spot_img
Homeຂ່າວພາຍ​ໃນກະຊວງສາທາຯເຕືອນ ເອົາໃຈໃສ່ຮັກສາສຸຂະພາບ ໃນສະພາບອາກາດໜາວແຮງ ໂດຍສະເພາະເດັກນ້ອຍ ແລະ ຜູ້ເຖົ້າ!

ກະຊວງສາທາຯເຕືອນ ເອົາໃຈໃສ່ຮັກສາສຸຂະພາບ ໃນສະພາບອາກາດໜາວແຮງ ໂດຍສະເພາະເດັກນ້ອຍ ແລະ ຜູ້ເຖົ້າ!

Published on

ວັນທີ 25 ມັງກອນນີ້, ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ອອກມາເຕືອນໃຫ້ປະຊາຊົນ ໃນຂອບເຂດທົ່ວປະເທດ, ໂດຍສະເພາະແມ່ນປະຊາຊົນເຂດພາກເໜືອ, ຊຶ່ງເປັນເຂດທີ່ມີສະພາບອາກາດໜາວແຮງ ຈົ່ງເພີ່ມທະວີເອົາໃຈໃສ່ ຮັກສາສຸຂະພາບຂອງຕົນໃຫ້ດີ ເປັນຕົ້ນແມ່ນເດັກນ້ອຍ ແລະ ຜູ້ເຖົ້າ, ເນື່ອງຈາກສະພາບອາກາດ ໜາວເຢັນແຮງ ຊຶ່ງອາດຈະສົ່ງຜົນກະທົບຕໍ່ສຸຂະພາບ ແລະ ເປັນສາເຫດ ເຮັດໃຫ້ເກີດພະຍາດຕ່າງໆຕາມມາເຊັ່ນ: ພະຍາດໄຂ້ຫວັດ, ລະບົບທາງເດີນຫາຍໃຈ, ອັກສອບປອດຮຸນແຮງ, ພະຍາດຜິວໜັງ ແລະ ພະຍາດທີ່ມານຳພາຫະນຳເຊື້ອອື່ນໆ, ດັ່ງນັ້ນ ທຸກຄົນຈົ່ງເພີ່ມຄວາມເອົາໃຈໃສ່ ໃນການຮັກສາສຸຂະພາບ, ດ້ວຍການປະຕິບັດຕາມຫຼັກການອະນາໄມ 3 ສະອາດຄື: ກິນ, ດື່ມໃຫ້ສະອາດ; ນຸ່ງຫົ່ມໃຫ້ອົບອຸ່ນຢູ່ສະເໝີ ແລະ ບໍ່ຄວນຢູ່ບ່ອນທີ່ມີລົມພັດ ແລະ ໜາວແຮງ, ພ້ອມນັ້ນ ກໍຕ້ອງໝັ່ນທຳຄວາມສະອາດຮ່າງກາຍ ແລະ ເຮືອນຊານເປັນປະຈຳ, ອອກກຳລັງກາຍ ເພື່ອສ້າງພູມຄຸ້ມກັນຂອງຮ່າງກາຍ, ລ້າງມືທຸກຄັ້ງກ່ອນ ແລະ ຫຼັງກິນອາຫານ, ປະຕິບັດມາລະ ຍາດການໄອຈາມ ຕ້ອງອັດປາກ, ຖ້າຫາກເຂດແຂວງໃດ ເກີດມີການລະບາດຂອງພະຍາດໃດໜຶ່ງ ໃຫ້ຮີບຮ້ອນໄປຫາແພດໝໍ ເພື່ອມີວິທີຮັກສາໄດ້ທັນເວລາ, ສິ່ງສຳຄັນແມ່ນໃຫ້ເປັນເຈົ້າການ ເບິ່ງແຍງຜູ້ເຖົ້າ ແລະ ລູກຫຼານຂອງຕົນໃຫ້ດີ ເພາະອາກາດໜາວເຢັນຮຸນແຮງ ແມ່ນຈະສົ່ງຜົນກະທົບຕໍ່ສຸຂະພາບຂອງເຂົາເຈົ້າໄດ້ງ່າຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...