ສຳນັກຂ່າວຕ່າງປະເທດ ລາຍງານວ່າ ໃນມື້ນີ້ (4 ມັງກອນ 2016) ເວລາ 06:05 ໂມງ ໄດ້ເກີດເຫດແຜ່ນດິນໄຫວ ຂະໜາດ 6.6 ແມັກນິຈູດ ຢູ່ບໍລິເວນຊາຍແດນ ລະຫວ່າງປະເທດອິນເດຍ-ມຽນມາ ສູນກາງເລິກລົງໄປໃຕ້ດິນ 55 ກິໂລແມັດ ຫ່າງຈາກເມືອງອິນຟານ ເມືອງເອກຂອງລັດມະນີປຸຣະ 29 ກິໂລແມັດ ໂດຍແຮງສັ່ນສະເທືອນ ໄດ້ເຮັດໃຫ້ມີຜູ່ເສຍຊີວິດແລ້ວ ຢ່າງໜ້ອຍ 4 ຄົນ ແລະ ບາດເຈັບອີກຢ່າງໜ້ອຍ 100 ຄົນ ຈາກການຖືກເສດຊາກອາຄານ ຫັກລົງລົ້ມທັບ ແລະ ສ້າງຄວາມເສຍຫາຍ ໃຫ້ແກ່ພື້ນທີ່ອ້ອມຮອບເປັນວົງກວ້າງ.
