spot_img
Homeຂ່າວເຫດການເຜີຍ​ແຜ່​ຜົນ​ສຳ​ເລັດ​ກອງ​ປະຊຸມ​ໃຫຍ່ຄັ້ງ​ທີ IV ຂອງອົງຄະນະ​ພັກ​ກະຊວງ ຖວທ

ເຜີຍ​ແຜ່​ຜົນ​ສຳ​ເລັດ​ກອງ​ປະຊຸມ​ໃຫຍ່ຄັ້ງ​ທີ IV ຂອງອົງຄະນະ​ພັກ​ກະຊວງ ຖວທ

Published on

borsengkham

ເມື່ອທ້າຍອາທິດຜ່ານມານີ້, ບັນດາ​ສະມາຊິກ​ພັກ, ພະນັກງານລັດຖະກອນອ້ອມຂ້າງກະ ຊວງ​ຖະ​ແຫ​ລ່ງຂ່າວ, ວັດທະນະທຳ ​ແລະ ທ່ອງ​ທ່ຽວ(ຖວທ),​ ໄດ້​ເຂົ້າ​ຮ່ວມ​ຮັບ​ຟັງ​ການ​ເຜີຍ​ແຜ່​ຜົນສຳ​ເລັດ​ກອງ​ປະຊຸມ​ໃຫຍ່ຄັ້ງ​ທີ IV ຂອງອົງຄະນະພັກກະຊວງ ຖວທ ທີ່ຫໍວັດທະນະທຳແຫ່ງຊາດ,ໂດຍການເຜີຍແຜ່ຂອງສະຫາຍ ສຈ ດຣ ບໍ່ແສງຄຳ ວົງດາລາ ກຳມະການສູນກາງພັກ,ເລຂາຄະນະພັກ, ລັດຖະມົນຕີວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ຊຶ່ງສະຫາຍ ສຈ ດຣ ບໍ່ແສງຄຳ ວົງດາລາ ໄດ້ຍົກໃຫ້ເຫັນວ່າ:ກອງປະຊຸມໃຫຍ່ຂອງອົງຄະນະພັກກະຊວງເຮົາກໍຄືຂອງອົງຄະນະພັກກະຊວງຕ່າງໆ,​ ໄດ້ເປັນຂີດໝາຍສຳຄັນໃຫ້ແກ່ການສະຫລຸບຕີລາຄາການຊີ້ນຳ-ນຳພາຂອງອົງຄະນະພັກຕໍ່ຂົງເຂດວຽກງານຂອງ​ຕົນຕະຫລອດໄລຍະ 5 ປີຜ່ານມາ, ພ້ອມກັນນັ້ນຍັງເປັນບັ້ນດຳເນີນຊີວິດການເມືອງໃຫຍ່ອັນໜຶ່ງສຳລັບທົ່ວ

ອົງຄະນະພັກກະຊວງ, ເປັນການສັງເກດຕີລາຄາຄືນຕໍ່ການຊີ້ນຳ-ນຳພາຂອງອົງຄະນະພັກກະຊວງກ່ຽວກັບຈຸດດີ, ຈຸດອ່ອນ ແລະ ຈຸດຄົງຄ້າງຕ່າງໆ, ພ້ອມທັງຖອດຖອນບົດຮຽນ ແລະ ວາງແຜນເພື່ອພ້ອມກັນສືບຕໍ່ຈັດຕັ້ງປະຕິບັດ ແລະ ສືບຕໍ່ພັດທະນາວຽກງານໃນຂະແໜງການຕົນໃຫ້ກ້າວຂຶ້ນສູ່ບາດກ້າວໃໝ່ໃຫ້ມີຜົນງານໃໝ່ໃຫຍ່ຫລວງກວ່າເກົ່າ, ສໍາລັບກອງ​ປະຊຸມ​ໃຫຍ່ຄັ້ງ​ທີ IV ຂອງອົງຄະນະພັກກະຊວງ ຖວທ ແມ່ນໄດ້ຈັດຂຶ້ນໃນວັນທີ 18 ທັນວາ 2015 ກອງປະຊຸມໄດ້ຮັບຟັງແລະ ຮັບຮອງເອົາບົດລາຍງານການເມືອງ, ແຜນພັດທະນາເສດຖະກິດ-ສັງຄົມ, ທິດທາງຄາດໝາຍສູ້ຊົນແຕ່ລະດ້ານກ່ຽວກັບວຽກງານກໍ່ສ້າງພັກ, ພະນັກງານ ແລະ ບົດສຳຫລວດການນຳພາລວມຂອງຄະນະພັກຊຸດເກົ່າ,ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕປ່ອນບັດເລືອກຕັ້ງເອົາຄະນະບໍລິຫານງານພັກຊຸດໃໝ່, ເຊິ່ງມີຜູ້ສະໝັກເລືອກຕັ້ງ 24 ສະຫາຍ ແລະ ເລືອກໄດ້ 21 ສະຫາຍ, ຈາກນັ້ນກອງປະຊຸມໄດ້ຮັບຟັງການໂອ້ລົມຈາກສະ ຫາຍ ດຣ ພັນຄຳ ວິພາວັນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະ ມົນຕີວ່າການກະຊວງສຶກສາທິການ ແລະ ກິລາ, ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນຳພາຂອງຄະນະພັກຊຸດເກົ່າທີ່ໄດ້ຊີ້ນຳ-ນຳພາສະມາຊິກພັກ-ພະນັກງານປະຕິບັດໜ້າທີ່ການ ເມືອງຂອງຕົນ, ທັງຍາດໄດ້ຜົນສຳເລັດຫລາຍດ້ານ,ພ້ອມກັນນັ້ນສະຫາຍຍັງໄດ້ສະແດງຄວາມເປັນຫ່ວງເປັນໄຍຕໍ່ດ້ານອ່ອນ, ຂໍ້ຄົງຄ້າງ, ເຊິ່ງໄດ້ຮຽກຮ້ອງໃຫ້ຄະນະພັກຊຸດໃໝ່ຕ້ອງສືບຕໍ່ເຊື່ອມຊຶມ ແລະ ກຳແໜ້ນພາລະບົດບາດ, ໜ້າທີ່ຂອງວຽກງານຖະແຫລງຂ່າວ, ວັດທະນະທຳແລະ ທ່ອງທ່ຽວທີ່ສອດຫ້ອຍເຂົ້າໃນທຸກວຽກງານ ແລະ ອື່ນໆ, ພ້ອມກັນນີ້, ກອງປະຊຸມຍັງໄດ້ຮຽກຮ້ອງມາຍັງສະມາ ຊິກພັກ, ພະນັກງານລັດຖະກອນໃນທົ່ວຂະແໜງຖວທຈົ່ງໄດ້ເຊີດຊູສະຕິ ແລະ ຄວາມຮັບຜິດຊອບການເມືອງຂອງຕົນໃຫ້ສູງຂຶ້ນເລື້ອຍໆ, ເຮັດໃຫ້ວຽກງານໃນຂະແໜງຖວທຫັນປ່ຽນໃໝ່ຢ່າງຕັ້ງໜ້າ ແລະ ມີຄວາມປອດໃສ, ໜັກແໜ້ນ ແລະ ເຂັ້ມແຂງ.

ແຫ່ລງຂ່າວ

ລພນ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...