ລັດຖະບານ ແຫ່ງ ສປປ ລາວ ເຫັນດີກູ້ເງິນຈຳນວນ 313.350.000 ບາດ (ສະກຸນ ເງິນໄທ) ຫຼື ປະມານ 800 ຕື້ ກວ່າກີບ ຈາກອົງການຮ່ວມມື ພັດທະນາເສດຖະກິດກັບປະ ເທດເພື່ອນບ້ານ (NEDA) ແຫ່ງ ລາຊະອານາຈັກໄທ ສຳ ລັບໂຄງການປັບປຸງລະບົບພື້ນ ຖານໂຄງຮ່າງພາຍໃນນະຄອນ ຫຼວງວຽງຈັນ ຊຶ່ງເປັນໂຄງການ ບຸລິມະສິດຂອງລັດຖະບານໃນ ການປັບປຸງບັນດາເສັ້ນທາງໃນ
ນະຄອນຫຼວງວຽງຈັນ, ເປັນຕົ້ນ ແມ່ນ: ຖະໜົນ T4 ແຕ່ 4ແຍກ ໄຟແດງທາດຫຼວງຫາສາມ ແຍກໄປແດງໂພນທັນ, ເສັ້ນ ທາງແຕ່ສາມແຍກໄຟແດງ ໂພນທັນຫາຮ້ານອາຫານມຸກ ມິວ, ເສັ້ນທາງແຕ່ສາມແຍກ ຖະໜົນ 23 ສິງຫາຫາ 3 ແຍກ ໄຟແດງດົງປ່າລານ ແລະ ເສັ້ນ ທາງແຕ່ວົງວຽນທາດຫຼວງຫາ ສົ້ນຂົວຫົວຂົວ ເພື່ອແກ້ໄຂບັນ ຫາການຈະລາຈອນແອອັດ ເພື່ອອຳນວຍຄວາມສະດວກ ໃຫ້ຄະນະຜູ້ແທນທີ່ຈະໃຊ້ ເດີນທາງມາຮ່ວມໃນກອງປະ ຊຸມສຸດຍອດອາຊຽນທີ່ ສປປ ລາວ ຈະເປັນເຈົ້າພາບ ໃນປີ 2016 ນີ້.
ພິທີເຊັນສັນຍາເງິນກູ້ດັ່ງ ກ່າວ ໄດ້ມີຂຶ້ນໃນວັນທີ 8 ທັນ ວານີ້ ທີ່ກະຊວງການເງິນຝ່າຍ ລາວຮ່ວມລົງນາມ ໂດຍທ່ານ ດຣ. ລຽນ ທີແກ້ວ ລັດຖະມົນ ຕີວ່າການກະຊວງການເງິນ ແລະ ທ່ານ ເນວິນ ສິນສີຣິ ປະ ທານອົງການ NEDA ໂດຍ ຊ້ອງໜ້າພະນັກງານທີ່ກ່ຽວ ຂ້ອງທັງສອງຝ່າຍ.

ແຫ່ລງຂ່າວ