ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ບໍລິເວນຄວາມກົດດັນສູງຂອງອາກາດໜາວທີ່ປົກຄຸມຢູ່ທົ່ວທຸກພາກຂອງລາວ ໄດ້ສືບຕໍ່ອ່ອນກຳລັງລົງ ແລະ ສົມທົບກັບກະແສລົມຕາເວັນອອກພັດປົກຄຸມ, ເຊິ່ງລັກສະນະເຊັ່ນນີ້ ຈະເຮັດໃຫ້ສະພາບອາກາດອຸ່ນຂຶ້ນຕື່ມອີກໃນແຕ່ລະພາກ, ສຳລັບເຂດພູສູງ ແລະ ເຂດຮ່ອມພູ ອາກາດຍັງຈະໜາວຫລາຍພ້ອມມີໝອກໜາປົກຫຸ້ມຢູ່ທົ່ວໄປ.
+ ພາກເໜືອດ້ານຕາເວັນອອກ: ອາກາດໂດຍທົ່ວໄປຈະອຸ່ນຂຶ້ນຕື່ມ ແຕ່ຢູ່ເຂດພູສູງ, ຍອດພູ, ເປີ້ນພູ ແລະ ຮ່ອມພູອາກາດຈະໜາວ ພ້ອມມີໝອກໜາປົກຫຸ້ມຢູ່ທົ່ວໄປ. ອຸ່ນຫະພູມຕ່ຳສຸດ 9-12 ອົງສາ ແລະ
ສູງສຸດ 19-21 ອົງສາ. ສ່ວນພາກເໜືອດ້ານຕາເວັນຕົກ: ອາກາດຈະອຸ່ນຂຶ້ນຕື່ມ, ແຕ່ໂດຍທົ່ວໄປອາກາດຍັງຈະໜາວເຢັນ ພ້ອມມີໝອກໜາປົກຫຸ້ມຢູ່ທົ່ວໄປ, ສະເພາະເຂດພູສູງ ອາກາດຈະໜາວຫລາຍ. ອຸນຫະພູມຕ່ຳສຸດ 15-17 ອົງສາ ແລະ ສູງສຸດ 24-26 ອົງສາ, ສະເພາະຢູ່ເຂດເມືອງສິງ ແລະ ວຽງພູຄາ: ອຸນຫະພູມຕ່ຳສຸດ 13-15 ອົງສາ ແລະ ສູງສຸດ 22-24 ອົງສາ.
+ ນະຄອນຫລວງວຽງຈັນ: ມີເມກປົກຄຸມເປັນບາງສ່ວນ, ອາກາດເຢັນພ້ອມມີໝອກບາງປົກຫຸ້ມຢູ່ທົ່ວໄປ.ອຸນຫະພູມຕ່ຳສຸດ 17-19 ອົງສາ ແລະ ສູງສຸດ 29-31 ອົງສາ. ສຳລັບພາກກາງ: ມີເມກປົກຄຸມເປັນບາງສ່ວນ,ອາກາດເຢັນ ພ້ອມມີຫມອກບາງປົກຫຸ້ມຢູ່ທົ່ວໄປ. ອຸນຫະພູມຕ່ຳສຸດ 16-18 ອົງສາ ແລະ ສູງສຸດ 29-31 ອົງສາ ແລະ ແຂວງໄຊສົມບູນ: ອາກາດໜາວ ພ້ອມມີໝອກໜາປົກຫຸ້ມໃນຕອນເຊົ້າ. ອຸນຫະພູມຕ່ຳສຸດ 7-9 ອົງສາ ແລະ ສູງສຸດ 22-24 ອົງສາ.
+ ພາກໃຕ້: ມີເມກປົກຄຸມເປັນບາງສ່ວນ, ອາກາດເຢັນ ພ້ອມມີໝອກບາງປົກຫຸ້ມຢູ່ທົ່ວໄປ. ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 30-32 ອົງສາ. ສ່ວນວ່າຢູ່ເຂດປາກຊ່ອງ, ນິຄົມ 34: ອາກາດຍັງເຢັນ. ອຸນຫະພູມຕ່ຳສຸດ10-12 ອົງສາ ແລະ ສູງສຸດ 24-26 ອງົສາ.
ແຫ່ລງຂ່າວ
