spot_img
Homeຂ່າວການພັດທະນາເຂື່ອນໄຟຟ້ານໍ້າງື່ມ 1 ພາກຂະຫຍາຍ ມີຄວາມຄືບໜ້າເກືອບ 29% ຄາດສໍາເລັດທ້າຍປີ 2017

ເຂື່ອນໄຟຟ້ານໍ້າງື່ມ 1 ພາກຂະຫຍາຍ ມີຄວາມຄືບໜ້າເກືອບ 29% ຄາດສໍາເລັດທ້າຍປີ 2017

Published on

001

ຂປລ. ການຈັດ​ຕັ້ງ​ປະຕິບັດໂຄງການ ກໍ່ສ້າງເຂື່ອນໄຟຟ້ານໍ້າງື່ມ 1 ພາກຂະຫຍາຍມີ​ຄວາມ​ຄືບ​ໜ້າ​ເກືອບ 29% ແລະ ຄາດ​ວ່າ​ໂຄງ​ການ​ດັ່ງກ່າວ ​ຈະ​ສໍາ​ເລັດ​ສົມບູນ​ພາຍ ​ໃນ​ປີ 2017​.

ອາທິດ​ຜ່ານ​ມາ​ນີ້ ທ່ານ ວິຣະພົນ ວິຣະວົງສ໌ ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະ ໄດ້ລົງ​ເຄື່ອນ​ໄຫວຢ້ຽມຢາມ ​ແລະ ກວດກາວຽກກໍ່ສ້າງໂຄງການເຂື່ອນໄຟຟ້ານໍ້າງື່ມ 1 ພາກຂະຫຍາຍ ຢູ່ພາກສະໜາມ​ ໃນ​ເມືອງ​ແກ້ວ​ອຸດົມ ​ແຂວງ​ວຽງ​ຈັນ ​ເຊິ່ງຢ້ຽມຢາມ ໂຄງການ ໃນຄັ້ງນີ້ ເພືອຕິດຕາມກວດກາສະພາບຄວາມພ້ອມ ແລະ ຄວາມເປັນລະບຽບຮຽບຮ້ອຍ ຂອງການກໍ່ສ້າງເຂື່ອນນໍ້າງື່ມ 1 ພາກຂະຫຍາຍ ຂອງຜູ້ພັດທະນາໂຄງການ, ການກໍ່ສ້າງຮັບປະກັນ ມີມາດຕະຖານທາງດ້ານເຕັກນີກ.

ທ່ານ ດາວວຽງ ສຸນັນທະລາດ ຮອງຫົວໜ້າໂຄງການເຂື່ອນໄຟຟ້ານໍ້າງື່ມ 1 ພາກຂະຫຍາຍ ໄດ້ລາຍງານຕໍ່ລັດຖະມົນຕີຊ່ວຍວ່າການ ກະຊວງພະລັງງານ ແລະ ບໍ່ແຮ່ ​ວ່າ: ເຈົ້າຂອງໂຄງການດັ່ງກ່າວ ແມ່ນລັດວິສະຫະກິດໄຟຟ້າລາວ ເປັນຜູ້ພັດທະນາ ​ໂດຍຕາງໜ້າ ໃຫ້ລັດຖະບານລາວ ແລະ ຜູ້ຮັບເໝົາກໍ່ສ້າງ ແມ່ນບໍລິສັດ DONGFANGELECTRIC INTERNATIONAL CORPORATION, ມູນຄ່າການກໍ່ສ້າງໂຄງການ 122 ລ້ານກວ່າ​ໂດ​ລາ​ສະຫະລັດ.ການກໍ່ສ້າງໂຄງການດັ່ງກ່າວ ເລີ່ມແຕ່ວັນທີ່ 20 ທັນວາ 2014 ເປັນຕົ້ນມາ ​ເຊິ່ງຈະໃຊ້ເວລາໃນການກໍ່ສ້າງ ປະມານ 3 ປີ ຈະສໍາເລັດ ໃນວັນທີ່ 20 ທັນວາ 2017 ປະຈຸບັນຄວາມຄືບໜ້າ ຂອງວຽກກໍ່ສ້າງໂຄງການທັງໝົດ ແມ່ນປະຕິບັດໄດ້ 28.98 %.

ແນວ​ໃດ​ກໍ​ດີ ທ່ານ ຮອງ​ຫົວໜ້າ​ໂຄງການ​ດັ່ງກ່າວ​ຊີ້​ແຈງ​ວ່າ: ເພີ່ມ ​ແຫລ່ງຜະລິດພະລັງງານໄຟຟ້າ ຈາກເດີມມີ​ກໍາລັງ​ຕິດ​ຕັ້ງ 155 ​ເມກາ​ວັດ (MW) ຂຶ້ນເປັນ 235 ​ເມ​ກາວັດ (MW), ​ແຫ​ລ່ງພະລັງງານດັ່ງກ່າວ​ ຈະ​ນໍາໃຊ້​ພາຍ​ໃນ​ປະ​ເທດ ​​ແລະ ສົ່ງ​ຂາຍ​ອອກຕ່າງປະ​ເທດ ​​ເຊິ່ງຈະນໍາ​ເອົາຜົນ​ປະ​ໂຫຍ​ດ ບໍ່​ໜ້ອຍ​ເຂົ້າປະ​ເທດ​ຂອງ​ພວກ​ເຮົາ ​ໂດຍ​ສະ​ເພາະ​ ໄດ້ດຶງ​ດູດ​ເງິນຕາ​ຕ່າງປະ​ເທດ ​ເຂົ້າມາ​ພັດທະນາ​ເສດຖະກິດ​ພາຍ​ໃນ​ປະ​ເທດ ​ແລະ ​​​ເຮັດ​ໃຫ້ຫລຸດ​ພົ້ນ​ອອກ​ຈາກ​ ປະ​ເທດ​ດ້ອຍ​ການ​ພັດທະນາ​ເທື່ອ​ລະ​ກ້າວ ນອກຈາກ​ນີ້​ ຍັງ​ເປັນ​ການເສີມແຫລ່ງຜະ​ລິດພະລັງງານ​ໄຟຟ້າ ໃນ​​ໄລຍະ​ການ​ຊົມ​ໃຊ້​ໄຟຟ້າ ​ພາຍ​ໃນ​ປະ​ເທດສູງ​ສຸດ (Peak Load) ​ເພື່ອ​ຫລຸດຜ່ອນ ​ຈາກ​ການ​ນໍາ​ເຂົ້າ​ພະລັງງານ ຈາກ​ຕ່າງປະ​ເທດ;  ພວກ​ເຮົາ​ກໍ​ໄດ້​ສ້າງ​ຂົວ​ນໍ້າ​ງື່ມ​ແຫ່ງ​ໃໝ່ ​ເຊິ່ງຈະເພີ່ມ ​ຄວາມ​ສະດວກ​ສະບາຍ​​​ ໃຫ້​ແກ່ປະຊາຊົນ​ບັນດາ​ເຜົ່າສາມາດ​ນໍາ​ໃຊ້ ຂົວ​ຂ້າມ​​ແຫ່ງ​ດັ່າງກາວ​ ໄດ້​ຕະຫລອດ​ແລ້ງ ​ແລະ ຝົນ​ໄປ​ຄວບ​ຄູ່​ກັບ​ການ​ພັດທະນາ​ ເປັນ​ແຫລ່ງທ່ອງ​ທ່ຽວ​ແຫ່ງ​ໃໝ່, ການຂະຫຍາຍຕົວ​ເມືອງ​, ເປັນ​ເຂດ​ອະນຸລັກ​ພືດ​ພັນ​ປ່າ ​ແລະ ​ເປັນປ່າ​ສະຫງວນ​ຂອງ​ເມືອງ ແລະ ​​ແຂວງ​ໃນ​ອະນາຄົດ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...