spot_img
Homeຂ່າວການພັດທະນາໂຮງໝໍມິດຕະພາບ ຍົກລະດັບໃນການຊ່ອຍເຫຼືອຄົນເຈັບຂັ້ນຕົ້ນ ໃຫ້ໜ່ວຍງານອາສາສະໝັກກູ້ຊີບ ກູ້ໄພລາວ

ໂຮງໝໍມິດຕະພາບ ຍົກລະດັບໃນການຊ່ອຍເຫຼືອຄົນເຈັບຂັ້ນຕົ້ນ ໃຫ້ໜ່ວຍງານອາສາສະໝັກກູ້ຊີບ ກູ້ໄພລາວ

Published on

ເພື່ອຫຼຸດຜ່ອນອັດຕາການເສຍຊີວິດ ແລະ ບາດເຈັບ ຂອງຜູ້ປະສົບອຸປະຕິເຫດທາງຖະໜົນ ແລະ ອື່ນໆ ດັ່ງນັ້ນ ໂຮງໝໍມິດຕະພາບ ຈິ່ງໄດ້ຈັດຊຸດເຝິກອົບຮົມຂຶ້ນພາຍໃຕ້ຫົວຂໍ້ ການຊ່ອຍເຫຼືອຄົນເຈັບຂັ້ນຕົ້ນ (FIRST RESPONDER) ເປັນເວລາ 2 ວັນ ໃຫ້ແກ່ພະນັກງານອາສາສະໝັກ ກູ້ຊີບ-ກູ້ໄພຂອງໜ່ວຍກູ້ໄພນະຄອນຫຼວງວຽງຈັນ ແລະ ໜ່ວຍກູ້ໄພມູນນິທິຈີນ ຮວມມີິສໍາມະນາກອນເຂົ້າຮ່ວມ 45 ຄົນ ໂດຍຄູເຝິກຈາກໂຮງໝໍມິດຕະພາບ ເຊິ່ງພິທີດັ່ງກ່າວ ໄດ້ຈັດຂຶ້ນໃນວັນທີ 16 ມັງກອນ 2016 ທີ່ໂຮງໝໍມິດຕະພາບ ນະຄອນຫຼວງວຽງຈັນ ພາຍໃຕ້ການເປັນປະທານໃນພິທີໄຂ ແລະ ອັດຊຸດເຝິກອົບຮົມຂອງທ່ານ ດຣ.ສະໜອງ ທອງຊະນະ ຮັກສາການຜູ້ອໍານວຍການໂຮງໝໍມິດຕະພາບ ມີທ່ານ ວິລະກອນ ມະຫາວົງ ຫົວໜ້າຂະແໜງບໍລິຫານລັດນະຄອນຫຼວງວຽງຈັນ ບັນດາຄະນາຈານ ແລະ ຄູເຝິກຈາກໂຮງໝໍມິດຕະພາບ ປະທານໜ່ວຍກູ້ໄພນະຄອນຫຼວງວຽງຈັນ ພ້ອມທີມງານ ແລະ ຄະນະຮັບຜິດຊອບມູນນິທິຈີນພ້ອມດ້ວຍທີມງານເຂົ້າຮ່ວມ.

…….ທ່ານ ດຣ.ສະໜອງ ທອງຊະນະ ໄດ້ກ່າວວ່າ ການເຝິກອົບຮົມຄັ້ງນີ້ ໄດ້ຈັດຂຶ້ນເພື່ອພັດທະນາດ້ານບຸກຄະລາກອນ ເພື່ອຊ່ອຍເຫຼືອຄົນເຈັບໃນຂັ້ນຕົ້ນ (FR) ປະກອບໃນທີມແພດສຸກເສີນ EMS ຊ່ອຍເຫຼືອຄົນເຈັບໃຫ້ຖືກຕາມຫຼັກການທາງການແພດສຸກເສີນ ຫຼຸດຜ່ອນອັດຕາການເສຍຊີວິດ ແລະ ບາດເຈັບ ໂດຍຊຸດເຝິກອົບຮົມດັ່ງກ່າວ ປະກອບມີສອງພາກຄື ພາກທິດສະດີ ແລະ ພາກປະຕິບັດ ເຊັ່ນ ການປະເມີນຄົນເຈັບ ການຄັດແຍກປະເພດຄົນເຈັບ ການປິ່ນປົວ ຟື້ນຟູຊີບ ຫົວໃຈ ແລະ ຫາຍໃຈ CPR ສຸກເສີນຫາຍໃຈ ແລະ ການຊ່ອຍຫາຍໃຈ ການຊ່ອຍເຫຼືອຄົນເຈັບບາດເຈັບຫົວໃຈ ແລະ ກະດູກສັນຫຼັງ ບາດເຈັບກ້າມຊີ້ນ ແລະ ກະດູກ ການກູ້ໄພທາງນໍ້າ ການຊ່ອຍເຫຼືອຄົນເຈັບທີ່ຊ໋ອກ ຄົນເຈັບບາດເຈັບພາກສ່ວນອ່ອນ ຮ່າງກາຍມະນຸດ ແລະ ການເຄື່ອນຍ້ານຄົນເຈັບ.

…….ຊຸດອົບຮົມດັ່ງກ່າວ ໄດ້ຈັດຂຶ້ນເປັນເວລາ 2 ວັນເຕັມ ຈິ່ງໄດ້ອັດລົງ.

ຂ່າວ/ພາບ: ເທບພະວົງ

ແຫ່ລງຂ່າວ

ວຈທດ

ບົດຄວາມຫຼ້າສຸດ

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...