Homeຂ່າວການພັດທະນາທາງແຕ່ 3 ແຍກດອນໜູນ-ຂົວທ່າງ່ອນຄືບໜ້າ 80%

ທາງແຕ່ 3 ແຍກດອນໜູນ-ຂົວທ່າງ່ອນຄືບໜ້າ 80%

Published on

9b5ae2ddd25a714803c8e62862b17d63_L

ພາຍ­ຫຼັງ​ເລີ່ມ​ລົງ­ມື​ກໍ່­ສ້າງ​ແຕ່​ທ້າຍ ປີ 2013 ຮອດ​ປະ­ຈຸ​ບັນ ໂຄງ­ການ​ກໍ່ ສ້າງ​ເສັ້ນ­ທາງ​ແຕ່ 3 ແຍກ​ດອນ​ໜູນ​ຫາ ສົ້ນ​ຂົວ​ທ່າ​ງ່ອນ ນະ­ຄອນ­ຫຼວງ​ວຽງ​ຈັນ ໜ້າ​ວຽກ​ໂດຍ​ລວມ​ປະ­ຕິ­ບັດ​ໄດ້ 80% ຂະນະ​ທີ່​ທາງ​ເຈົ້າ​ຂອງ​ໂຄງ­ການ​ຄາດ​ວ່າ​ຈະເປີດ​ນຳ​ໃຊ້​ຢ່າງ​ເປັນ​ທາງ​ການ​ໃນ​ເດືອນ ເມ­ສາ​ໜ້າ​ນີ້​ໂດຍ​ມີ​ມູນ​ຄ່າ​ກໍ່­ສ້າງ 4 ຮ້ອຍ ຕື້​ກວ່າ​ກີບ.

ໂຄງ­ການ​ກໍ່­ສ້າງ​ທາງ​ເບ​ຕົງ​ເສີມ​ເຫຼັກ ທາງ​ເລກ 10 ແຕ່ 3 ແຍກ​ດອນ​ໜູນ-ສົ້ນ​ຂົວ​ທ່າ​ງ່ອນ ແມ່ນ​ໂຄງ­ການ​ໜຶ່ງ​ທີ່ ນອນ​ໃນ​ແຜນ​ສົກ​ປີ 2013-2014 ເພື່ອ ເລັ່ງ​ໃສ່​ພັດ­ທະ­ນາ​ລະ­ບົບ​ພື້ນ­ຖານ​ໂຄງ ລ່າງ​ຂອງ​ນະ­ຄອນ­ຫຼວງ​ວຽງ​ຈັນ ໃຫ້​ນັບ ມື້​ມີ​ຄວາມ​ສະ­ດວກ​ຫຼາຍ​ຂຶ້ນ​ກວ່າ​ເກົ່າ, ຊຶ່ງ​ຈະ​ໃຊ້​ງົບ­ປະ­ມານ​ກໍ່­ສ້າງ​ທັງ​ໝົດ 56,95 ລ້ານ​ກວ່າ​ໂດ​ລາ ຫຼື ປະ­ມານ 455,65 ຕື້​ກວ່າ​ກີບ ໂດຍ​ມີ​ໄລ­ຍະ​ທາງ ຍາວ​ທັງ​ໝົດ 11,87 ກິ­ໂລ­ແມັດ, ຄວາມ ກວ້າງ​ຂອງ​ໜ້າ​ທາງ 23,8 ແມັດ ນັບ ທັງ​ທາງ​ດອນ​ກາງ ແລະ​ທາງ​ຄົນ​ຍ່າງ 1,5-2 ແມັດ, ສ່ວນ​ໜ້າ​ທາງ​ຈະ​ປູ​ດ້ວຍ ເບ​ຕົງ​ເສີມ​ເຫຼັກ​ໜາ 23 ຊັງ​ຕີ​ແມັດ, ປະ ກອບ ມີ​ຄອງ​ລົດ​ແລ່ນ​ໄວ​ຂ້າງ​ລະ 2 ຄອງ​ກວ້າງ​ຄອງ​ລະ 3,50 ແມັດ ແລະ ຄອງ​ລົດ​ແລ່ນ​ຊ້າ​ຂ້າງ​ລະ 1 ຄອງ​ກວ້າງ 2,30 ແມັດ, ມີ​ເສົາ​ໄຟ​ເຍືອງ​ທາງ​ຢູ່​ດອນ ກາງ ແລະ​ມີ​ຄອງ​ລະ­ບາຍ​ນ້ຳ​ເປື້ອນ​ຢູ່ 2 ຂ້າງ​ທາງ ໂດຍ​ການ​ອອກ​ແບບ​ໃຫ້​ສາ ມາດ​ນຳ​ໃຊ້​ງານ​ໄດ້ 20 ປີ ຂຶ້ນ​ໄປ.

ແນວ­ໃດ​ກໍ​ດີ ເມື່ອ​ວັນ​ທີ 7 ມັງ­ກອນ 2016 ທ່ານ ຕີ້ງ​ຄຳ ສີ­ສະ​ຫວັດ ຫົວ ໜ້າ​ໂຄງ­ການ​ດັ່ງ­ກ່າວ​ໃຫ້​ສຳ­ພາດ​ກັບ ທີມ​ຂ່າວ​ເສດ­ຖະ­ກິດ​ວ່າ: ພາຍ­ຫຼັງ​ໂຄງ ການ​ດັ່ງ­ກ່າວ​ໄດ້​ເລີ່ມ​ລົງ­ມື​ກໍ່­ສ້າງ​ມາ​ແຕ່ ເດືອນ​ພະ­ຈິກ 2013 ກໍ​ມີ​ຫຼາຍ​ໜ້າ​ວຽກ​ໄດ້​ກ້າວ​ໄປ​ຢ່າງ​ຕໍ່​ເນື່ອງ ພ້ອມ​ທັງ​ມີ​ຫຼາຍ ໜ້າ​ວຽກ​ທີ່​ສາ­ມາດ​ປະ­ຕິ­ບັດ​ໄດ້​ສຳ­ເລັດ ແລະ​ກໍ​ຍັງ​ມີ​ບາງ​ໜ້າ​ວຽກ​ທີ່​ພວມ​ສືບ­ຕໍ່​ປະ­ຕິ­ບັດ​ຄາດ​ວ່າ​ຈະ​ໃຫ້​ສຳ­ເລັດ 100% ທັນ​ກັບ​ການ​ມອບ-ຮັບ ແລະ​ເປີດ​ນຳ​ໃຊ້ ຢ່າງ​ເປັນ​ທາງ​ການ​ໃນ​ເດືອນ​ເມ­ສາ ປີ2016 ນີ້.

ໂດຍ​ຄວາມ​ຄືບ​ໜ້າ​ຂອງ​ໂຄງ­ການ ມາ​ຮອດ​ດຽວ­ນີ້ ໂດຍ​ລວມ​ແມ່ນ​ສະ­ເລ່ຍ ໄດ້ 80%, ໃນ​ນີ້​ວຽກ​ທີ່​ສຳ­ເລັດ​ແລ້ວ​ມີ ເທ​ເບ​ຕົງ​ໜ້າ​ທາງ, ວາງ​ທໍ່​ລະ­ບາຍ​ນ້ຳ ແລະ​ວຽກ​ອື່ນໆ, ສ່ວນ​ວຽກ​ເທ​ທາງ     ຮ່ອມ​ແມ່ນ​ໃກ້​ສຳ­ເລັດ, ນອກ​ນັ້ນ ທາງ ໂຄງ­ການ​ກໍ​ຍັງ​ສືບ­ຕໍ່​ປະ­ຕິ­ບັດ​ບາງ​ໜ້າ ວຽກ​ທີ່​ເຫັນ​ວ່າ ຍັງ​ບໍ່​ສຳ­ເລັດ​ເປັນ­ຕົ້ນ ແມ່ນ​ວຽກ​ເທ​ດອນ​ກາງ, ວຽກ​ປູ​ທາງ​ຄົນ ຍ່າງ, ວຽກ​ຕິດ​ຕັ້ງ​ເສົາ​ໄຟ​ເຍືອງ​ທາງ, ວຽກ​ແຕ້ມ​ປ້າຍ​ທາງ ແລະ​ຕິດ​ຕັ້ງ​ປ້າຍ ສັນ­ຈອນ​ຕ່າງໆ​ຄາດ​ວ່າ​ຈະ​ໃຫ້​ສຳ­ເລັດ ພາຍ​ໃນ​ເດືອນ​ມີ­ນາ​ນີ້ ທ່ານ​ຫົວ­ໜ້າ​ໂຄງ ການ​ກ່າວ​ຕື່ມ.

ແຫ່ລງຂ່າວ

ເສດຖະກິດ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...