາການໃດໆອີກ ແລະ ສາມາດກິນອາຫານໄດ້ຕາມປົກກະຕິ ລວມເຖິງກັບຄືນມີນ້ຳໜັກແບບສົມບູນອີກດ້ວຍ.

ພ້ອມນັ້ນ, ດຣ. ຈ້ຽນ ຍັງໄດ້ຝາກຄຳເຕືອນ ເຖິງກຸ່ມຜູ້ມັກກິນຊີ້ນສົດ ໃຫ້ລະມັດລະວັງບໍ່ກິນຊີ້ນໝູ ຫລື ຊີ້ນງົວ ທີ່ບໍ່ໄດ້ຜ່ານການປຸງແຕ່ງຈົນສຸກ ແລະ ຫລີກລ່ຽງຊີ້ນສັດ ທີ່ມີລັກສະນະຄ້າຍຄືເມັດສາຄູ ຕິດຢູ່ຕາມຊີ້ນ ຊຶ່ງເອີ້ນວ່າ ໝູສາຄູ (cysticercus) ອັນເປັນແຫລ່ງເພາະພັນ ຂອງເຊື້ອພະຍາດຕ່າງໆ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...