ມີລາຍງານຫຼ້າສຸດພົບວ່າ ມີ 13 ແອັບພິເຄຊັ່ນ ຖືກປົດອອກຈາກ Google Play Store ເນື່ອງຈາກພົບມັດແວຣທີ່ເປັນອັນຕະລາຍພາຍໃນແອັບດັ່ງກ່າວ. ແອັບພິເຄຊັ່ນເຫຼົ່ານີ້ເບິ່ງຄືວ່າບໍ່ເປັນອັນຕະລາຍຕໍ່ຜູ້ໃຊ້ ແລະ ລະບົົບປະຕິບັດການແອນດຣອຍ ແຕ່ເບື້ອງຫຼັງແລ້ວມັນມີສິ່ງທີ່ອັນຕະລາຍແອບແຝງຢູ່ ນັ້ນກໍຄືແອັບພິເຄຊັ່ນເຫຼົ່ານີ້ເມື່ອຖືກຕິດຕັ້ງເທິງອຸປະກອນແອນດຣອຍແລ້ວ ມັນຈະພະຍາຍາມຂໍສິດອະນຸຍາດເຂົ້າເຖິງສ່ວນທີ່ສຳຄັນຂອງລະບົບ ແລະ ມັນຍັງຊ່ວຍຕິດຕັ້ງແອັບພິເຄຊັ່ນອື່ນໆທີ່ຕິດມັັດແວຣລົງເຄື່ອງນຳ ໂດຍທີ່ເຈົ້າຂອງເຄື່ອງບໍ່ຮູ້ໂຕ. ເຊິ່ງແອັບພິເຄຊັ່ນທັງ 13 ນີ້ເປັນແອັບເກມທັງໝົດ, ເຊິ່ງມັນງ່າຍຫຼາຍທີ່ຈະຫາຜູ້ໃຊ້ເຂົ້້າມາຕິດຕັ້ງແອັບເຫຼົ່ານີ້ ເພາະເກມທັງໝົດນັ້ນລ້ວນແຕ່ເປັນເກມທີ່ໜ້າສົນໃຈແລະມ່ວນອີກນຳ (ແອັດມິນກະເຄີຍຕິດຕັ້ງ ^^)

ແອັບພິເຄຊັ່ນທີ່ຕິດເຊື້ອເຫຼົ່ານີ້ມັນຈະສ້າງຣີວິວແລະຄວາມເຫັນປອມ ຂຶ້ນມາເທິງ Google Play Store ເພື່ອດຶງດູດໃຫ້ຜູ້ໃຊ້ເຊື່ອໃຈແລະຕິດຕັ້ງມັນ ແລະອີກຢ່າງຜູ້ໃຊ້ທີ່ Root ເຄື່ອງເຖິງວ່າຈະຄືນຄ່າໂຮງງານກໍບໍ່ສາມາດລຶບອອກໄດ້. ເຊິ່ງໃນກໍລະນີນີ້ ຜູ້ໃຊ້ຈະຕ້ອງໄດ້ Flash ROM ໃໝ່ໝົດຈຶ່ງຈະແກ້ບັນຫານີ້ໄດ້ ສຳລັບລາຍຊື່ແອັບພິເຄຊັ່ນທັງ 13 ມີດັ່ງນີ້:

– Cake Blast
– Jump Planet
– Honey Comb
– Crazy Block
– Crazy Jelly
– Tiny Puzzle
– Ninja Hook
– Piggy Jump
– Just Fire
– Eat Bubble
– Hit Planet
– Cake Tower
– Drag Box

  ສຳລັບຜູ້ທີ່ມີແອັບພິເຄຊັ່ນເຫຼົ່ານີ້ພາຍໃນເຄື່ອງ ກໍພ້ອມ “ທຳໃຈ Flash ROM ໄດ້ເລີຍ ^^“. ເຊິ່ງບາງແອັບພິເຄຊັ່ນຂ້າງເທິງນີ້ມີຜູ້ຕິດຕັັ້ງໄປແລ້ວ 500.000 ເຄື່ອງຫຼືຫຼາຍກວ່ານີ້ດ້ວຍຄະແນນຄວາມນິຍົມ 4.5 ດາວ

ທີ່ມາ:phonearena
ຮູບພາບໜ້າປົກຈາກ zhiyou.co