spot_img
Homeວົງການສື່ມວນຊົນສສ ຫວຽດນາມມອບເຄື່ອງສົ່ງ VHF ໃຫ້ໂທລະພາບແຫ່ງຊາດລາວ

ສສ ຫວຽດນາມມອບເຄື່ອງສົ່ງ VHF ໃຫ້ໂທລະພາບແຫ່ງຊາດລາວ

Published on

DSC_4235 tv 1

ຂປລ.​ ພິທີ​ມອບ-​ຮັບ ​ແລະ ນຳ​ໃຊ້​ເຄື່ອງ​ສົ່ງ VHF 10 KW  ຈາກ​ໂທລະພາບ​ຫວຽດນາມ​ ມອບ​​ໃຫ້​ໂທ ລະພາບ​ແຫ່ງ​ຊາດ​ລາວ ​​ໄດ້ຈັດຂຶ້ນໃນ​ວັນ​ທີ 22 ທັນ​ວາ 2015 ທີ່​ໂທລະພາບ​ແຫ່ງ​ຊາດ, ​ໂດຍ​ການ​ເປັນ​ປະທານ​ຂອງ​ທ່ານ ສະຫວັນ​ຄອນ ຣາຊະ​ມົນຕຣີ ລັດຖະມົນຕີ​ຊ່ວຍ​ວ່າການກະຊວງ​ຖະ​ແຫລ​ງຂ່າວ, ວັດທະ​ນະ​ທຳ ​ແລະ ທ່ອງ​ທ່ຽວ. ຕາງໜ້າມອບ​ໂດຍ​ທ່ານ ດັ້ງ​ ຮົ່ງທູ ອຳນວຍ​ການ​ສູນ​ເຄື່ອງ​ສົ່ງ-ໂທລະພາບ​ຫວຽດນາມ ຕ່າງໜ້າຮັບ​ໂດຍທ່ານ ບຸນ​ເຈົ້າ ພິຈິດ ຫົວໜ້າ​ໂທລະພາບ​ແຫ່ງ​ຊາດ.

ລະບົບ​ເຄື່ອງ​ສົ່ງ VHF ມີ​ມູນ​ຄ່າ 12 ຕື້​ດົງ ຫລື​​ ປະມານ 6 ຕື້​ກີບ, ຜະລິດ​ຈາກ​ບໍລິສັດ ທີ່​ມີ​ຊື່ສຽງທາງ​ດ້ານ​ການ​ຜະລິດ​ອຸປະກອນ​ເຄື່ອງ​ສົ່ງ ວິ​ທະ​ຍຸ​ໂທລະພາບ Gates Air ດ້ວຍ​ເຕັກ​ໂນ​ໂລ​ຊີ​ທີ່​ທັນ​ສະ​ໄໝ ຄວບ​ຄຸມ​ດ້ວຍ​ລະບົບ​ຄອມ​ພິວ​ເຕີ, ຮັບປະກັນ​ຄຸນ​ນະພາ​ບ​ໃນ​ການ​ນຳ​​ໃຊ້ ສິ່ງ​ສຳຄັນ​​ແມ່ນ​ສາມາດກະຈາຍ​ເປັນ​ລະບົບ​ດີ​ຈີ​ຕອນ​ ມາດຖານ DVB-T2  ສະດວກ​ໃຫ້​ແກ່​ການ​ກະຈາ​ຍທາງ​ພາກ​ພື້ນ​ດິນ ນອກ​ນັ້ນ​, ຍັງ​ຮັບປະກັນ​ໃຫ້​ແກ່ການກະຈາຍ​ລາຍການ​ອອກ​ອາກາດຂອງ​ໂທລະພາບ​ແຫ່ງ​ຊາດ ດ້ວຍ​ຄຸນ​ນະພາ​ບສູງ​ສຸດ, ນອກຈາກ​ນັ້ນ ​ຍັງ​ເປັນ​ການປະ​ກອບ​ສ່ວນ​ເຂົ້າ​​ໃນ​ການ​ຮັບ​ໃຊ້ໜ້າທີ່​ການ​ເມືອງຂອງ ​ພັກ-ລັດ ຮັດ​ແໜ້ນການ​ຮ່ວມ​ມື​ ລະຫວ່າງ​ສອງ​ສະຖານີໂທລະພາບ​ແຫ່ງ​ຊາດ​ຂອງ​ສອງ​ປະ​ເທດ ລາວ-ຫວຽດນາມ ​ໃຫ້​ມີ​ປະສິດທິ​ຜົນ​ຍິ່ງໆຂຶ້ນ​ໄປ.

ທ່ານ ບຸນ​ເຈົ້າ ພິຈິດ ​ໄດ້​ສະ​ແດງ​ຄວາມ​ຂອບ​ໃຈ ຕໍ່​ຄະນະ​ນຳ​ໂທລະພາບ​ ​ກໍ​ຄືລັດຖະບານ​ຫວຽດນາມ ທີ່​​ໄດ້​ໃຫ້ການ​ຊ່ວຍ​ເຫລື​ອ ​ໂທລະພາບ​ແຫ່ງ​ຊາດ​ຕະຫລອດ​ມາ ​ແລະ ສັນຍາ​ວ່າ ຈະ​ປົກ​ປັກຮັກສາ ​ແລະ ຄຸ້ມ​ຄອງນຳ​ໃຊ້​ວັດຖຸ​ອຸປະກອນດັ່ງກ່າວ ​ໃຫ້​ເກີດ​ປະ​ໂຫຍ​ດສູງສຸດ.

ແຫ່ລງຂ່າວ

ຂປລ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...