spot_img
Homeຂ່າວຕ່າງປະເທດບານປາຍ! 3 ຊາດພັນທະມິດ ຕັດສຳພັນ - ຖອນທູດອອກອີຣ່ານ ປະກາດຈຸດຢືນ ຄຽງຂ້າງຊາອຸຯ!

ບານປາຍ! 3 ຊາດພັນທະມິດ ຕັດສຳພັນ – ຖອນທູດອອກອີຣ່ານ ປະກາດຈຸດຢືນ ຄຽງຂ້າງຊາອຸຯ!

Published on

559000000115301
ພາບສະຖານທູດອາຣັບບີ ຊາອຸດິດ ປະຈຳນະຄອນຫລວງເຕເຮຣານ ປະເທດອີຣ່ານ ຖືກກຸ່ມຜູ່ປະທ້ວງບຸກເຜົາທຳລາຍ

ສຳນັກຂ່າວຕ່າງປະເທດ ລາຍງານໃນວັນທີ 5 ມັງກອນນີ້ວ່າ ສະຖານະການຄວາມເຄັ່ງຕຶງ ລະຫວ່າງ ອາຣັບບີ ຊາອຸດິດ ແລະ ອີຣ່ານ ໄດ້ບານປາຍ ກາຍເປັນຄວາມຂັດແຍ່ງຫລາຍປະເທດ ເມື່ອລັດຖະບານບາເຣນ ແລະ ສະຫະລັດອາຫລັບເອມິເຣດ ຫລື UAE ໃນຕາເວັນອອກກາງ ລວມທັງລັດຖະບານຊູດັງ ໃນທະວີບອາຟຣິກາ ຊຶ່ງທັງ 3 ປະເທດດັ່ງກ່າວ ມີປະຊາຊົນສ່ວນໃຫຍ່ ເປັນຊາວມຸດສະລິມນິກາຍຊຸນນີ ເຊັ່ນດຽວກັນກັບອາຣັບບີ ຊາອຸດິດ ໄດ້ປະກາດຫລຸດລະດັບຄວາມສຳພັນທາງການທູດ ແລະ ຮຽກຕົວນັກການທູດຂອງຕົນ ປະຈຳຢູ່ປະເທດອີຣ່ານ ກັບຄືນປະເທດທັງໝົດ.

ການເຄື່ອນໄຫວຂອງລັດຖະບານ 3 ປະເທດດັ່ງກ່າວນີ້ ໄດ້ເປັນການປະກາດຊັດເຈນ ໃນການຢືນຢູ່ຂ້າງອາຣັບບີ ຊາອຸດິດ ຊຶ່ງໄດ້ປະກາດ ຕັດຄວາມສຳພັນທາງການທູດ ກັບລັດຖະບານອີຣ່ານ ເມື່ອວັນເສົາທີ 3 ມັງກອນຜ່ານມາ ເປັນການຕອບໂຕ້ ເຫດຜູ່ປະທ້ວງຊາວອີຣ່ານ ບຸກເຜົາສະຖານທູດຂອງຕົນ ປະຈຳນະຄອນຫລວງເຕເຮຣານ ດ້ວຍຄວາມຄຽດແຄ້ນ ຈາກກໍລະນີທີ່ ທາງການອາຣັບບີ ຊາອຸດິດ ປະຫານຊີວິດນັກໂທດ ຄະດີກໍ່ການຮ້າຍລວມ 47 ຄົນ ຊຶ່ງໃນນັ້ນ ແມ່ນລວມມີ ມ່ານ ຊີກ ນິມະຣາ ອັນ-ນິມະຣາ ຄູສອນສາສະໜາອິດສະລາມ ນິກາຍຊີອະ ລວມຢູ່ນຳ ໃນວັນທີ 1 ມັງກອນ 2016.

ນອກຈາກທາງການອາຣັບບີ ຊາອຸດິດ ໄດ້ຕັດສຳພັນທາງການທູດ ກັບລັດຖະບານອີຣ່ານແລ້ວ ຍັງໄດ້ສັ່ງລະງົບຖ້ຽວບິນທັງໝົດ ລະຫວ່າງປະເທດຕົນ ແລະ ອີຣ່ານ ພ້ອມທັງສົ່ງໜັງສືປະທ້ວງ ໄປເຖິງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຕຳນິເຈົ້າໜ້າທີ່ອີຣ່ານ ຈາກຄວາມຫລົ້ມເຫລວ ໃນການປະຕິບັດໜ້າທີ່ ປົກປ້ອງດູແລສະຖານທູດອາຣັບບີ ຊາອຸດິດ ໃນປະເທດຂອງຕົນ.

 

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...